Պռոշյանի գյուղապետի հրաժարական ներկայացրած պաշտոնակատար Արմենուհի Մելիքյանը «Ազատություն» ռադիոկայանի հետ զրույցում հայտարարեց, որ իրեն սպառնում են, եւ այդ սպառնալիքների պատճառով է որոշել դադարեցնել այս պաշտոնում իր լիազորությունները:
Պռոշյանի ավագանու նախկին անդամ, անկուսակցական Արմենուհի Մելիքյանը գյուղապետի պաշտոնակատար էր նշանակվել հունիսի 7-ին` դաշնակցական գյուղապետ Հրաչ Մուրադյանի առեղծվածային սպանությունից մոտ 2 ամիս անց, եւ պետք է պաշտոնավարեր մինչ հուլիսի 14-ին կայանալիք արտահերթ ընտրությունները: Սակայն գյուղապետարանի աշխատակազմը, ընդդիմանալով այդ նշանակմանը, այդպես էլ Մելիքյանին թույլ չտվեց մտնել գյուղապետարանի տարածք` պարտականություններն ստանձնելու, եւ նա երեկ Կոտայքի մարզպետ Կովալենկո Շահգալդյանին խնդրել է դադարեցնել իր լիազորությունները: Մեզ հետ զրույցում Արմենուհի Մելիքյանը խիստ լարված էր եւ հուզված. ակնկալում էր, որ ոստիկանությունը միջոցներ կձեռնարկի իր անվտանգությունը ապահովելու համար:
«Ինձ սպառնում են, ես էլ խնդրում եմ Հայաստանի ոստիկանապետին, իմ անձը վտանգի մեջ է, ես խնդրում եմ Ձեր պաշտպանությունը: Ես, իրոք, շատ վտանգված եմ: «Նայեք, վատ կլինի», «նայեք` չփոշմանեք, մենք զգուշացրինք» բովանդակությամբ սպառնալիքներ են. չեմ մանրամասնի հիմա ձեզ հետ, ես վստահում եմ միայն Հայաստանի ոստիկանապետին, նրանից խնդրում եմ ընդունելություն: Այս ամենի մասին կասեմ ոստիկանապետին, ես հայտարարություն կտամ, եւ յուրաքանչյուրը ով, ինչ ասում է, թող պատասխան տա իր ասածի համար», - ասաց Մելիքյանը` ընդգծելով, որ սպառնալիքների ազդեցության տակ է որոշել հրաժարական տալ. - «Ի՞նչ եք կարծում, դուրս գամ փողոց ու բռնեն անծանոթ մարդիկ ինձ ծեծեն, սպանեն, ո՞վ է պատասխան տալու: Ես դրանից վախենում եմ, ու ես հավատում եմ, որ դա կա»:
Պռոշյանի գյուղապետի դաշնակցական տեղակալ Վովա Սահակյանն ու գյուղապետարանի աշխատակազմի ներկայացուցիչները, ովքեր ի սկզբանե ընդդիմացել են Արմենուհի Մելիքյանի նշանակմանն ու 40-օրյա պաշտոնավարմանը, «Ազատություն» ռադիոկայանի հետ զրույցում հերյուրանք որակեցին սպառնալիքների մասին պնդումները:
«Բացարձակ հերյուրանք է, իրավիճակից չոր դուրս գալու տարբերակ է, էժան տարբերակ: Եթե կա, թող մատնանշի անուն, ազգանուն, երբ, որտեղ, ինչ», - ասաց Սահակյանը, ով շարունակում է պնդել, որ այս կնոջ 40-օրյա պաշտոնավարմանն ընդդիմանալու գլխավոր պատճառը նրա անձն է, խորհուրդ տալով այստեղ որեւէ քաղաքական ենթատեքստ կամ Կոտայքի հանրապետական մարզպետ Կովալենկո Շահգալդյանի դեմ գործողություններ չփնտրել:
Հայտնի է, որ Մելիքյանի պաշտոնավարմանը ընդդիմացել են նաեւ սպանված գյուղապետ Հրաչ Մուրադյանի մերձավորները: Մելիքյանի հավաստմամբ, գյուղապետարանի եւ գյուղի դաշնակցականները ցանկանում են այստեղ տեսնել իրենց մարդուն, դրա համար են վրդովվել անկուսակցական պաշտոնակատարի նշանակումից, վտանգ են զգացել առաջիկա ընտրություններից առաջ:
«Ես խնդրում եմ կուսակցությանը թողնել հանգիստ, այստեղ կուսակցության խնդիր չկա, կա գյուղի խնդիր: Նույնիսկ քաղաքական հակամարտություն մարզպետի, գյուղի, մարզպետարանի միջեւ… չկա այդպիսի բան», - պնդում է Սահակյանը. - «Մարզում առաջիններից մեկը Պռոշյան համայնքն է, որտեղ քաղաքացիական հասարակության նշույլ կա: Մարդիկ ըմբոստացան, մարդիկ ասում են, որ տիկինը արժանի չի ոչ միայն 40 օր, այլ նույնիսկ 4 օր, 4 ժամ էլ մտնելու այդ շենք, մարդկանց ղեկավարելու իր անցած ճանապարհով: Երկար ժամանակ դպրոցի կառավարման խորհրդի անդամ է, դրանից առաջ ավագանու անդամ է աշխատել, իր կազմաքանդիչ, քայքայիչ գործունեությամբ անհատապես աչքի ընկնող անձնավորություն է»:
«Ազատություն» ռադիոկայանի դիտարկմանը, թե նաեւ իր անունն է շրջանառվում, որ ցանկացել է առաջադրվել առաջիկա ընտրություններում, հետեւաբար Մելիքյանը կարող էր խոչընդոտել իրեն, գյուղապետի տեղակալը պատասխանեց, որ այո', մտադիր է առաջադրվել գյուղապետի պաշտոնում. «Բայց այդքան կույր ու նաիվ չպետք է լինել: Ես ոչ ոքից չեմ վախենում, եւ ընդհանրապես այստեղ իմ խնդիրը չի եղել, ոչ էլ կուսակցության խնդիրը, հասարակությունն է ոտքի կանգնել»:
Արմենուհի Մելիքյանը մինչդեռ համոզված է, որ այստեղ համայնքի ընդվզման խնդիր չկա, «կոնկրետ մարդկանց շահերի խնդիր է»:
«Այս համայնքը ինչո՞ւ չէր ընդդիմանում մինչեւ հիմա: Համայնքն ինչո՞ւ ինձ հետ շատ խաղաղ ու հաշտ ապրում էր, այդ ո՞նց եղավ, որ նշանակումից հետո հանկարծ սկսեց ընդդիմանալ: Դա ինչ-որ մարդկանց նեղ շրջանակի շահերի խնդիր է, ես պատիվ եմ պահանջում, ի՞նչ է նշանակում «խառնակիչ»: Ո՞ւմ եմ խառնել, ես գնում եմ իրենց տունը խառնելո՞ւ: Պետական լավ ծառայողներ են, թող թույլ չտան, որ ես խառնեմ: Ասում են `«աթոռը կտանք արյունով»… ո՞ւմ արյունով: Ի՞նչ արյունի մասին է խոսքը, այս ի՞նչ պատերազմ է», - վրդովվում է Մելիքյանը:
Կոտայքի մարզպետ Կովալենկո Շահգալդյանը «Ազատություն» ռադիոկայանի հետ զրույցում ասաց, որ անկուսակցական կնոջը գյուղապետի պաշտոնակատար նշանակելով նպատակ է ունեցել մեղմել գյուղապետի սպանությունից հետո գյուղում առկա լարվածությունը, այն էլ` հակառակը եղավ: Ձեռնպահ մնալով գնահատականներից` մարզպետն ասաց, որ այսօր առավոտյան այլ մարդու է նշանակել:
«Իմ օգնականին եմ նշանակել` Վրեժ Մնացականյանին, կգնա, կսկսի պաշտոնավարել, տեսնենք` ռեակցիան ինչպիսի՞ն կլինի պռոշյանցիների», - ասաց մարզպետը` ընդգծելով, որ Վրեժ Մնացականյանը անկուսակցական է, պռոշյանցի չէ. - «Այդպես հարմար գտա: Չեն ուզի` պաշտոնակատարը էլ չի գնա », - եզրափակեց Շահգալդյանը:
Պռոշյանի ավագանու նախկին անդամ, անկուսակցական Արմենուհի Մելիքյանը գյուղապետի պաշտոնակատար էր նշանակվել հունիսի 7-ին` դաշնակցական գյուղապետ Հրաչ Մուրադյանի առեղծվածային սպանությունից մոտ 2 ամիս անց, եւ պետք է պաշտոնավարեր մինչ հուլիսի 14-ին կայանալիք արտահերթ ընտրությունները: Սակայն գյուղապետարանի աշխատակազմը, ընդդիմանալով այդ նշանակմանը, այդպես էլ Մելիքյանին թույլ չտվեց մտնել գյուղապետարանի տարածք` պարտականություններն ստանձնելու, եւ նա երեկ Կոտայքի մարզպետ Կովալենկո Շահգալդյանին խնդրել է դադարեցնել իր լիազորությունները: Մեզ հետ զրույցում Արմենուհի Մելիքյանը խիստ լարված էր եւ հուզված. ակնկալում էր, որ ոստիկանությունը միջոցներ կձեռնարկի իր անվտանգությունը ապահովելու համար:
«Ինձ սպառնում են, ես էլ խնդրում եմ Հայաստանի ոստիկանապետին, իմ անձը վտանգի մեջ է, ես խնդրում եմ Ձեր պաշտպանությունը: Ես, իրոք, շատ վտանգված եմ: «Նայեք, վատ կլինի», «նայեք` չփոշմանեք, մենք զգուշացրինք» բովանդակությամբ սպառնալիքներ են. չեմ մանրամասնի հիմա ձեզ հետ, ես վստահում եմ միայն Հայաստանի ոստիկանապետին, նրանից խնդրում եմ ընդունելություն: Այս ամենի մասին կասեմ ոստիկանապետին, ես հայտարարություն կտամ, եւ յուրաքանչյուրը ով, ինչ ասում է, թող պատասխան տա իր ասածի համար», - ասաց Մելիքյանը` ընդգծելով, որ սպառնալիքների ազդեցության տակ է որոշել հրաժարական տալ. - «Ի՞նչ եք կարծում, դուրս գամ փողոց ու բռնեն անծանոթ մարդիկ ինձ ծեծեն, սպանեն, ո՞վ է պատասխան տալու: Ես դրանից վախենում եմ, ու ես հավատում եմ, որ դա կա»:
Պռոշյանի գյուղապետի դաշնակցական տեղակալ Վովա Սահակյանն ու գյուղապետարանի աշխատակազմի ներկայացուցիչները, ովքեր ի սկզբանե ընդդիմացել են Արմենուհի Մելիքյանի նշանակմանն ու 40-օրյա պաշտոնավարմանը, «Ազատություն» ռադիոկայանի հետ զրույցում հերյուրանք որակեցին սպառնալիքների մասին պնդումները:
«Բացարձակ հերյուրանք է, իրավիճակից չոր դուրս գալու տարբերակ է, էժան տարբերակ: Եթե կա, թող մատնանշի անուն, ազգանուն, երբ, որտեղ, ինչ», - ասաց Սահակյանը, ով շարունակում է պնդել, որ այս կնոջ 40-օրյա պաշտոնավարմանն ընդդիմանալու գլխավոր պատճառը նրա անձն է, խորհուրդ տալով այստեղ որեւէ քաղաքական ենթատեքստ կամ Կոտայքի հանրապետական մարզպետ Կովալենկո Շահգալդյանի դեմ գործողություններ չփնտրել:
Հայտնի է, որ Մելիքյանի պաշտոնավարմանը ընդդիմացել են նաեւ սպանված գյուղապետ Հրաչ Մուրադյանի մերձավորները: Մելիքյանի հավաստմամբ, գյուղապետարանի եւ գյուղի դաշնակցականները ցանկանում են այստեղ տեսնել իրենց մարդուն, դրա համար են վրդովվել անկուսակցական պաշտոնակատարի նշանակումից, վտանգ են զգացել առաջիկա ընտրություններից առաջ:
«Ես խնդրում եմ կուսակցությանը թողնել հանգիստ, այստեղ կուսակցության խնդիր չկա, կա գյուղի խնդիր: Նույնիսկ քաղաքական հակամարտություն մարզպետի, գյուղի, մարզպետարանի միջեւ… չկա այդպիսի բան», - պնդում է Սահակյանը. - «Մարզում առաջիններից մեկը Պռոշյան համայնքն է, որտեղ քաղաքացիական հասարակության նշույլ կա: Մարդիկ ըմբոստացան, մարդիկ ասում են, որ տիկինը արժանի չի ոչ միայն 40 օր, այլ նույնիսկ 4 օր, 4 ժամ էլ մտնելու այդ շենք, մարդկանց ղեկավարելու իր անցած ճանապարհով: Երկար ժամանակ դպրոցի կառավարման խորհրդի անդամ է, դրանից առաջ ավագանու անդամ է աշխատել, իր կազմաքանդիչ, քայքայիչ գործունեությամբ անհատապես աչքի ընկնող անձնավորություն է»:
«Ազատություն» ռադիոկայանի դիտարկմանը, թե նաեւ իր անունն է շրջանառվում, որ ցանկացել է առաջադրվել առաջիկա ընտրություններում, հետեւաբար Մելիքյանը կարող էր խոչընդոտել իրեն, գյուղապետի տեղակալը պատասխանեց, որ այո', մտադիր է առաջադրվել գյուղապետի պաշտոնում. «Բայց այդքան կույր ու նաիվ չպետք է լինել: Ես ոչ ոքից չեմ վախենում, եւ ընդհանրապես այստեղ իմ խնդիրը չի եղել, ոչ էլ կուսակցության խնդիրը, հասարակությունն է ոտքի կանգնել»:
Արմենուհի Մելիքյանը մինչդեռ համոզված է, որ այստեղ համայնքի ընդվզման խնդիր չկա, «կոնկրետ մարդկանց շահերի խնդիր է»:
«Այս համայնքը ինչո՞ւ չէր ընդդիմանում մինչեւ հիմա: Համայնքն ինչո՞ւ ինձ հետ շատ խաղաղ ու հաշտ ապրում էր, այդ ո՞նց եղավ, որ նշանակումից հետո հանկարծ սկսեց ընդդիմանալ: Դա ինչ-որ մարդկանց նեղ շրջանակի շահերի խնդիր է, ես պատիվ եմ պահանջում, ի՞նչ է նշանակում «խառնակիչ»: Ո՞ւմ եմ խառնել, ես գնում եմ իրենց տունը խառնելո՞ւ: Պետական լավ ծառայողներ են, թող թույլ չտան, որ ես խառնեմ: Ասում են `«աթոռը կտանք արյունով»… ո՞ւմ արյունով: Ի՞նչ արյունի մասին է խոսքը, այս ի՞նչ պատերազմ է», - վրդովվում է Մելիքյանը:
Կոտայքի մարզպետ Կովալենկո Շահգալդյանը «Ազատություն» ռադիոկայանի հետ զրույցում ասաց, որ անկուսակցական կնոջը գյուղապետի պաշտոնակատար նշանակելով նպատակ է ունեցել մեղմել գյուղապետի սպանությունից հետո գյուղում առկա լարվածությունը, այն էլ` հակառակը եղավ: Ձեռնպահ մնալով գնահատականներից` մարզպետն ասաց, որ այսօր առավոտյան այլ մարդու է նշանակել:
«Իմ օգնականին եմ նշանակել` Վրեժ Մնացականյանին, կգնա, կսկսի պաշտոնավարել, տեսնենք` ռեակցիան ինչպիսի՞ն կլինի պռոշյանցիների», - ասաց մարզպետը` ընդգծելով, որ Վրեժ Մնացականյանը անկուսակցական է, պռոշյանցի չէ. - «Այդպես հարմար գտա: Չեն ուզի` պաշտոնակատարը էլ չի գնա », - եզրափակեց Շահգալդյանը:
