Գորիսում տեղի ունեցած միջադեպից հետո անգամ Հանրապետական կուսակցության փոխնախագահ Գալուստ Սահակյանը իր կարծիքը Սյունիքի մարզպետի մասին չի փոխել:
ՀՀԿ փոխնախագահը, պատասխանելով «Ազատություն» ռադիոկայանի հարցին, թե արդյոք Խաչատրյանը օրինապա՞շտ հանրապետական է, ասաց, թե դրական մոտեցումներ ունի Սուրիկ Խաչատրյանի նկատմամբ, եւ որ վերջինս իր կյանքի ընթացքում լուրջ գործունեություն է ծավալել:
Հիշեցնենք, հունիսի 1-ի երեկոյան Սյունիքի մարզպետ Սուրիկ Խաչատրյանի տան մոտ հնչած կրակոցներից տեղում մահացել է Գորիսի քաղաքապետի նախկին թեկնածու, 43-ամյա գործարար Ավետիք Բուդաղյանը: Իսկ նրա եղբայրը` Գորիսի զորամասի հրամանատար Արտակ Բուդաղյանը վնասվածքներով տեղափոխվել է հիվանդանոց: Հանցագործությունը կատարելու կասկածանքով արդեն իսկ ձերբակալվել են Սուրիկ Խաչատրյանի որդին եւ թիկնապահը:
«Ես կարծում եմ` Խաչատրյանը ոչ միայն մեզ համար, այլ իր կյանքի դրվագներով բավականին լուրջ գործունեություն է ծավալել, եւ գնահատականը կարելի է այդ սկզբունքով տալ: Ընդհանրապես դրական մոտեցումներ ունեմ, բայց դա չի նշանակում, որ յուրաքանչյուր անձ, եթե դրական է գնահատվում կամ որեւէ առավել գործողություն է կատարում, նրա հանցանքներ պետք է ներվեն: Եթե հանցանք գործած լինի, ես կարծում եմ, կլինեն նաեւ պատիժներ», - ասաց Սահակյանը:
Հարցին, թե ՀՀԿ-ին չի մտահոգո՞ւմ, որ հանրապետական մարզպետի անունը արդեն որերորդ անգամ կապվում է նման աղմկահարույց, սպանություններով ուղեկցվող միջադեպերի հետ, Սահակյանը պատասխանեց. - «Մեզ մտահոգում են ոչ միայն հանրապետականները, այլ ընդհանրապես Հայաստանի քաղաքացիները: Նրանք, ովքեր ապացուցելի հանցանք են կատարում, ադեկվատ պատիժներ պիտի ստանան»:
Սահակյանը, ի պատասխան հարցին, թե հնարավոր համարո՞ւմ է, որ Խաչատրյանը ներգրավված լինի այս միջադեպին, ասաց. - «Բոլոր մարդկանց, այդ թվում` Ձեզ, հնարավոր համարում եմ, որ ինչ-որ առիթներ լինեն, որ զանցանքներ եւ հանցանքներ կատարեն»:
«Եթե [Սուրիկ Խաչատրյանը] կոնկրետ զանցանք կամ հանցանք է կատարել, պատիժները ադեկվատ կլինեն», - ասաց ՀՀԿ փոխնախագահը` վստահեցնելով, որ եթե ապացուցվի մարզպետի` հանցանք կատարելու փաստը, նա պաշտոնից անպայման կհեռացվի:
Արձագանքելով այն դիտարկմանը, թե սպանությամբ ուղեկցված միջադեպին մասնակից է եղել նաեւ մարզպետի թիկնապահը, Գալուստ Սահակյանը ասաց, թե ինքը չի տեսել, որ Խաչատրյանը թիկնապահներով շրջի կամ կուսակցություն գա թիկնապահներով:
Պատասխանելով հարցին, թե արդյոք Գորիսում տեղի ունեցած սպանությունը անպատժելիության մթնոլորտի արդյունք չէ, Սահակյանն ասաց, թե ինքը պատժելի է համարում նաեւ բամբասանքները, իսկ անպատժելիության մթնոլորտ նաեւ ամբողջ աշխարհում կա:
«Ո՞ւմ պիտի պատժեին, որ Գորիսի դեպքը չլիներ», - հարցրեց Սահակյանը:
Նշենք, որ մամուլը բազմիցս է անդրադարձել Սյունիքի մարզպետին եւ նրա ընտանիքի անդամներին առնչվող քրեական դեպքերին, սակայն մարզպետն, անկախ ամեն ինչից, հանգիստ շարունակում է պաշտոնավարել: Անգամ փաստացի կադրերը, որտեղ երեւում էր, թե ինչպես է Խաչատրյանը հարվածում գործարար Սիլվա Համբարձումյանին, հիմք չհանդիսացան նրան պաշտոնանկ անելու համար: Արձագանքելով այս աղմկահարույց միջադեպին` Գալուստ Սահակյանն ասում է. - «Եթե ծեծել էր, ուրեմն կինը [Սիլվա Համբարձումյանը] պիտի կարողանար բողոքարկել եւ խնդիրը մինչեւ վերջ տանել»:
Ուշագրավ է, որ Գորիսում տեղի ունեցած արյունալի միջադեպից հետո անգամ, ըստ լրատվական կայքերի, մարզպետը շարունակել է սպառնալիքներ հնչեցրել:
Սպառնալիքներ Խաչատրյանը հրապարակավ հնչեցրել էր նաեւ նախագահի նախկին թեկնածու, «Ժառանգության» առաջնորդ Րաֆֆի Հովհաննիսյանի հասցեին` ասելով, թե նրա գլուխը կջարդի օձի գլխի պես: Սակայն իշխող Հանրապետականը հրապարակավ երբեք չի դատապարտել Սուրիկ Խաչատրյանին, ավելին` նախագահը վերջերս նրան պարգեւատրեց «Մարտական խաչ» շքանշանով:
Պատասխանելով լրագրողների հարցին, թե արդյոք սպանությամբ ուղեկցված այս միջադեպից հետո մարզպետը կրկի՞ն չոր դուրս կգա ջրից, ինչպես միշտ ՀՀԿ-ի մեկ այլ փոխնախագահ Արմեն Աշոտյանը ասաց, թե ցավալի եւ դատապարտելի դեպք է տեղի ունեցել, բայց նախ պետք է պարզվեն մեղավորները:
«Հետո այնպես անել, որ ոչ մի թաց մարդ չոր դուրս չգա, բայց այս պահին, երբ քրեական գործ է ընթանում, խոսել կամ ավելին ասել նպատակահարմար չեմ գտնում», - ասաց Աշոտյանը:
Պատասխանելով «Ազատություն» ռադիոկայանի հարցին, թե իշխող ՀՀԿ-ն չի պատրաստվո՞ւմ քննարկել իր կուսակցին առնչվող արյունալի այս միջադեպը, ԱԺ փոխնախագահ, ՀՀԿ խոսնակ Էդուարդ Շարմազանովն էլ ասաց, թե Հանրապետականը իրավական խնդիրներ չի քննարկում, այլ տալիս է քաղաքական գնահատականներ, իսկ այդ գնահատականը մեկն է` բոլոր մեղավորները պետք է պատժվեն, անկախ նրանից մեղավորը մարզպետ է, թե մարզպետ չէ:
ՀՀԿ փոխնախագահը, պատասխանելով «Ազատություն» ռադիոկայանի հարցին, թե արդյոք Խաչատրյանը օրինապա՞շտ հանրապետական է, ասաց, թե դրական մոտեցումներ ունի Սուրիկ Խաչատրյանի նկատմամբ, եւ որ վերջինս իր կյանքի ընթացքում լուրջ գործունեություն է ծավալել:
Հիշեցնենք, հունիսի 1-ի երեկոյան Սյունիքի մարզպետ Սուրիկ Խաչատրյանի տան մոտ հնչած կրակոցներից տեղում մահացել է Գորիսի քաղաքապետի նախկին թեկնածու, 43-ամյա գործարար Ավետիք Բուդաղյանը: Իսկ նրա եղբայրը` Գորիսի զորամասի հրամանատար Արտակ Բուդաղյանը վնասվածքներով տեղափոխվել է հիվանդանոց: Հանցագործությունը կատարելու կասկածանքով արդեն իսկ ձերբակալվել են Սուրիկ Խաչատրյանի որդին եւ թիկնապահը:
«Ես կարծում եմ` Խաչատրյանը ոչ միայն մեզ համար, այլ իր կյանքի դրվագներով բավականին լուրջ գործունեություն է ծավալել, եւ գնահատականը կարելի է այդ սկզբունքով տալ: Ընդհանրապես դրական մոտեցումներ ունեմ, բայց դա չի նշանակում, որ յուրաքանչյուր անձ, եթե դրական է գնահատվում կամ որեւէ առավել գործողություն է կատարում, նրա հանցանքներ պետք է ներվեն: Եթե հանցանք գործած լինի, ես կարծում եմ, կլինեն նաեւ պատիժներ», - ասաց Սահակյանը:
Հարցին, թե ՀՀԿ-ին չի մտահոգո՞ւմ, որ հանրապետական մարզպետի անունը արդեն որերորդ անգամ կապվում է նման աղմկահարույց, սպանություններով ուղեկցվող միջադեպերի հետ, Սահակյանը պատասխանեց. - «Մեզ մտահոգում են ոչ միայն հանրապետականները, այլ ընդհանրապես Հայաստանի քաղաքացիները: Նրանք, ովքեր ապացուցելի հանցանք են կատարում, ադեկվատ պատիժներ պիտի ստանան»:
Սահակյանը, ի պատասխան հարցին, թե հնարավոր համարո՞ւմ է, որ Խաչատրյանը ներգրավված լինի այս միջադեպին, ասաց. - «Բոլոր մարդկանց, այդ թվում` Ձեզ, հնարավոր համարում եմ, որ ինչ-որ առիթներ լինեն, որ զանցանքներ եւ հանցանքներ կատարեն»:
«Եթե [Սուրիկ Խաչատրյանը] կոնկրետ զանցանք կամ հանցանք է կատարել, պատիժները ադեկվատ կլինեն», - ասաց ՀՀԿ փոխնախագահը` վստահեցնելով, որ եթե ապացուցվի մարզպետի` հանցանք կատարելու փաստը, նա պաշտոնից անպայման կհեռացվի:
Արձագանքելով այն դիտարկմանը, թե սպանությամբ ուղեկցված միջադեպին մասնակից է եղել նաեւ մարզպետի թիկնապահը, Գալուստ Սահակյանը ասաց, թե ինքը չի տեսել, որ Խաչատրյանը թիկնապահներով շրջի կամ կուսակցություն գա թիկնապահներով:
Պատասխանելով հարցին, թե արդյոք Գորիսում տեղի ունեցած սպանությունը անպատժելիության մթնոլորտի արդյունք չէ, Սահակյանն ասաց, թե ինքը պատժելի է համարում նաեւ բամբասանքները, իսկ անպատժելիության մթնոլորտ նաեւ ամբողջ աշխարհում կա:
«Ո՞ւմ պիտի պատժեին, որ Գորիսի դեպքը չլիներ», - հարցրեց Սահակյանը:
Նշենք, որ մամուլը բազմիցս է անդրադարձել Սյունիքի մարզպետին եւ նրա ընտանիքի անդամներին առնչվող քրեական դեպքերին, սակայն մարզպետն, անկախ ամեն ինչից, հանգիստ շարունակում է պաշտոնավարել: Անգամ փաստացի կադրերը, որտեղ երեւում էր, թե ինչպես է Խաչատրյանը հարվածում գործարար Սիլվա Համբարձումյանին, հիմք չհանդիսացան նրան պաշտոնանկ անելու համար: Արձագանքելով այս աղմկահարույց միջադեպին` Գալուստ Սահակյանն ասում է. - «Եթե ծեծել էր, ուրեմն կինը [Սիլվա Համբարձումյանը] պիտի կարողանար բողոքարկել եւ խնդիրը մինչեւ վերջ տանել»:
Ուշագրավ է, որ Գորիսում տեղի ունեցած արյունալի միջադեպից հետո անգամ, ըստ լրատվական կայքերի, մարզպետը շարունակել է սպառնալիքներ հնչեցրել:
Սպառնալիքներ Խաչատրյանը հրապարակավ հնչեցրել էր նաեւ նախագահի նախկին թեկնածու, «Ժառանգության» առաջնորդ Րաֆֆի Հովհաննիսյանի հասցեին` ասելով, թե նրա գլուխը կջարդի օձի գլխի պես: Սակայն իշխող Հանրապետականը հրապարակավ երբեք չի դատապարտել Սուրիկ Խաչատրյանին, ավելին` նախագահը վերջերս նրան պարգեւատրեց «Մարտական խաչ» շքանշանով:
Պատասխանելով լրագրողների հարցին, թե արդյոք սպանությամբ ուղեկցված այս միջադեպից հետո մարզպետը կրկի՞ն չոր դուրս կգա ջրից, ինչպես միշտ ՀՀԿ-ի մեկ այլ փոխնախագահ Արմեն Աշոտյանը ասաց, թե ցավալի եւ դատապարտելի դեպք է տեղի ունեցել, բայց նախ պետք է պարզվեն մեղավորները:
«Հետո այնպես անել, որ ոչ մի թաց մարդ չոր դուրս չգա, բայց այս պահին, երբ քրեական գործ է ընթանում, խոսել կամ ավելին ասել նպատակահարմար չեմ գտնում», - ասաց Աշոտյանը:
Պատասխանելով «Ազատություն» ռադիոկայանի հարցին, թե իշխող ՀՀԿ-ն չի պատրաստվո՞ւմ քննարկել իր կուսակցին առնչվող արյունալի այս միջադեպը, ԱԺ փոխնախագահ, ՀՀԿ խոսնակ Էդուարդ Շարմազանովն էլ ասաց, թե Հանրապետականը իրավական խնդիրներ չի քննարկում, այլ տալիս է քաղաքական գնահատականներ, իսկ այդ գնահատականը մեկն է` բոլոր մեղավորները պետք է պատժվեն, անկախ նրանից մեղավորը մարզպետ է, թե մարզպետ չէ:
