Ուկրաինայի գլխավոր դատախազը հրաժարական է ներկայացրել

Ուկրաինայի գլխավոր դատախազի պաշտոնից հրաժարական է ներկայացրել Վիկտոր Շոկինը: Այս մասին հաղորդում է «Ազատություն» ռադիոկայանի ուկրաինական ծառայությունը։

Այսօր առավոտյան Ուկրաինայի նախագահ Պետրո Պորոշենկոն հանդիպել էր Վիկտոր Շոկինին և առաջարկել հրաժարականի դիմում գրել։ Ըստ Պորոշենկոյի՝ վարչապետ Արսենի Յացենյուկի և գլխավոր դատախազի հրաժարականները կվերականգնեն կառավարության նկատմամբ վստահությունը։