Ֆուտբոլի աշխարհի 2018 թվականի առաջնության ընտրական մրցաշարի երրորդ փուլում Հայաստանի ֆուտբոլի հավաքականը երեկ Վարշավայում համառ պայքարում զիջեց Լեհաստանի հավաքականին՝ 1:2 հաշվով:
Հայաստանի թիմը առայժմ միավոր չի վաստակել և եզրափակում է E խմբի մրցաշարային աղյուսակը: 7-ական միավորով խմբի առաջատարներն են Չեռնոգորիան և Լեհաստանը:
Ընտրական մրցաշարի առաջին երկու հանդիպումներում Հայաստանը համապատասխանաբար 0:1 և 0:5 հաշիվներով պարտվել է Դանիայի և Ռումինիայի հավաքականներին:
