«Ժառանգության» պատգամավոր Զարուհի Փոստանջյանը դիմել է մարդու իրավունքների պաշտպան Կարեն Անդրեասյանին՝ Սառնաղբյուրի բնակիչ Մնացական Ալեքսանյանի ձերբակալության դեպքի առթիվ՝ կոչ անելով պաշտպանին անհապաղ միջոցներ ձեռնարկել՝ Ալեքսանյանին ազատ արձակելու ուղղությամբ:
Պատգամավորի խոսքով, սառնաղբյուրցին ապօրինի է ձերբակալվել:
«Ակնհայտ է, որ սույն ձերբակալության որոշումը կայացվել է ապօրինի հրամանի ներքո և Մնացական Ալեքսանյանը հատուկ ընտրված ամեղ կասկածյալ է»:
Փոստանջանի ձևակերպմամբ, 22-ամյա երիտասարդին քրեական օրենսգրքով նախատեսված արարքով կասկածելը և ձերբակալելը անօրինական է և հետապնդում է հատուկ նպատակ:
«Իրական հանցագործներին` եղեռնագործներին բռնելու և վնասազերծելու փոխարեն ոչ միայն Գյումրիում, այլև ողջ Հայասատանի Հանրապետության տարածքում առաջացել է վախի և անպատժելիության մթնոլորտ: Մեղադրյալ Պերմյակովին թույլ տալով առևանգել և ապօրինաբար պահել Ռուսաստանի Դաշնության 102-րդ ռազմաբազայում և ի վիճակի չլինելով իրանականցնել քրեական հետապնդում Ավետիսյանների ընտանիքի յոթ անդամների սպանությունների համար՝մեղավորների հանդեպ հենց ՀՀ գլխավոր դատախազն իր ենթականերով պետք է ենթարկվի քրեական պատասխանատվության: Փաստորեն, անպատժելիության և վախի մթնոլորտ ստեղծելու մեղավորներն իրենք են», - գրել է Զարուհի Փոստանջյանը:
