Ռուսական կողմը մեղադրանք է առաջադրել Գյումրիում տեղակայված ռուսական 102-րդ ռազմաբազայի զինծառայող, Ավետիսյանների ընտանիքի անդամներից վեցին սպանելու և մեկին ծանր վիրավորելու համար կասկածվող Վալերի Պերմյակովի նկատմամբ՝ զենքով դասալքության և սպանություն հատկանիշներով, տեղեկացնում է «Փաստինֆո» լրատվական գործակալությունը՝ վկայակոչելով ռուսաստանցի դատավորին։
Աղբյուրը նշում է, որ ռուսական կողմը Պերմյակովի նկատմամբ խափանման միջոց է ընտրել կալանավորումը։
