Երեկ Լեռնային Ղարաբաղի ռազմագերիների, պատանդների և անհայտ կորածների հարցերով պետական հանձնաժողովը դիմել է Ղարաբաղում Կարմիր Խաչի միջազգային կոմիտեի (ԿԽՄԿ) առաքելությանը:
Լեռնային Ղարաբաղի արտգործնախարարության փոխանցմամբ՝ հանձնաժողովը ԿԽՄԿ-ի առաքելությանը խնդրել է միջնորդել նոյեմբերի 12-ին Ադրբեջանի զինված ուժերի կողմից խոցված Ղարաբաղի ռազմաօդային ուժերի ուղղաթիռի անձնակազմի անդամների աճյունների որոնման և դուրսբերման հետ կապված գործողությունների անցկացման հարցում։
