Ավան եւ Նոր Նորք վարչական շրջանների ընդհանուր իրավասության դատարանի դատավոր Դավիթ Հարությունյանն այսօր հրապարակեց Վահե Ավետյանի դատաբժշկական փորձաքննությունների երկու եզրակացությունները: Ապա մեղադրող Արթուր Դավթյանի հարցերից եւ դատաբժիշկ, այս գործով վկա Գեւորգ Գաֆարյանի պատասխաններն ամփոփելով՝ մեղադրողն արձանագրեց, որ ռազմական բժիշկ Վահե Ավետյանը անցյալ տարվա հունիսին «Հարսնաքար» ռեստորանային համալիրում ծեծի հետեւանքով ստացել է կյանքի հետ անհամատեղելի 5 վնասվածք:
Առաջին փորձաքննության եզրակացության համաձայն, Վահե Ավետյանի մահը վրա է հասել փակ գանգուղեղային վնասվածքների հետեւանքով: Ըստ դատաբժշկական փորձաքննության եզրակացության` բութ, կոշտ առարկաների ներգործության արդյունքում Վահե Ավետյանը ստացել է տասնյակ վնասվածքներ, գլխի մաշկի տակ արձանագրվել են արյունազեղումներ, ստորին ծնոտի շրջանում՝ արյունահավաք, քթի ոսկրերի կոտրվածքներ, ներուղեղային արյունազեղումներ, ուղեղանյութի խիստ արտահայտված այտուցներ:
Երկրորդ փորձաքննության համաձայն` փորձագետ Ջնդոյանն արձանագրել է, որ Վահե Ավետյանը կյանքին վտանգ սպառնացող վնասվածքներ է ստացել, այդ թվում՝ սալջարդեր ճակատային շրջանում, նաեւ՝ գլխուղեղի ծանր աստիճանի սալջարդ:
Այսօր դատարան հրավիրված դատաբժշկական փորձագետ Գեւորգ Գաֆարյանին հարցեր ուղղեց մեղադրող Արթուր Դավթյանը՝ խնդրելով մանրամասնել փորձաքննության եզրահանգումները: «Կարո՞ղ են հատկապես մահվան պատճառ հանդիսացած վնասվածքների հերթականությունը նշել», - հարցրեց նա:
«Դեպքը, տեղի է ունեցել 2012 թվականի հունիսի 17-ին: Ըստ բժշկական փաստաթղթերի` մահը վրա է հասել հունիսի 29-ին, 12 օր հետո: Այդպիսի վաղեմություն ունեցող վնասվածքների պարագայում հաջորդականությունը որոշել հնարավոր չէ», - ասաց Գաֆարյանը:
Նկատի ունենալով այն, որ Վահե Ավետյանի ուղեղի մի հատվածը ծեծի հետեւանքով տեղաշարժվել է 4 սմ, Ավետյանի իրավահաջորդի ներկայացուցիչը հարցրեց` եղե՞լ են նման դեպքեր, որ այս ախտորոշման դեպքում մարդը ապրի, կենդանի մնա, թեկուզ ոչ գիտակից վիճակում: Փորձագետը Ավետյանի ստացած վնասվածքներով այլ անձի օրինակ չհիշեց:
Տուժող կողմի ներկայացուցիչների հարցերից մի քանիսին վկան չպատասխանեց, ասաց, որ այդ հարցերի պատասխանը հնարավոր կլիներ ստանալ հանձնաժողովային կրկնակի փորձաքննության շնորհիվ:
Հիշեցնենք, Վահե Ավետյանի գործով աղմկահարույց նախաքննության ժամանակ Ավետյանի իրավահաջորդի ներկայացուցիչները դիմել էին նախաքննական մարմնին՝ կրկնակի հանձնաժողովային փորձաքննության պահանջով, սակայն մի շարք այլ միջնորդությունների նման մերժվել էր նաեւ դա: Հիմա, ի դեպ, տուժող կողմի պնդմամբ՝ անհիմն մերժման որոշումները վիճարկվում են Վճռաբեկ դատարանում:
Վահե Ավետյանի մահվան գործով հաջորդ դատական նիստը նշանակված է փետրվարի 21-ին:
Առաջին փորձաքննության եզրակացության համաձայն, Վահե Ավետյանի մահը վրա է հասել փակ գանգուղեղային վնասվածքների հետեւանքով: Ըստ դատաբժշկական փորձաքննության եզրակացության` բութ, կոշտ առարկաների ներգործության արդյունքում Վահե Ավետյանը ստացել է տասնյակ վնասվածքներ, գլխի մաշկի տակ արձանագրվել են արյունազեղումներ, ստորին ծնոտի շրջանում՝ արյունահավաք, քթի ոսկրերի կոտրվածքներ, ներուղեղային արյունազեղումներ, ուղեղանյութի խիստ արտահայտված այտուցներ:
Երկրորդ փորձաքննության համաձայն` փորձագետ Ջնդոյանն արձանագրել է, որ Վահե Ավետյանը կյանքին վտանգ սպառնացող վնասվածքներ է ստացել, այդ թվում՝ սալջարդեր ճակատային շրջանում, նաեւ՝ գլխուղեղի ծանր աստիճանի սալջարդ:
Այսօր դատարան հրավիրված դատաբժշկական փորձագետ Գեւորգ Գաֆարյանին հարցեր ուղղեց մեղադրող Արթուր Դավթյանը՝ խնդրելով մանրամասնել փորձաքննության եզրահանգումները: «Կարո՞ղ են հատկապես մահվան պատճառ հանդիսացած վնասվածքների հերթականությունը նշել», - հարցրեց նա:
«Դեպքը, տեղի է ունեցել 2012 թվականի հունիսի 17-ին: Ըստ բժշկական փաստաթղթերի` մահը վրա է հասել հունիսի 29-ին, 12 օր հետո: Այդպիսի վաղեմություն ունեցող վնասվածքների պարագայում հաջորդականությունը որոշել հնարավոր չէ», - ասաց Գաֆարյանը:
Նկատի ունենալով այն, որ Վահե Ավետյանի ուղեղի մի հատվածը ծեծի հետեւանքով տեղաշարժվել է 4 սմ, Ավետյանի իրավահաջորդի ներկայացուցիչը հարցրեց` եղե՞լ են նման դեպքեր, որ այս ախտորոշման դեպքում մարդը ապրի, կենդանի մնա, թեկուզ ոչ գիտակից վիճակում: Փորձագետը Ավետյանի ստացած վնասվածքներով այլ անձի օրինակ չհիշեց:
Տուժող կողմի ներկայացուցիչների հարցերից մի քանիսին վկան չպատասխանեց, ասաց, որ այդ հարցերի պատասխանը հնարավոր կլիներ ստանալ հանձնաժողովային կրկնակի փորձաքննության շնորհիվ:
Հիշեցնենք, Վահե Ավետյանի գործով աղմկահարույց նախաքննության ժամանակ Ավետյանի իրավահաջորդի ներկայացուցիչները դիմել էին նախաքննական մարմնին՝ կրկնակի հանձնաժողովային փորձաքննության պահանջով, սակայն մի շարք այլ միջնորդությունների նման մերժվել էր նաեւ դա: Հիմա, ի դեպ, տուժող կողմի պնդմամբ՝ անհիմն մերժման որոշումները վիճարկվում են Վճռաբեկ դատարանում:
Վահե Ավետյանի մահվան գործով հաջորդ դատական նիստը նշանակված է փետրվարի 21-ին:
