Հայ հեղափոխական դաշնակցության Հայաստանի Գերագույն մարմինը հայտարարում է, որ կիրակի Պռոշյան համայնքում տեղի ունեցած արտահերթ ընտրությունները «անցել են վերջին շրջանում տեղի ունեցած բոլոր մակարդակների ընտրություններին հատուկ տրամաբանությամբ»:
«Կրկին գործի դրվեցին հանրածանոթ բոլոր մեթոդները` վարչական լծակների կիրառում, արտաքին միջամտություն, պարտադրանք, ընտրակաշառք և այլն: Արդյունքում հաղթանակն արձանագրվում է սպանված համայնքապետի` նախորդ ընտրություններում մրցակից հանրապետական թեկնածուի օգտին: Քաղաքական ցինիզմի այսօրինակ դրսևորումը խաթարեց ընտրական գործընթացը, խորացրեց համայնքում առկա լարվածությունը»,- հայտարարում է Գերագույն մարմինը:
Արտահերթ ընտրությունների անհրաժեշտությունը, հիշեցնենք, առաջացավ Պռոշյանի գյուղապետարանի շենքի դիմաց ապրիլի 2-ին դաշնակցական գյուղապետ Հրաչ Մուրադյանի առեղծվածային սպանության պատճառով։ Այսօր Պռոշյանի երկու ընտրատեղամասերում տեղի ունեցած քվեաթերթիկների վերահաշվարկի արդյունքում՝ հիմնական մրցակիցներ հանրապետական Արթուր Մուրադյանի և դաշնակցական Վովա Սահակյանի ստացած քվեների տարբերությունը 76-ից հասավ 81-ի՝ հօգուտ Մուրադյանի:
Դաշնակցության Գերագույն մարմինը հորդորում է Պռոշյանի բոլոր բնակիչներին տուրք չտալ «նոր լարվածություն ստեղծելու հնարավոր փորձերին» և վստահեցնում, որ հետամուտ են լինելու սպանված դաշնակցական գյուղապետ Հրաչ Մուրադյանի սպանության լիարժեք բացահայտմանը և մեղավորներին պատժելուն:
«Կրկին գործի դրվեցին հանրածանոթ բոլոր մեթոդները` վարչական լծակների կիրառում, արտաքին միջամտություն, պարտադրանք, ընտրակաշառք և այլն: Արդյունքում հաղթանակն արձանագրվում է սպանված համայնքապետի` նախորդ ընտրություններում մրցակից հանրապետական թեկնածուի օգտին: Քաղաքական ցինիզմի այսօրինակ դրսևորումը խաթարեց ընտրական գործընթացը, խորացրեց համայնքում առկա լարվածությունը»,- հայտարարում է Գերագույն մարմինը:
Արտահերթ ընտրությունների անհրաժեշտությունը, հիշեցնենք, առաջացավ Պռոշյանի գյուղապետարանի շենքի դիմաց ապրիլի 2-ին դաշնակցական գյուղապետ Հրաչ Մուրադյանի առեղծվածային սպանության պատճառով։ Այսօր Պռոշյանի երկու ընտրատեղամասերում տեղի ունեցած քվեաթերթիկների վերահաշվարկի արդյունքում՝ հիմնական մրցակիցներ հանրապետական Արթուր Մուրադյանի և դաշնակցական Վովա Սահակյանի ստացած քվեների տարբերությունը 76-ից հասավ 81-ի՝ հօգուտ Մուրադյանի:
Դաշնակցության Գերագույն մարմինը հորդորում է Պռոշյանի բոլոր բնակիչներին տուրք չտալ «նոր լարվածություն ստեղծելու հնարավոր փորձերին» և վստահեցնում, որ հետամուտ են լինելու սպանված դաշնակցական գյուղապետ Հրաչ Մուրադյանի սպանության լիարժեք բացահայտմանը և մեղավորներին պատժելուն:
