Հայաստանի Ազգային ժողովը քիչ առաջ բաց քվեարկությամբ վավերացրեց Ռուսաստանի հետ գազային երեք համաձայնագրերը, որոնք ստորագրվել են դեկտեմբերի 2-ին Ռուսաստանի նախագահ Վլադիմիր Պուտինի Երևան կատարած այցի ժամանակ:
Վիճահարույց փաստաթղթերի վավերացման օգտին քվեարկեցին 77 պատգամավորներ՝ իշխող կոալիցիայի ներկայացուցիչները, դեմ և ձեռնպահ ձայներ չեղան, քանի որ ոչ իշխանական խմբակցությունների պատգամավորները քվեարկության ժամանակ լքեցին խորհրդարանի նիստերի դահլիճը:
Ընդդիմությունը պնդում է, որ քվեարկությունը անցկացվել է Ազգային ժողովի կանոնակարգի խախտմամբ, քանի որ բաց քվեարկության դեպքում ձայները պետք է հաշվի 7-հոգանոց հաշվիչ հանձնաժողովը, որի անդամներից 4-ը, սակայն, այսօր չմասնակցեցին քվեների հաշվարկին:
Ազգային ժողովի նիստը ուղեկցվում է խորհրդարանի շենքի մոտ անցկացվող բողոքի ակցիայով, որի մասնակիցները խորհրդարանականներից պահանջում էին չվավերացնել այդ համաձայնագրերը, որոնցով, նրանց համոզմամբ, Հայաստանի կորցնում է իր էներգետիկ անկախությունը:
Աստղիկ Բեդևյան
Մանրամասները տե՛ս այստեղ:
Վիճահարույց փաստաթղթերի վավերացման օգտին քվեարկեցին 77 պատգամավորներ՝ իշխող կոալիցիայի ներկայացուցիչները, դեմ և ձեռնպահ ձայներ չեղան, քանի որ ոչ իշխանական խմբակցությունների պատգամավորները քվեարկության ժամանակ լքեցին խորհրդարանի նիստերի դահլիճը:
Ընդդիմությունը պնդում է, որ քվեարկությունը անցկացվել է Ազգային ժողովի կանոնակարգի խախտմամբ, քանի որ բաց քվեարկության դեպքում ձայները պետք է հաշվի 7-հոգանոց հաշվիչ հանձնաժողովը, որի անդամներից 4-ը, սակայն, այսօր չմասնակցեցին քվեների հաշվարկին:
Ազգային ժողովի նիստը ուղեկցվում է խորհրդարանի շենքի մոտ անցկացվող բողոքի ակցիայով, որի մասնակիցները խորհրդարանականներից պահանջում էին չվավերացնել այդ համաձայնագրերը, որոնցով, նրանց համոզմամբ, Հայաստանի կորցնում է իր էներգետիկ անկախությունը:
Աստղիկ Բեդևյան
Մանրամասները տե՛ս այստեղ:
