Առաջատար յոթ պետությունների՝ Ամերիկայի Միացյալ Նահանգների, Կանադայի, Մեծ Բրիտանիայի, Գերմանիայի, Ֆրանսիայի, Իտալիայի և Ճապոնիայի ղեկավարներն այսօր հանդիպում են Հաագայում, որտեղ գումարվում է Միջուկային անվտանգության միջազգային գագաթնաժողովը։
Այդ հավաքի մասնակիցների թվում են նաև Հայաստանի, Ադրբեջանի, Ռուսաստանի և տասնյակ այլ երկրների ղեկավարներ։ Յոթնյակը, որի հանդիպումը գագաթնաժողովի շրջանակներից դուրս է, պետք է Նիդերլանդների կառավարության նստավայր Հաագայում հատուկ նիստում քննարկի Ուկրաինայի հարցը։
Ռուսաստանը Հաագայում ներկայացնում է ոչ թե նախագահ Վլադիմիր Պուտինն, այլ արտգործնախարար Սերգեյ Լավրովը, ով, հավանաբար, առանձին կհանդիպի իր ամերիկացի պաշտոնակից Ջոն Քերրիին։
Ամերիկայի Միացյալ Նահանգները և Եվրոպական միությունն արդեն սահմանել են վիզայի արգելքներ և տնտեսական պատժամիջոցներ մի քանի տասնյակ ռուս և ուկրաինացի պաշտոնյաների և գործարարների նկատմամբ ու պատրաստվում են նոր պատժամիջոցներ կիրառել։
Ռուսների կողմից բռնակցված և Դաշնության մաս հռչակված Ղրիմում այսօրվանից ուկրաինական հրիվնային զուգահեռ շրջանառվում է նաև ռուսական ռուբլին։ Պուտինի կարգադրությամբ մինչև մարտի 29-ը Ղրիմում պետք է ձևավորվեն գործադիր իշխանության ռուսական մարմիններ։
Ռուսները հսկողության տակ են վերցրել Ղրիմի տարածքում գտնվող ուկրաինական ռազմակայանները։ Ուկրաինայի նախագահի պաշտոնակատար Օլեկսանդր Տուրչինովը ուկրաինացի զինծառայողներին կարգադրել է հեռանալ Ղրիմից, քանի որ նրանք և նրանց ընտանիքների անդամները ֆիզիկական վտանգի տակ են հայտնվել։
Նախօրեին Եվրոպայում ՆԱՏՕ-ի միացյալ ուժերի հրամանատար, ամերիկացի գեներալ Ֆիլիպ Բրիդլովն ասել է, որ ռուսները հսկայական զինուժ են կուտակել Ուկրաինայի սահմանին։
«Այդ ուժերը միանգամայն բավարար են Ուկրաինայի արևելյան սահմանը հատելու և Մերձդնեստր ներխուժելու համար, դա շատ մտահոգիչ է»,- ասել է Բրիդլովը։
Ամերիկայի նախագահի ազգային անվտանգության հարցերով խորհրդականի տեղակալ Թոնի Բլինքենը երեկ CNN-ին ասել է, թե զորք կուտակելով Ուկրաինայի արևելյան սահմանի մոտ՝ ռուսները հոգեբանական ճնշում են գործադրում Ուկրաինայի եվրոպամետ նոր իշխանության վրա և կարող են իսկապես զավթել ռուսախոս շրջանները։
Եվրամիությունում Ռուսաստանի դեսպան Վլադիմիր Չիժովը հավաստիացնում է, որ ռուսները զավթողական ծրագրեր չունեն։
Միացյալ Նահանգների նախագահ Բարաք Օբաման Ամստերդամում հայտարարել է, որ Ամերիկան և Եվրոպան միասնական են և Ռուսաստանին կպարտադրեն թանկ վճարել Ղրիմը բռնակցելու համար։
Եվրահանձնաժողովի նախագահ Ժոզե Մանուել Բարոզուն Հաագայում հույս է հայտնել, որ «Մեծ յոթնյակը» միասնական կլինի Ռուսաստանի ագրեսիան դատապարտելու և Ուկրաինային սատարելու խնդրում։
«Ամենաճիշտը կլինի ցույց տալ, որ Ուկրաինան կարող է լինել միացյալ, ինքնիշխան, արդիական և կայուն երկիր, և եթե պետք լինի` ցուցաբերել հետագա քայլեր ձեռնարկելու մեր պատրաստակամությունը, որովհետև ռուսների կեցվածքն անընդունելի է 21-րդ դարում»,- ասել է Բարոզուն։
Այդ հավաքի մասնակիցների թվում են նաև Հայաստանի, Ադրբեջանի, Ռուսաստանի և տասնյակ այլ երկրների ղեկավարներ։ Յոթնյակը, որի հանդիպումը գագաթնաժողովի շրջանակներից դուրս է, պետք է Նիդերլանդների կառավարության նստավայր Հաագայում հատուկ նիստում քննարկի Ուկրաինայի հարցը։
Ռուսաստանը Հաագայում ներկայացնում է ոչ թե նախագահ Վլադիմիր Պուտինն, այլ արտգործնախարար Սերգեյ Լավրովը, ով, հավանաբար, առանձին կհանդիպի իր ամերիկացի պաշտոնակից Ջոն Քերրիին։
Ամերիկայի Միացյալ Նահանգները և Եվրոպական միությունն արդեն սահմանել են վիզայի արգելքներ և տնտեսական պատժամիջոցներ մի քանի տասնյակ ռուս և ուկրաինացի պաշտոնյաների և գործարարների նկատմամբ ու պատրաստվում են նոր պատժամիջոցներ կիրառել։
Ռուսների կողմից բռնակցված և Դաշնության մաս հռչակված Ղրիմում այսօրվանից ուկրաինական հրիվնային զուգահեռ շրջանառվում է նաև ռուսական ռուբլին։ Պուտինի կարգադրությամբ մինչև մարտի 29-ը Ղրիմում պետք է ձևավորվեն գործադիր իշխանության ռուսական մարմիններ։
Ռուսները հսկողության տակ են վերցրել Ղրիմի տարածքում գտնվող ուկրաինական ռազմակայանները։ Ուկրաինայի նախագահի պաշտոնակատար Օլեկսանդր Տուրչինովը ուկրաինացի զինծառայողներին կարգադրել է հեռանալ Ղրիմից, քանի որ նրանք և նրանց ընտանիքների անդամները ֆիզիկական վտանգի տակ են հայտնվել։
Նախօրեին Եվրոպայում ՆԱՏՕ-ի միացյալ ուժերի հրամանատար, ամերիկացի գեներալ Ֆիլիպ Բրիդլովն ասել է, որ ռուսները հսկայական զինուժ են կուտակել Ուկրաինայի սահմանին։
«Այդ ուժերը միանգամայն բավարար են Ուկրաինայի արևելյան սահմանը հատելու և Մերձդնեստր ներխուժելու համար, դա շատ մտահոգիչ է»,- ասել է Բրիդլովը։
Ամերիկայի նախագահի ազգային անվտանգության հարցերով խորհրդականի տեղակալ Թոնի Բլինքենը երեկ CNN-ին ասել է, թե զորք կուտակելով Ուկրաինայի արևելյան սահմանի մոտ՝ ռուսները հոգեբանական ճնշում են գործադրում Ուկրաինայի եվրոպամետ նոր իշխանության վրա և կարող են իսկապես զավթել ռուսախոս շրջանները։
Եվրամիությունում Ռուսաստանի դեսպան Վլադիմիր Չիժովը հավաստիացնում է, որ ռուսները զավթողական ծրագրեր չունեն։
Միացյալ Նահանգների նախագահ Բարաք Օբաման Ամստերդամում հայտարարել է, որ Ամերիկան և Եվրոպան միասնական են և Ռուսաստանին կպարտադրեն թանկ վճարել Ղրիմը բռնակցելու համար։
Եվրահանձնաժողովի նախագահ Ժոզե Մանուել Բարոզուն Հաագայում հույս է հայտնել, որ «Մեծ յոթնյակը» միասնական կլինի Ռուսաստանի ագրեսիան դատապարտելու և Ուկրաինային սատարելու խնդրում։
«Ամենաճիշտը կլինի ցույց տալ, որ Ուկրաինան կարող է լինել միացյալ, ինքնիշխան, արդիական և կայուն երկիր, և եթե պետք լինի` ցուցաբերել հետագա քայլեր ձեռնարկելու մեր պատրաստակամությունը, որովհետև ռուսների կեցվածքն անընդունելի է 21-րդ դարում»,- ասել է Բարոզուն։