Ֆիզիկայի Նոբելյան մրցանակը շնորհվեց երկու գիտնականների

Ֆիզիկայի բնագավառում 2012 թվականի Նոբելյան մրցանակը այսօր շնորհվել է ֆրանսիացի գիտնական Սերժ Արոշին եւ ամերիկացի գիտնական Դեյվիդ Ուայնլանդին`քվանտային օպտիկային վերաբերող իրենց աշխատանքի համար։

Շվեդիայի թագավորական ակադեմիան հայտարարել է, որ դափնեկիրները «դուռ են բացել դեպի քվանտային ֆիզիկայի գիտափորձերի նոր դարաշրջան` ցույց տալով քվանտային անհատական մասնիկների ուղղակի դիտարկումը առանց դրանց ոչնչացման»։