Արդյունաբերությունը անկում է ապրել, տնտեսական ակտիվությունը՝ աճել

2014 թվականի առաջին երեք ամիսներին Հայաստանում արդյունաբերությունը անկում է ապրել՝ համեմատած նախորդ տարվա նույն ժամանակահատվածի հետ:

Այսօր հրապարակված Ազգային վիճակագրական ծառայության «Հայաստանի Հանրապետության սոցիալ-տնտեսական վիճակը 2014 թվականի հունվար-մարտին» զեկույցի համաձայն՝ արդյունաբերական արտադրանքի անկումը կազմել է 2.8 տոկոս:

Անկում է ապրել նաև էլեկտրաէներգիայի արտադրությունը՝ 5.5 տոկոսով:

2014 թվականի հունվար-մարտին 2013-ի հունվար-մարտի համեմատ Հայաստանում տնտեսական ակտիվության ցուցանիշը աճել է 3.3 տոկոսով:


Սարգիս Հարությունյան