Անցած շաբաթ մահափորձի ենթարկված նախագահի թեկնածու Պարույր Հայրիկյանը չի օգտվի իրեն վերապահված իրավունքից եւ չի դիմի Սահմանադրական դատարան` փետրվարի 18-ին նշանակված նախագահական ընտրությունները հետաձգելու պահանջով։ Այդ մասին այսօր լրագրողների հետ հանդիպմանը հայտարարեց Հայրիկյանի փաստաբան Լեւոն Բաղդասարյանը։
Սահմանադրությունը ընտրությունները երկու շաբաթով հետաձգելու հնարավորություն տալիս է թեկնածուի համար անհաղթահարելի խոչընդոտներ առաջանալու դեպքում: Պարույր Հայրիկյանի ներկայացուցիչները հայտարարեցին, որ անհաղթահարելի խոչընդոտներ առաջացել են, բայց թեկնածուն չի ցանկանում դա «շահարկել»:
«Բոլորի համար պարզ է, որ սա անհաղթահարելի երեւույթ է, բայց եթե Հայրիկյանը դա անի, արդեն շահարկում է: Ինքը դա չի ուզում», - ասաց Հայրիկյանի շտաբի պատասխանատուներից Կարո Եղնուկյանը:
Միաժամանակ «Ազգային ինքնորոշում միավորման» առաջնորդի շտաբը պատրաստակամություն է հայտնում նախագահի մյուս թեկնածուների հետ քննարկել «միասնական մոտեցմամբ» հանդես գալու հարցը, եթե նրանցից որեւէ մեկը ցանկանա ընտրությունները հետաձգելու պահանջով դիմել Սահմանադրական դատարան:
«Որոշ թեկնածուներ արդեն հայտարարել են, որ իրենց մեքենան պիտի վառեն եւ պիտի դիմեն Սահմանադրական դատարան, որպեսզի հետաձգվի, մենք հետեւաբար, դուռը բաց ենք թողնում իրենց [համար]: Եթե ուզում են բանակցել միասնական մոտեցումով, մենք պատրաստ ենք», - ասաց Եղնուկյանը:
Նախագահի թեկնածու Պարույր Հայրիկյանը դեռ երեկ կեսօրին լրջորեն հակված էր Սահմանադրական դատարան դիմելուն` համոզմունք հայտնելով, որ «ահաբեկչությունն ու ժողովրդավարական սկզբունքներով ընտրություններն անհամատեղելի են»:
Հայրիկյանի շտաբի պատասխանատուն այսօր հաստատեց, որ նրան երեկ այցելել է նախագահի աշխատակազմի ղեկավարի տեղակալ Վիկտոր Դալլաքյանը: Ավելի վաղ բոլոր բարձրաստիճան պաշտոնյաները` հանրապետության նախագահի մակարդակով, Հայրիկյանին տեսակցել էին հիվանդանոցում: «Ազատություն» ռադիոկայանը փորձեց ճշտել` Սահմանադրական դատարան չդիմելը Պարույր Հայրիկյանի անձնակա՞ն որոշումն էր, թե այնուհանդերձ, իշխանությունների հորդորով է կայացվել:
«Այո, իր որոշումն է. կարող եմ ասել, որ մասնակցել են իր մի քանի մտերիմները, բայց ոչ Դալլաքյան, ոչ Սերժ Սարգսյան, ոչ Տիգրան Սարգսյան իրենց ազդեցությունը Հայրիկյանի վրա չեն ունեցել», - պատասխանեց Եղնուկյանը:
Պարույր Հայրիկյանը ավելի ուշ անսպասելիորեն միացավ ասուլիսին: Հայտարարելով, որ հարցերի չի պատասխանելու, այնուհանդերձ, արձագանքեց նախագահության որոշ թեկնածուների այն տեսակետներին, թե ինքը իշխանությունների հետ գործարքի մեջ է մտել Սահմանադրական դատարան չդիմելու համար:
«Ես բոլոր այդ թեկնածուներին ասում եմ, թող վերցնեն իրենց տարիքը, նայեն, թե էդ տարիքում Հայրիկյանը ինչով է զբաղված եղել, հետո նոր հիմարություններ դուրս տան», - հայտարարեց թեկնածուն:
«Նրանք, ովքեր այս մահափորձի հետ կապված «հուզվում են», ես հիշեցնում եմ, որ ԿԳԲ-ն փորձել է ինձ բազմիցս սպանել տարբեր ժամանակներում», - հայտարարեց Հայրիկյանը` պատասխանելով ռուսական մամուլի այն հրապարակումներին, որ իր դեմ մահափորձի հետեւում ռուսական հետք տեսնելը «անհիմն, սադրիչ քայլ է եւ կեղծիք»:
Քիչ չեն մեկնաբանությունները, որ հատուկ ծառայությունների կողմից Հայրիկյանին սպանելու նպատակով ուղարկված անձը չէր կարող այդքան ոչ պրոֆեսիոնալ գործել:
«Ինչ վերաբերում է նրան, թե պրոֆեսիոնալ չէր... պատկերացնո՞ւմ եք դեպք, սիրելիներ, 25 սանտիմետր փամփուշտը մարդու մարմնով անցնի եւ մարդը կենդանի մնա: Ես Տիրոջ կամքով կենդանի մնացի, բայց դա չի նշանակում, որ դիմացինը սխալ էր արել: Ինքն ինչ անելու էր արել էր, բայց հրեշտակները չթողեցին, որ դա կատարվի, որպեսզի ես … երեւի ինչ-որ բան կա, որով պիտի դեռ օգտակար լինեմ», - ասաց նա:
«Եթե սպանելու նպատակ կար, ինչո՞ւ կրակողը դիմակավորված չի եղել եւ Հայրիկյանին հնարավորություն է տվել տեսնել իր դեմքը» հարցին թեկնածուի ներկայացուցիչ Կարո Եղնուկյանը ուշագրավ պատասխան տվեց. - « Մարդուն ոչնչացնելու նպատակ հետապնդող մարդասպանները դիմակ չեն հագնում»:
«Դու չես վախեցնում մարդուն մի հատ կրակելով, կամ երկու հատ կրակելով` տվյալ դեպքում, դա վախեցնել չի, դա սպանել է : Եվ որ դիմակ չունի…. քիլլերը դիմակ չի հագնում, երբ որ գնում է գործը կատարելու: Նա եթե գնում է միայն վախեցնելու, էն ժամանակ է դիմակ հագնում, որ իրեն չճանաչեն, հետո ցուցմունք չտաս: Եթե ուզում էին Հայրիկյանին վախեցնեին, քացիի տակ կգցեին, չէին կարո՞ղ դա անել: Ինչի քի՞չ են արել, Մանուչարյանին չեն ծեծե՞լ. Վահե Ավետյանին չեն արե՞լ: Վախեցնելու շատ ավելի դաժան ձեւեր կան, որ ավելի լավ է տեղ հասնում», - ասաց նա:
Դիտարկմանը, թե «վերլուծություններ կան, որ դա թատերական ներկայացում է եղել», Եղնուկյանը հակադարձեց. - «Եկեք դուք էլ այդ թատերական ներկայացումն արեք, բեմադրեք, ձեր դերասաններին ընտրեք, բայց նայեք, որ իսկական փամփուշտ օգտագործեք եւ տեսեք` էդ մարդը ողջ կմնա՞ վերջում, թե՞ չէ»:
Պարույր Հայրիկյանի դեմ մահափորձի փաստի առիթով քննվող քրեական գործի վերաբերյալ դեռեւս որեւէ նորություն չի հաղորդվում, այնուհանդերձ, թեկնածուի շտաբը գոհ է քննության ընթացքից:
Քարոզարշավը շարունակելու մասին հարցին Պարույր Հայրիկյանը այսօր պատասխանեց, որ «արդեն գործի մեջ է»: Թեկնածուն ասուլիսի էր եկել «Սուրբ Գրիգոր Լուսավորիչ» բժշկական կենտրոնից եւ վերադարձավ հիվանդանոց:
«Եկա ընդամենը ցույց տալու, որ ներկա եմ. թող ամեն հայ իմանա, որ ահաբեկչությունը հայ քաղաքական կյանքը իր բնականոն ուղուց չպետք շեղի», - ասաց նա:
Սահմանադրությունը ընտրությունները երկու շաբաթով հետաձգելու հնարավորություն տալիս է թեկնածուի համար անհաղթահարելի խոչընդոտներ առաջանալու դեպքում: Պարույր Հայրիկյանի ներկայացուցիչները հայտարարեցին, որ անհաղթահարելի խոչընդոտներ առաջացել են, բայց թեկնածուն չի ցանկանում դա «շահարկել»:
«Բոլորի համար պարզ է, որ սա անհաղթահարելի երեւույթ է, բայց եթե Հայրիկյանը դա անի, արդեն շահարկում է: Ինքը դա չի ուզում», - ասաց Հայրիկյանի շտաբի պատասխանատուներից Կարո Եղնուկյանը:
Միաժամանակ «Ազգային ինքնորոշում միավորման» առաջնորդի շտաբը պատրաստակամություն է հայտնում նախագահի մյուս թեկնածուների հետ քննարկել «միասնական մոտեցմամբ» հանդես գալու հարցը, եթե նրանցից որեւէ մեկը ցանկանա ընտրությունները հետաձգելու պահանջով դիմել Սահմանադրական դատարան:
«Որոշ թեկնածուներ արդեն հայտարարել են, որ իրենց մեքենան պիտի վառեն եւ պիտի դիմեն Սահմանադրական դատարան, որպեսզի հետաձգվի, մենք հետեւաբար, դուռը բաց ենք թողնում իրենց [համար]: Եթե ուզում են բանակցել միասնական մոտեցումով, մենք պատրաստ ենք», - ասաց Եղնուկյանը:
Նախագահի թեկնածու Պարույր Հայրիկյանը դեռ երեկ կեսօրին լրջորեն հակված էր Սահմանադրական դատարան դիմելուն` համոզմունք հայտնելով, որ «ահաբեկչությունն ու ժողովրդավարական սկզբունքներով ընտրություններն անհամատեղելի են»:
Հայրիկյանի շտաբի պատասխանատուն այսօր հաստատեց, որ նրան երեկ այցելել է նախագահի աշխատակազմի ղեկավարի տեղակալ Վիկտոր Դալլաքյանը: Ավելի վաղ բոլոր բարձրաստիճան պաշտոնյաները` հանրապետության նախագահի մակարդակով, Հայրիկյանին տեսակցել էին հիվանդանոցում: «Ազատություն» ռադիոկայանը փորձեց ճշտել` Սահմանադրական դատարան չդիմելը Պարույր Հայրիկյանի անձնակա՞ն որոշումն էր, թե այնուհանդերձ, իշխանությունների հորդորով է կայացվել:
«Այո, իր որոշումն է. կարող եմ ասել, որ մասնակցել են իր մի քանի մտերիմները, բայց ոչ Դալլաքյան, ոչ Սերժ Սարգսյան, ոչ Տիգրան Սարգսյան իրենց ազդեցությունը Հայրիկյանի վրա չեն ունեցել», - պատասխանեց Եղնուկյանը:
Պարույր Հայրիկյանը ավելի ուշ անսպասելիորեն միացավ ասուլիսին: Հայտարարելով, որ հարցերի չի պատասխանելու, այնուհանդերձ, արձագանքեց նախագահության որոշ թեկնածուների այն տեսակետներին, թե ինքը իշխանությունների հետ գործարքի մեջ է մտել Սահմանադրական դատարան չդիմելու համար:
«Ես բոլոր այդ թեկնածուներին ասում եմ, թող վերցնեն իրենց տարիքը, նայեն, թե էդ տարիքում Հայրիկյանը ինչով է զբաղված եղել, հետո նոր հիմարություններ դուրս տան», - հայտարարեց թեկնածուն:
«Նրանք, ովքեր այս մահափորձի հետ կապված «հուզվում են», ես հիշեցնում եմ, որ ԿԳԲ-ն փորձել է ինձ բազմիցս սպանել տարբեր ժամանակներում», - հայտարարեց Հայրիկյանը` պատասխանելով ռուսական մամուլի այն հրապարակումներին, որ իր դեմ մահափորձի հետեւում ռուսական հետք տեսնելը «անհիմն, սադրիչ քայլ է եւ կեղծիք»:
Քիչ չեն մեկնաբանությունները, որ հատուկ ծառայությունների կողմից Հայրիկյանին սպանելու նպատակով ուղարկված անձը չէր կարող այդքան ոչ պրոֆեսիոնալ գործել:
«Ինչ վերաբերում է նրան, թե պրոֆեսիոնալ չէր... պատկերացնո՞ւմ եք դեպք, սիրելիներ, 25 սանտիմետր փամփուշտը մարդու մարմնով անցնի եւ մարդը կենդանի մնա: Ես Տիրոջ կամքով կենդանի մնացի, բայց դա չի նշանակում, որ դիմացինը սխալ էր արել: Ինքն ինչ անելու էր արել էր, բայց հրեշտակները չթողեցին, որ դա կատարվի, որպեսզի ես … երեւի ինչ-որ բան կա, որով պիտի դեռ օգտակար լինեմ», - ասաց նա:
«Եթե սպանելու նպատակ կար, ինչո՞ւ կրակողը դիմակավորված չի եղել եւ Հայրիկյանին հնարավորություն է տվել տեսնել իր դեմքը» հարցին թեկնածուի ներկայացուցիչ Կարո Եղնուկյանը ուշագրավ պատասխան տվեց. - « Մարդուն ոչնչացնելու նպատակ հետապնդող մարդասպանները դիմակ չեն հագնում»:
«Դու չես վախեցնում մարդուն մի հատ կրակելով, կամ երկու հատ կրակելով` տվյալ դեպքում, դա վախեցնել չի, դա սպանել է : Եվ որ դիմակ չունի…. քիլլերը դիմակ չի հագնում, երբ որ գնում է գործը կատարելու: Նա եթե գնում է միայն վախեցնելու, էն ժամանակ է դիմակ հագնում, որ իրեն չճանաչեն, հետո ցուցմունք չտաս: Եթե ուզում էին Հայրիկյանին վախեցնեին, քացիի տակ կգցեին, չէին կարո՞ղ դա անել: Ինչի քի՞չ են արել, Մանուչարյանին չեն ծեծե՞լ. Վահե Ավետյանին չեն արե՞լ: Վախեցնելու շատ ավելի դաժան ձեւեր կան, որ ավելի լավ է տեղ հասնում», - ասաց նա:
Դիտարկմանը, թե «վերլուծություններ կան, որ դա թատերական ներկայացում է եղել», Եղնուկյանը հակադարձեց. - «Եկեք դուք էլ այդ թատերական ներկայացումն արեք, բեմադրեք, ձեր դերասաններին ընտրեք, բայց նայեք, որ իսկական փամփուշտ օգտագործեք եւ տեսեք` էդ մարդը ողջ կմնա՞ վերջում, թե՞ չէ»:
Պարույր Հայրիկյանի դեմ մահափորձի փաստի առիթով քննվող քրեական գործի վերաբերյալ դեռեւս որեւէ նորություն չի հաղորդվում, այնուհանդերձ, թեկնածուի շտաբը գոհ է քննության ընթացքից:
Քարոզարշավը շարունակելու մասին հարցին Պարույր Հայրիկյանը այսօր պատասխանեց, որ «արդեն գործի մեջ է»: Թեկնածուն ասուլիսի էր եկել «Սուրբ Գրիգոր Լուսավորիչ» բժշկական կենտրոնից եւ վերադարձավ հիվանդանոց:
«Եկա ընդամենը ցույց տալու, որ ներկա եմ. թող ամեն հայ իմանա, որ ահաբեկչությունը հայ քաղաքական կյանքը իր բնականոն ուղուց չպետք շեղի», - ասաց նա:
