Այսօր 18.15-ի սահմաններում Կապան-Գորիս ավտոճանապարհին կրակահերթեր են արձակվել «Լեքսուս LX 570» մակնիշի ավտոմեքենայի վրա, որի մեջ այդ պահին եղել են Սյունիքի մարզպետ Սուրիկ Խաչատրյանը, նրա օգնականը և վարորդը:
Քննչական կոմիտեից «Ազատության»-ը փոխանցեցին, որ նախնական տեղեկություններով տուժածներ չկան: Դեպքի վայրում են Քննչական կոմիտեի Սյունիքի մարզային վարչության պետը և նրա գլխավորած քննչական օպերատիվ խումբը:
Հարուցվել է քրեական գործ՝ սպանության փորձի և ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու հոդվածների հատկանիշներով։
Հովհաննես Շողիկյան
