Ավան եւ Նոր Նորք համայնքների ընդհանուր իրավասության դատարանի դատավոր Դավիթ Հարությունյանն այսօր, քննարկելով Վահե Ավետյանի իրավահաջորդի եւ մյուս տուժողների փաստաբանների միջնորդությունը, որոշեց դատարան հրավիրել լրացուցիչ վկաների:
Դատավորը թվարկեց ութ վկաների, մինչդեռ տուժող կողմի ներկայացուցիչները միջնորդել էին դատարան հրավիրել եւ հարցաքննել ավելի քան 30 վկաների: Տուժող կողմի ներկայացուցիչներ` փաստաբաններ Լուսինե Հակոբյանը եւ Տիգրան Եգորյանը պնդում են, որ լրացուցիչ վկաների դատակոչելը բխում է գործի հանգամանքների բազմակողմանի, լրիվ եւ օբյեկտիվ քննություն ապահովելու` օրենքի պահանջից, ինչը, ըստ միջնորդության, չի ապահովվել նախաքննությամբ:
Մեղադրող Արթուր Դավթյանը, լրացուցիչ վկաներին դատարան հրավիրելու վերաբերյալ կարծիք հայտնելիս, անդրադարձավ մինչ այժմ դատարան հրավիրված հինգ լրացուցիչ վկաների հարցաքննությանը` մասնավորապես, ընդգծելով «Հարսնաքարի» սեփականատեր Ռուբեն Հայրապետյանի դատարան գալը եւ նրա ցուցմունքը:
«Տեւական ժամանակ այնպիսի տպավորություն էր ստեղծվում, որ վկա Ռուբեն Հայրապետյանի հարցաքննությունը ինչ-որ շրջադարձային նշանակություն է ունենալու, հեղափոխություն կարող է լինել այս գործի քննության ընթացքում, բայց եկավ, հարցաքննեցին, եւ ես ինչքան համեմատում եմ նրա` դատաքննության եւ նախաքննության ընթացքում տված ցուցմունքները, կարծում եմ` նախաքննական ցուցմունքները ավելի բովանդակային են եղել», - ասաց մեղադրողը:
Ամբաստանյալների հարազատների շարքից լսվեց ռեպլիկ` «ի՞նչ եք կպել Ռուբեն Հայրապետյանից»: Ամբաստանյալ Արման Խաչատրյանի մայրը շարունակեց, թե ինչ պետք էր, Ռուբեն Հայրապետյանը եկավ ասաց-գնաց: Ռուբեն Հայրապետյանը, ի դեպ, Արման Խաչատրյանի վերաբերյալ ասել էր, թե վերջինս «մեքենայի մեջ է եղել, որովհետեւ վատ է զգացել»:
Ամբաստանյալ Դավիթ Ադամյանի պաշտպան Սերգեյ Մկրտչյանը, պատասխանելով «Ազատություն» ռադիոկայանի հարցին, թե գործի հանգամանքների պարզաբանման տեսանկյունից շրջադարձայի՞ն էր արդյոք Հայրապետյանի ցուցմունքը, ասաց. - «Կարեւոր էր այնքանով, որքանով որ դատարանը հետագայում կգնահատի»:
Ամբաստանյալ Արման Բաղդասարյանի պաշտպան Միհրան Պողոսյանն էլ կարծում է, որ Հայրապետյանի ցուցմունքը որեւէ լրացուցիչ բան չի ավելացրել քրեական գործին` լույս սփռելու առումով:
Հայրապետյանը, հիշեցնենք, դատաքննության ժամանակ ասել էր, թե դեպքի մասին առաջին անգամ լսել է, երբ գտնվել է Ֆուտբոլի ակադեմիայում, որտեղ այդ ժամանակ բնակվում էր ընտանիքի հետ, քանի որ իր տանը վերանորոգում էր ընթանում:
Տուժող կողմի ներկայացուցիչ, փաստաբան Լուսինե Հակոբյանը «Ազատություն» ռադիոկայանի հետ զրույցում ասաց, որ որեւէ հիմնավորում այլ անձանց ցուցմունքների տեսքով չկա այն մասին, որ Ռուբեն Հայրապետյանն անցյալ տարվա հունիսի 17-ին բնակվելիս է եղել Ֆուտբոլի ակադեմիայում:
Մեղադրող Արթուր Դավթյանը նաեւ Հայրապետյանին հարցրել էր, թե ումի՞ց է իմացել «Հարսնաքարում» տեղի ունեցածի մասին: Վերջինս ասել էր, թե դեպքի մասին տեղեկացել է ռեստորանի տնօրենից:
Վահե Ավետյանի իրավահաջորդի եւ մյուս տուժողների ներկայացուցիչ Տիգրան Եգորյանի գնահատմամբ` Հայրապետյանի ցուցմունքներն ի հայտ են բերել հակասություններ:
«Բացահայտվեցին որոշ հակասություններ Հայրապետյանի` նախաքննության եւ դատաքննության ընթացքում տված ցուցմունքների միջեւ, մասնավորապես, «Հարսնաքարի» տնօրեն Հրաչ Զոհրաբյանի գործողությունների հետ կապված: Նա դատաքննության ընթացքում պնդեց, որ 15 րոպե հետո Հրաչ Զոհրաբյանն է հայտնել իրեն, որ Վահե Ավետյանին վիրահատում են: Իսկ Հրաչ Զոհրաբյանը իր տված ցուցմունքով հայտնել էր, որ նա ժամեր հետո է այդ մասին իմացել եւ լսել է լրատվամիջոցներից», - ասաց Եգորյանը:
Հավելենք, որ այսօր դատավորը հերթական անգամ նկատողություն արեց ամբաստանյալ Գարիկ Մարգարյանի մորը` դատական նիստը խանգարելու համար: Իսկ դատարանի բակում ամբաստանյալի մայրը վիրավորական արտահայտություններ եւ անեծքներ էր հնչեցնում լրագրողների հասցեին:
Հաջորդ դատական նիստը նշանակված է հունիսի 4-ին:
Դատավորը թվարկեց ութ վկաների, մինչդեռ տուժող կողմի ներկայացուցիչները միջնորդել էին դատարան հրավիրել եւ հարցաքննել ավելի քան 30 վկաների: Տուժող կողմի ներկայացուցիչներ` փաստաբաններ Լուսինե Հակոբյանը եւ Տիգրան Եգորյանը պնդում են, որ լրացուցիչ վկաների դատակոչելը բխում է գործի հանգամանքների բազմակողմանի, լրիվ եւ օբյեկտիվ քննություն ապահովելու` օրենքի պահանջից, ինչը, ըստ միջնորդության, չի ապահովվել նախաքննությամբ:
Մեղադրող Արթուր Դավթյանը, լրացուցիչ վկաներին դատարան հրավիրելու վերաբերյալ կարծիք հայտնելիս, անդրադարձավ մինչ այժմ դատարան հրավիրված հինգ լրացուցիչ վկաների հարցաքննությանը` մասնավորապես, ընդգծելով «Հարսնաքարի» սեփականատեր Ռուբեն Հայրապետյանի դատարան գալը եւ նրա ցուցմունքը:
«Տեւական ժամանակ այնպիսի տպավորություն էր ստեղծվում, որ վկա Ռուբեն Հայրապետյանի հարցաքննությունը ինչ-որ շրջադարձային նշանակություն է ունենալու, հեղափոխություն կարող է լինել այս գործի քննության ընթացքում, բայց եկավ, հարցաքննեցին, եւ ես ինչքան համեմատում եմ նրա` դատաքննության եւ նախաքննության ընթացքում տված ցուցմունքները, կարծում եմ` նախաքննական ցուցմունքները ավելի բովանդակային են եղել», - ասաց մեղադրողը:
Ամբաստանյալների հարազատների շարքից լսվեց ռեպլիկ` «ի՞նչ եք կպել Ռուբեն Հայրապետյանից»: Ամբաստանյալ Արման Խաչատրյանի մայրը շարունակեց, թե ինչ պետք էր, Ռուբեն Հայրապետյանը եկավ ասաց-գնաց: Ռուբեն Հայրապետյանը, ի դեպ, Արման Խաչատրյանի վերաբերյալ ասել էր, թե վերջինս «մեքենայի մեջ է եղել, որովհետեւ վատ է զգացել»:
Ամբաստանյալ Դավիթ Ադամյանի պաշտպան Սերգեյ Մկրտչյանը, պատասխանելով «Ազատություն» ռադիոկայանի հարցին, թե գործի հանգամանքների պարզաբանման տեսանկյունից շրջադարձայի՞ն էր արդյոք Հայրապետյանի ցուցմունքը, ասաց. - «Կարեւոր էր այնքանով, որքանով որ դատարանը հետագայում կգնահատի»:
Ամբաստանյալ Արման Բաղդասարյանի պաշտպան Միհրան Պողոսյանն էլ կարծում է, որ Հայրապետյանի ցուցմունքը որեւէ լրացուցիչ բան չի ավելացրել քրեական գործին` լույս սփռելու առումով:
Հայրապետյանը, հիշեցնենք, դատաքննության ժամանակ ասել էր, թե դեպքի մասին առաջին անգամ լսել է, երբ գտնվել է Ֆուտբոլի ակադեմիայում, որտեղ այդ ժամանակ բնակվում էր ընտանիքի հետ, քանի որ իր տանը վերանորոգում էր ընթանում:
Տուժող կողմի ներկայացուցիչ, փաստաբան Լուսինե Հակոբյանը «Ազատություն» ռադիոկայանի հետ զրույցում ասաց, որ որեւէ հիմնավորում այլ անձանց ցուցմունքների տեսքով չկա այն մասին, որ Ռուբեն Հայրապետյանն անցյալ տարվա հունիսի 17-ին բնակվելիս է եղել Ֆուտբոլի ակադեմիայում:
Մեղադրող Արթուր Դավթյանը նաեւ Հայրապետյանին հարցրել էր, թե ումի՞ց է իմացել «Հարսնաքարում» տեղի ունեցածի մասին: Վերջինս ասել էր, թե դեպքի մասին տեղեկացել է ռեստորանի տնօրենից:
Վահե Ավետյանի իրավահաջորդի եւ մյուս տուժողների ներկայացուցիչ Տիգրան Եգորյանի գնահատմամբ` Հայրապետյանի ցուցմունքներն ի հայտ են բերել հակասություններ:
«Բացահայտվեցին որոշ հակասություններ Հայրապետյանի` նախաքննության եւ դատաքննության ընթացքում տված ցուցմունքների միջեւ, մասնավորապես, «Հարսնաքարի» տնօրեն Հրաչ Զոհրաբյանի գործողությունների հետ կապված: Նա դատաքննության ընթացքում պնդեց, որ 15 րոպե հետո Հրաչ Զոհրաբյանն է հայտնել իրեն, որ Վահե Ավետյանին վիրահատում են: Իսկ Հրաչ Զոհրաբյանը իր տված ցուցմունքով հայտնել էր, որ նա ժամեր հետո է այդ մասին իմացել եւ լսել է լրատվամիջոցներից», - ասաց Եգորյանը:
Հավելենք, որ այսօր դատավորը հերթական անգամ նկատողություն արեց ամբաստանյալ Գարիկ Մարգարյանի մորը` դատական նիստը խանգարելու համար: Իսկ դատարանի բակում ամբաստանյալի մայրը վիրավորական արտահայտություններ եւ անեծքներ էր հնչեցնում լրագրողների հասցեին:
Հաջորդ դատական նիստը նշանակված է հունիսի 4-ին:
