Հայաստանի Ազգային ժողովի փոխնախագահ Էդուարդ Շարմազանովի գլխավորած պատվիրակությունը այսօր ժամանելու է Ուրուգվայ:
Մինտեվիդեոյում պատվիրակությունը հանդիպումներ է ունենալու Ուրուգվայի փոխնախագահ և Ընդհանուր ժողովի նախագահ Ռաուլ Սենդիկի, խորհրդարանի նախագահ Ժերարդո Ամարիյայի, արտգործնախարար Ռոդոլֆո Նին Նովոայի և Ուրուգվայ-Հայաստան խորհրդարանական խմբի անդամների հետ:
Շարմազանովը այցելելու է Մոնտեվիդեոյի Արմենիա հրապարակ և հանդիպում է ունենալու տեղի հայ համայնքի կառույցների ներկայացուցիչների հետ:
Պատվիրակությունը, որի կազմում են հանրապետական պատգամավոր Սուքիաս Ավետիսյանը և դաշնակցական Միքայել Մանուկյանը, Ուրուգվայ կմեկնի Արգենտինայից, ուր ժամանել էր անցած շաբաթավերջին:
