Հայաստանի կառավարությունը մինչեւ ամսվա վերջ կավարտի բանակցությունները ռուսաստանյան «Գազպրոմ» ընկերության հետ, որի ընթացքում, ինչպես երեկ հայտնի դարձավ, չնայած գազի գնի նոր բարձրացմանը, քննարկվում է նաեւ «ՀայՌուսգազարդում» Հայաստանի Հանրապետությանը պատկանող վերջին 20 տոկոս բաժնեմասը «Գազպրոմին» զիջելու հնարավորությունը:
Թե ինչի դիմաց է Հայաստանի կառավարությունը զիջելու իր 20 տոկոս բաժնեմասը, էներգետիկայի նախարար Արմեն Մովսիսյանը հրաժարվեց մանրամասնել, ասաց` դա կխանգարի բանակցություններին:
«Սեղանին կա դրված նաեւ բաժնետոմսերը «Գազպրոմ» ընկերությանը հանձնելը, իհարկե, համարժեք որեւիցե ճիշտ լուծում կգտնենք իրենցից ստանալու», - ասաց Մովիսիսյանը` չհերքելով, որ այլընտրանքներ եւս քննարկվում են:
Հարցին, թե Հայաստանի կառավարություն բաժնետոմսերը զիջելո՞ւն, թե՞` չզիջելուն է հակված, նախարարը պատասխանեց. - «Բանակցությունների ավարտից հետո, եթե մենք գտնենք, որ բավարարված ենք զգում մեզ, այն ժամանակ կորոշենք»:
Քաղաքացիների համար մեկ խորանարդ մետր գազը ներկայիս 132 դրամի փոխարեն հուլիսի 7-ից կարժենա 156 դրամ: Գազի գնի բարձրացման պատճառով 8 դրամով կթանկանա նաեւ 1 կիլովատ ժամ էլեկտրաէներգիան:
«Ազատություն» ռադիոկայանի հարցին, թե բաժնետոմսերի վերջին 20 տոկոսը կորցնելու դեպքում ռուսական կողմը չի կարո՞ղ ամեն տարի բարձրացնել Հայաստանին մատակարարվող գազի գինը, էներգետիկայի նախարարը պատասխանեց. - «Խնդիրը այնպես չի դրված, որ մյուս տարի ինչ ուզեն, այնպես անեն: Բանակցությունները հենց նրա համար են գնում, որպեսզի ինչ ուզեն, չանեն, այլ որպեսզի երկարատեւ ժամանակաշրջանի համար ավելի ապահովված գազամատակարարում ունենանք»:
«Գազպրոպմին» հարյուր տոկոսանոց կառավարման հնարավորություն տալու միտքը հայկակա՞ն, թե՞` ռուսական կողմի մոտ է առաջացել. էներգետիկայի նախարարը հրաժարվեց մանրամասնել` կրկին բանակցությունների գաղտնիությանը հղում կատարելով: Նա միայն ասաց` կոնկրետ գազամատակարարման հարցում Եվրասիական միությանն անդամակցելու պարտադրանք Հայաստանի վրա չկա:
Գազի սակագնի բարձրացումը գների նոր աճի է հանգեցնելու, այսօր նվազագույն ամսական աշխատավարձը բարձրացնելու վերաբերյալ քննարկումների ժամանակ խորհրդարանում հայտարարեց ՀԱԿ խմբակցության քարտուղար Արամ Մանուկյանը: Գազի գինը դեռ չի բարձրացել, բայց պատգամավորն արդեն այսօր է դա զգում` իր սեփական գրպանի վրա:
«20 հազար մարդու աշխատավարձ եք բարձրացնում 10 հազար դրամով, լավ խնդիր է, բայց մատից փուշ հանել սրանով, հավատացեք, չի լինում», - ասաց նա:
ԱԺ սոցիալական հարցերի մշտական հանձնաժողովի նախագահ, հանրապետական Հակոբ Հակոբյանը հայտարարեց` այո, հուլիսի 1-ից թանկացումներ ենք սպասում, իսկ նվազագույն աշխատավարձ ստացողներն ամենախոցելի խավն են: Նա մանրամասնեց` պետական համակարգում նվազագույն 35 հազար դրամ աշխատավարձ ստացողները հուլիսի 1-ից 10 հազարով ավելի եկամուտ կունենան, օրենսդրական այս փոփոխությունը միայն նրանց կվերաբերի, պետական մյուս ծառայողների աշխատավարձը չի բարձրանա:
Դաշնակցական պատգամավոր Արծվիկ Մինասյանը այս օրինագիծը թանկացումների ֆոնին մեծ խաբեություն է որակում:
«Կառավարությունը ոչ թե միջանկյալ լուծում է տալիս, այլ սրանով իր անգործությունը եւ անհետեւողական քաղաքականությունը եւս մեկ անգամ հաստատում է: Վեց ամիս առաջ դուք չգիտեի՞ք, որ տեղի է ունենալու գազի եւ էլեկտրաէներգիայի գների բարձրացում: Վեց ամիս առաջ դուք չգիտեի՞ք, որ բնականոն գնաճ է տեղի ունենալու, վեց ամիս առաջ դուք չգիտեի՞ք, որ աղքատությունը աճելու է: Գիտեի'ք: Եթե գիտեիք, այն ժամանակ անեիք», - ասաց Մինասյանը:
«2004-2005 թվականներին օրական 3000 դրամը միջին օրական աշխատավարձն էր` բանվորական աշխատանքի համար: Ներկայումս այդ 3000 դրամը աճել է, դարձել է 5000-6000 դրամ եւ 45 հազարը, որ մենք բաժանենք 30 օրվա` 1500 դրամ, որեւէ բան չի արտահայտում դա», - իր մտահոգությունները ներկայացրեց «Բարգավաճ Հայաստանից» Միքայել Մելքումյանը:
Հանրապետական Հակոբ Հակոբյանը արձագանքեց. - «Հասարակության ամենախոցելի աշխատող խավը նվազագույն աշխատավարձ ստացողներն են: Դրա համար ասում ենք` հուլիսի 1-ից նվազագույն աշխատավարձը բերեք բարձրացնենք, որպեսզի աղքատությունը աշխատողների հաշվին չավելանա: Հետո հունվարի 1-ին բարձրացնենք բոլոր աշխատողների աշխատավարձը, որպեսզի աշխատողների [կենսա]մակարդակը նախորդ տարվա նկատմամբ չընկնի: Սա է սկզբունքը»:
Չնայած քննադատությանը ոչ իշխանական ուժերի ներկայացուցիչները դեմ չարտահայտվեցին նվազագույն աշխատավարձի բարձրացմանը, որը կառավարության պնդմամբ` 160 հազար մարդու կվերաբերի:
Թե ինչի դիմաց է Հայաստանի կառավարությունը զիջելու իր 20 տոկոս բաժնեմասը, էներգետիկայի նախարար Արմեն Մովսիսյանը հրաժարվեց մանրամասնել, ասաց` դա կխանգարի բանակցություններին:
«Սեղանին կա դրված նաեւ բաժնետոմսերը «Գազպրոմ» ընկերությանը հանձնելը, իհարկե, համարժեք որեւիցե ճիշտ լուծում կգտնենք իրենցից ստանալու», - ասաց Մովիսիսյանը` չհերքելով, որ այլընտրանքներ եւս քննարկվում են:
Հարցին, թե Հայաստանի կառավարություն բաժնետոմսերը զիջելո՞ւն, թե՞` չզիջելուն է հակված, նախարարը պատասխանեց. - «Բանակցությունների ավարտից հետո, եթե մենք գտնենք, որ բավարարված ենք զգում մեզ, այն ժամանակ կորոշենք»:
Քաղաքացիների համար մեկ խորանարդ մետր գազը ներկայիս 132 դրամի փոխարեն հուլիսի 7-ից կարժենա 156 դրամ: Գազի գնի բարձրացման պատճառով 8 դրամով կթանկանա նաեւ 1 կիլովատ ժամ էլեկտրաէներգիան:
«Ազատություն» ռադիոկայանի հարցին, թե բաժնետոմսերի վերջին 20 տոկոսը կորցնելու դեպքում ռուսական կողմը չի կարո՞ղ ամեն տարի բարձրացնել Հայաստանին մատակարարվող գազի գինը, էներգետիկայի նախարարը պատասխանեց. - «Խնդիրը այնպես չի դրված, որ մյուս տարի ինչ ուզեն, այնպես անեն: Բանակցությունները հենց նրա համար են գնում, որպեսզի ինչ ուզեն, չանեն, այլ որպեսզի երկարատեւ ժամանակաշրջանի համար ավելի ապահովված գազամատակարարում ունենանք»:
«Գազպրոպմին» հարյուր տոկոսանոց կառավարման հնարավորություն տալու միտքը հայկակա՞ն, թե՞` ռուսական կողմի մոտ է առաջացել. էներգետիկայի նախարարը հրաժարվեց մանրամասնել` կրկին բանակցությունների գաղտնիությանը հղում կատարելով: Նա միայն ասաց` կոնկրետ գազամատակարարման հարցում Եվրասիական միությանն անդամակցելու պարտադրանք Հայաստանի վրա չկա:
Գազի սակագնի բարձրացումը գների նոր աճի է հանգեցնելու, այսօր նվազագույն ամսական աշխատավարձը բարձրացնելու վերաբերյալ քննարկումների ժամանակ խորհրդարանում հայտարարեց ՀԱԿ խմբակցության քարտուղար Արամ Մանուկյանը: Գազի գինը դեռ չի բարձրացել, բայց պատգամավորն արդեն այսօր է դա զգում` իր սեփական գրպանի վրա:
«20 հազար մարդու աշխատավարձ եք բարձրացնում 10 հազար դրամով, լավ խնդիր է, բայց մատից փուշ հանել սրանով, հավատացեք, չի լինում», - ասաց նա:
ԱԺ սոցիալական հարցերի մշտական հանձնաժողովի նախագահ, հանրապետական Հակոբ Հակոբյանը հայտարարեց` այո, հուլիսի 1-ից թանկացումներ ենք սպասում, իսկ նվազագույն աշխատավարձ ստացողներն ամենախոցելի խավն են: Նա մանրամասնեց` պետական համակարգում նվազագույն 35 հազար դրամ աշխատավարձ ստացողները հուլիսի 1-ից 10 հազարով ավելի եկամուտ կունենան, օրենսդրական այս փոփոխությունը միայն նրանց կվերաբերի, պետական մյուս ծառայողների աշխատավարձը չի բարձրանա:
Դաշնակցական պատգամավոր Արծվիկ Մինասյանը այս օրինագիծը թանկացումների ֆոնին մեծ խաբեություն է որակում:
«Կառավարությունը ոչ թե միջանկյալ լուծում է տալիս, այլ սրանով իր անգործությունը եւ անհետեւողական քաղաքականությունը եւս մեկ անգամ հաստատում է: Վեց ամիս առաջ դուք չգիտեի՞ք, որ տեղի է ունենալու գազի եւ էլեկտրաէներգիայի գների բարձրացում: Վեց ամիս առաջ դուք չգիտեի՞ք, որ բնականոն գնաճ է տեղի ունենալու, վեց ամիս առաջ դուք չգիտեի՞ք, որ աղքատությունը աճելու է: Գիտեի'ք: Եթե գիտեիք, այն ժամանակ անեիք», - ասաց Մինասյանը:
«2004-2005 թվականներին օրական 3000 դրամը միջին օրական աշխատավարձն էր` բանվորական աշխատանքի համար: Ներկայումս այդ 3000 դրամը աճել է, դարձել է 5000-6000 դրամ եւ 45 հազարը, որ մենք բաժանենք 30 օրվա` 1500 դրամ, որեւէ բան չի արտահայտում դա», - իր մտահոգությունները ներկայացրեց «Բարգավաճ Հայաստանից» Միքայել Մելքումյանը:
Հանրապետական Հակոբ Հակոբյանը արձագանքեց. - «Հասարակության ամենախոցելի աշխատող խավը նվազագույն աշխատավարձ ստացողներն են: Դրա համար ասում ենք` հուլիսի 1-ից նվազագույն աշխատավարձը բերեք բարձրացնենք, որպեսզի աղքատությունը աշխատողների հաշվին չավելանա: Հետո հունվարի 1-ին բարձրացնենք բոլոր աշխատողների աշխատավարձը, որպեսզի աշխատողների [կենսա]մակարդակը նախորդ տարվա նկատմամբ չընկնի: Սա է սկզբունքը»:
Չնայած քննադատությանը ոչ իշխանական ուժերի ներկայացուցիչները դեմ չարտահայտվեցին նվազագույն աշխատավարձի բարձրացմանը, որը կառավարության պնդմամբ` 160 հազար մարդու կվերաբերի:
