Վարչապետ Հովիկ Աբրահամյանի հանձնարարությամբ, Կառավարության աշխատակազմի ղեկավար-նախարար Դավիթ Հարությունյանը նամակ է ուղարկել ֆինանսների նախարար Գագիկ Խաչատրյանին՝ ստուգելու «Բարգավաճ Հայաստան» կուսակցության առաջնորդ, մեծահարուստ գործարար Գագիկ Ծառուկյանի՝ բարեգործական գործունեությամբ քողարկված չմուծված հարկերի մասին լուրերի իսկությունը: Այդ մասին այսօր «Ազատության» հետ զրույցում ասաց վարչապետի մամուլի քարտուղար Գոհար Պողոսյանը:
Հիշեցնենք՝ իշխող Հանրապետական կուսակցության խորհրդի փետրվարի 12-ի նիստում իր հայտնի ելույթում կուսակցության առաջնորդ, Հայաստանի նախագահ Սերժ Սարգսյանն էր վարչապետին հորդորել համապատասխան մարմիններին նման ստուգումներ հանձնարարել։
Սարգիս Հարությունյան
