ԵԽԽՎ զեկուցող, բոսնիացի խորհրդարանական Միլիցա Մարկովիչը օգոստոսի 24-27-ը կժամանի Բաքու՝ «Ադրբեջանի սահմանամերձ շրջանների բնակիչներին միտումնավոր ջրազրկելու մասին» զեկույցը նախապատրաստելու նպատակով:
Այս մասին հաղորդում է ԵԽԽՎ մամուլի ծառայությունը՝ հավելելով, որ Մարկովիչը Բաքվում մի շարք հանդիպումներ է ունենալու ԱԳՆ-ում, էկոլոգիայի նախարարությունում և գյուղնախարարությունում:
Նախատեսված են հանդիպումներ ԵԽԽՎ-ում ադրբեջանական պատվիրակության, Համաշխարհային բանկի և քաղաքացիական հասարակության ներկայացուցիչների հետ:
Զեկուցողը նաև բանակցություններ է ունենալու Ադրբեջանի սահմանամերձ շրջանների ղեկավար մարմինների ներկայացուցիչների հետ:
Մարկովիչը նմանատիպ փաստահավաք առաքելությամբ Ադրբեջան էր այցելել նաև 2014 թվականի դեկտեմբերին:
