Հայաստանի գլխավոր դատախազի՝ երեկ երեկոյան տված հանձնարությամբ Երևանի Կոմիտաս 5 հասցեում տեղի ունեցած միջադեպի վերաբերյալ նյութերը ուղարկվել են Հատուկ քննչական ծառայություն (ՀՔԾ): «Ազատություն» ռադիոկայանին այս տեղեկությունը փոխանցեց գլխավոր դատախազի մամուլի խոսնակ Սոնա Տռուզյանը:
«Միջադեպի վերաբերյալ նախապատրաստված նյութերը քննարկվել են, և հաշվի առնելով, որ նաև Արգիշտի Կիվիրյանը հաղորդում է ներկայացրել, որ իր նկատմամբ բռնություն են գործադրել ոստիկանության բաժնի աշխատակիցները, նյութերն ուղարկվել են Հատուկ քննչական ծառայություն», - ասաց խոսնակը:
Սոնա Տռուզյանի փոխանցմամբ, դեպքի վերաբերյալ ոստիկանության աշխատողը՝ դասակի հրամանատարը նաև զեկուցագիր է ներկայացրել, թե ոստիկանության ավտոմեքենայի մեջ Կիվիրյանը իր նկատմամբ բռնություն է գործադրել:
Այդ կապակցությամբ ոստիկանությունում հարուցվել է քրեական գործ՝ Քրեական օրենսգրքի 316 հոդվածի 1-ին մասով՝ «իշխանության ներկայացուցչի կամ նրա մերձավորի նկատմամբ ոչ վտանգավոր բռնություն գործադրելը կամ դրա սպառնալիքը, ինչպես նաև իշխանության ներկայացուցչին՝ օրենքով նրա վրա դրված պարտականությունները կատարելու ժամանակ խոչընդոտելը», որը պատժվում է տուգանքով՝ նվազագույն աշխատավարձի երեքհարյուրապատիկից հինգհարյուրապատիկի չափով, կամ ազատազրկմամբ՝ առավելագույնը հինգ տարի ժամկետով: Այս գործը նույնպես գլխավոր դատախազի հանձնարարությամբ ուղարկվել է ՀՔԾ:
Անուշ Մարտիրոսյան
Մանրամասները տե՛ս այստեղ:
«Միջադեպի վերաբերյալ նախապատրաստված նյութերը քննարկվել են, և հաշվի առնելով, որ նաև Արգիշտի Կիվիրյանը հաղորդում է ներկայացրել, որ իր նկատմամբ բռնություն են գործադրել ոստիկանության բաժնի աշխատակիցները, նյութերն ուղարկվել են Հատուկ քննչական ծառայություն», - ասաց խոսնակը:
Սոնա Տռուզյանի փոխանցմամբ, դեպքի վերաբերյալ ոստիկանության աշխատողը՝ դասակի հրամանատարը նաև զեկուցագիր է ներկայացրել, թե ոստիկանության ավտոմեքենայի մեջ Կիվիրյանը իր նկատմամբ բռնություն է գործադրել:
Այդ կապակցությամբ ոստիկանությունում հարուցվել է քրեական գործ՝ Քրեական օրենսգրքի 316 հոդվածի 1-ին մասով՝ «իշխանության ներկայացուցչի կամ նրա մերձավորի նկատմամբ ոչ վտանգավոր բռնություն գործադրելը կամ դրա սպառնալիքը, ինչպես նաև իշխանության ներկայացուցչին՝ օրենքով նրա վրա դրված պարտականությունները կատարելու ժամանակ խոչընդոտելը», որը պատժվում է տուգանքով՝ նվազագույն աշխատավարձի երեքհարյուրապատիկից հինգհարյուրապատիկի չափով, կամ ազատազրկմամբ՝ առավելագույնը հինգ տարի ժամկետով: Այս գործը նույնպես գլխավոր դատախազի հանձնարարությամբ ուղարկվել է ՀՔԾ:
Անուշ Մարտիրոսյան
Մանրամասները տե՛ս այստեղ:
