Ակցիա միջազգային դիտորդների ասուլիսի ժամանակ. ասուլիսը ընդմիջվեց

Երեկ Հայաստանում անցկացված նախագահական ընտրությունների կապակցությամբ միջազգային, մասնավորապես` ԵԱՀԿ-ի Ժողովրդավարական հաստատությունների եւ մարդու իրավունքների գրասենյակի (ԵԱՀԿ/ԺՀՄԻԳ) դիտորդների այսօր հրավիրած ասուլիսը «Արմենիա Մարիոթ» հյուրանոցում ընդմիջվեց մի խումբ ակտիվիստների ակցիայի պատճառով։

ԵԱՀԿ/ԺՀՄԻԳ-ի դիտորդական առաքելության ղեկավար Հայդի Թալիավինիի ելույթից հետո ակտիվիստները մոտեցան ամբիոնին եւ սկսեցին կարդալ իրենց պահանջները։ Նրանք պահանջում էին, մասնավորապես, որպեսզի միջազգային դիտորդները հեռանան Հայաստանից, քանի որ իրենց ներկայությամբ լեգիտիմացնում են այս ընտրությունները։

Այդ ընթացքում դիտորդները 10-15 րոպեով ընդմիջում հայտարարեցին։