«Բարգավաճ Հայաստան» կուսակցության առաջնորդ Գագիկ Ծառուկյանը վաղը Ազատության հրապարակում նախատեսված եռյակի հանրահավաք-երթին չի մասնակցի:
Այս մասին «Ազատությանը» տեղեկացրեց Գագիկ Ծառուկյանի խոսնակ Իվետա Տոնոյանը: Նա, սակայն, նշեց, որ կուսակցության բազմաթիվ այլ ներկայացուցիչներ ներկա կլինեն հանրահավաքին:
«Ընդհանրապես ԲՀԿ-ականները ցանկության դեպքում ազատ են մասնակցելու Մարդու իրավունքների պաշտպանության օրվան նվիրված միջոցառմանը», - ասաց ԲՀԿ առաջնորդի խոսնակը:
Թե ի՞նչ պատճառով Գագիկ Ծառուկյանը ներկա չի լինի Ազատության հրապարակում եռյակի նախատեսած հանրահավաք-երթին, Իվետա Տոնոյանը չմանրամասնեց:
Ռուզաննա Ստեփանյան
