Չի բացառվում, որ Ուկրաինայի հաջորդ նախագահը լինի ոչ թե Յանուկովիչի տապալումից հետո իշխանության եկած կուսակցություններից մեկի, այլ խոշոր բիզնեսի ներկայացուցիչ: Սա են վկայում Կիևում գործող «Սոցիս» հետազոտական կենտրոնի` փետրվարի 25-ից մարտի 4-ը ընկած ժամանակահատվածում անցկացրած հարցման արդյունքները:
Դրանց համաձայն՝ այսօր նախագահի պաշտոնին հավակնող գործիչների թվում ամենամեծ ժողովրդականությունը վայելում է միլիարդատեր Պյոտր Պորոշենկոն: Մայիսի 25-ին կայանալիք արտահերթ նախագահական ընտրություններում նրա օգտին պատրաստ է քվեարկել ամեն հինգերորդ ուկրաինացին` ավելի հստակ` ընտրողների 21.2 տոկոսը:
Forbes հանդեսի ուկրաինական տարբերակի տվյալներով՝ Պորոշենկոյի անձնական կարողությունը կազմում է մոտ 1 միլիարդ 600 միլիոն դոլար: Նրան են պատկանում շոկոլադե կոնֆետներ արտադրող Roshen ընկերությունը, Յանուկովիչի իշխանության օրոք խիստ ընդդիմադիր դիրքերից հանդես եկող 5-րդ հեռուստաալիքը, ինչպես նաև «Բոգդան» մակնիշի ավտոբուսներ արտադրող գործարանը:
Պորոշենկոն այսօր Գերագույն ռադայի անկուսակցական պատգամավոր է, նախկինում զբաղեցրել է Ազգային անվտանգության խորհրդի քարտուղարի, արտգործնախարարի և տնտեսական զարգացման նախարարի պաշտոնները:
Նախագահության հավանական թեկնածուների թվում երկրորդ տեղը զբաղեցնում է ՈւԴԱՌ կուսակցության առաջնորդ Վիտալի Կլիչկոն ` քվեների 14 տոկոսով:
Անսպասելիորեն ցածր է նաև մոտ երկու շաբաթ առաջ Խարկովի բանտից դուրս եկած նախկին վարչապետ Յուլիա Տիմոշենկոյի վարկանիշը․ նրա օգտին այս պահին պատրաստ է քվեարկել ուկրաինացի ընտրողների միայն 10 տոկոսը:
Հարկ է նկատել, որ բավական ցածր են նաև ազգայնական գործիչների վարկանիշային տվյալները: Այսպես, «Սոցիս»-ի հրապարակած տվյալներով, ազգայնական «Սվոբոդա» կուսակցության առաջնորդ Օլեգ Տյագնիբոկի նախագահական վարկանիշը ընդամենը 2․5 տոկոս է: Ուկրաինական վերջին հեղափոխության շարժիչ ուժ հանդիսացած ազգայնական մեկ այլ կառույցի` Աջ սեկտորի առաջնորդ Դիմիտրի Յարոշի օգտին պատրաստ է քվեարկել ուկրաինացի ընտրողների 1․6 տոկոսը:
Ընտրողների մոտ 30 տոկոսը, սակայն, առայժմ չի որոշել, թե ում օգտին է քվեարկելու մայիսի 25-ին նշանակված արտահերթ նախագահական ընտրությունների ժամանակ:
Կիևցի սոցիոլոգները, այդուհանդերձ, կանխատեսում են, որ ընտրողների մասնակցության ցուցանիշը մայիսի 25-ին կարող է ռեկորդային լինել: Հարցման արդյունքների համաձայն` Ուկրաինայի քաղաքացիների 82 տոկոսը հաստատ որոշել է մասնակցել մայիսի 25-ի քվեարկությանը:
Դրանց համաձայն՝ այսօր նախագահի պաշտոնին հավակնող գործիչների թվում ամենամեծ ժողովրդականությունը վայելում է միլիարդատեր Պյոտր Պորոշենկոն: Մայիսի 25-ին կայանալիք արտահերթ նախագահական ընտրություններում նրա օգտին պատրաստ է քվեարկել ամեն հինգերորդ ուկրաինացին` ավելի հստակ` ընտրողների 21.2 տոկոսը:
Forbes հանդեսի ուկրաինական տարբերակի տվյալներով՝ Պորոշենկոյի անձնական կարողությունը կազմում է մոտ 1 միլիարդ 600 միլիոն դոլար: Նրան են պատկանում շոկոլադե կոնֆետներ արտադրող Roshen ընկերությունը, Յանուկովիչի իշխանության օրոք խիստ ընդդիմադիր դիրքերից հանդես եկող 5-րդ հեռուստաալիքը, ինչպես նաև «Բոգդան» մակնիշի ավտոբուսներ արտադրող գործարանը:
Պորոշենկոն այսօր Գերագույն ռադայի անկուսակցական պատգամավոր է, նախկինում զբաղեցրել է Ազգային անվտանգության խորհրդի քարտուղարի, արտգործնախարարի և տնտեսական զարգացման նախարարի պաշտոնները:
Նախագահության հավանական թեկնածուների թվում երկրորդ տեղը զբաղեցնում է ՈւԴԱՌ կուսակցության առաջնորդ Վիտալի Կլիչկոն ` քվեների 14 տոկոսով:
Անսպասելիորեն ցածր է նաև մոտ երկու շաբաթ առաջ Խարկովի բանտից դուրս եկած նախկին վարչապետ Յուլիա Տիմոշենկոյի վարկանիշը․ նրա օգտին այս պահին պատրաստ է քվեարկել ուկրաինացի ընտրողների միայն 10 տոկոսը:
Հարկ է նկատել, որ բավական ցածր են նաև ազգայնական գործիչների վարկանիշային տվյալները: Այսպես, «Սոցիս»-ի հրապարակած տվյալներով, ազգայնական «Սվոբոդա» կուսակցության առաջնորդ Օլեգ Տյագնիբոկի նախագահական վարկանիշը ընդամենը 2․5 տոկոս է: Ուկրաինական վերջին հեղափոխության շարժիչ ուժ հանդիսացած ազգայնական մեկ այլ կառույցի` Աջ սեկտորի առաջնորդ Դիմիտրի Յարոշի օգտին պատրաստ է քվեարկել ուկրաինացի ընտրողների 1․6 տոկոսը:
Ընտրողների մոտ 30 տոկոսը, սակայն, առայժմ չի որոշել, թե ում օգտին է քվեարկելու մայիսի 25-ին նշանակված արտահերթ նախագահական ընտրությունների ժամանակ:
Կիևցի սոցիոլոգները, այդուհանդերձ, կանխատեսում են, որ ընտրողների մասնակցության ցուցանիշը մայիսի 25-ին կարող է ռեկորդային լինել: Հարցման արդյունքների համաձայն` Ուկրաինայի քաղաքացիների 82 տոկոսը հաստատ որոշել է մասնակցել մայիսի 25-ի քվեարկությանը: