Ուսանողների հետ նախարարի հարցուպատասխանը անավարտ մնաց, քանի որ նրանք շարժվեցին դեպի այն բաժանմունքը, ուր տարել էին Նարեկ Սամսոնյանին:
Կարճ ժամանակ անց ուսանողին ազատ էին արձակել:
Նարեկ Սամսոնյանի խոսքով, իրեն ասել են, որ հրավիրում են պարզապես զրուցելու, հետո պարզվել է, որ ոստիկանությունը ահազանգ է ստացել բնակիչներից, ովքեր տեսել են, թե ինչպես է Նարեկ Սամսոնյանը բուհում ընդհարում հրահրում: Նարեկը պահանջել է առերեսում այդ մարդկանց հետ, ովքեր տեսել են, որ ինքը հրահրել է այդ ընդհարումը: Նրան պատասխանել են, որ չեն կարող տրամադրել այդ մարդկանց:
Մամուլում լուրեր տարածվեցին, որ նրան ազատ են արձակել Կրթության եւ գիտության նախարարի միջամտությամբ, սակայն Նարեկ Սամսոնյանը հերքեց դա:
Արմեն Աշոտյանի հետ հանդիպման ժամանակ Վ. Բրյուսովի անվան ԵՊԼՀ-ի ուսանողները մի շարք հարցեր էին պատրաստել՝ կապված Սուրեն Զոլյանին տրված նկատողությունների եւ նրա հեռացման հետ: Հանդիպումը նախատեսված էր բուհի դահլիճում, սակայն ուսանողները չափազանց շատ էին եւ բոլորը չէին տեղավորվում դահլիճում: Նրանք պահանջում էին, որ նախարարն իջնի եւ բակում պատրաստված խոսափողների մոտ պատասխանի բոլորի հարցերին:
Երբ նախարարը մտավ դահլիճ, ուսանողներից մի քանիսը խնդրեցին նրան իջնել եւ դրսում պատասխանել բոլորի հարցերին:
Նախարարը, սակայն, բարձրացավ բեմ եւ պատրաստվում էր պատասխանել դահլիճում գտնվող ուսանողների հարցերին «եւ մնալ բուհում մինչեւ նրանց վերջին հարցը»:
Հետո բուհի ռեկտորի ժամանակավոր պաշտոնակատար նշանակված Գաբրիել Բալայանն ասաց. - «Հասկանում եմ, որ բոլորի համար շատ հետաքրքիր հանդիպում է լինելու, սակայն խնդրում եմ այն ուսանողներին, ովքեր մեր ուսանողները չեն, իսկ ես տեսնում եմ, որ զգալի մասը մեր ուսանողները չեն, իրենց տեղը զիջեն մեր ուսանողներին»:
Ուսանողներից շատերը նույնպես նշում էին, որ դահլիճում գտնվողների մի մասը ԵՊԼՀ-ի ուսանողներ չեն:
Բազմաթիվ խնդրանքներից հետո նախարարը համաձայնեց ուսանողների հետ հանդիպել դրսում, բայց կարճ ժամանակ անց հանդիպումն ընդհատվեց, քանի որ ուսանողները հետեւեցին Նարեկ Սամսոնյանին ու նրան բաժանմունք տանող ոստիկաններին:
Կարճ ժամանակ անց ուսանողին ազատ էին արձակել:
Նարեկ Սամսոնյանի խոսքով, իրեն ասել են, որ հրավիրում են պարզապես զրուցելու, հետո պարզվել է, որ ոստիկանությունը ահազանգ է ստացել բնակիչներից, ովքեր տեսել են, թե ինչպես է Նարեկ Սամսոնյանը բուհում ընդհարում հրահրում: Նարեկը պահանջել է առերեսում այդ մարդկանց հետ, ովքեր տեսել են, որ ինքը հրահրել է այդ ընդհարումը: Նրան պատասխանել են, որ չեն կարող տրամադրել այդ մարդկանց:
Մամուլում լուրեր տարածվեցին, որ նրան ազատ են արձակել Կրթության եւ գիտության նախարարի միջամտությամբ, սակայն Նարեկ Սամսոնյանը հերքեց դա:
Արմեն Աշոտյանի հետ հանդիպման ժամանակ Վ. Բրյուսովի անվան ԵՊԼՀ-ի ուսանողները մի շարք հարցեր էին պատրաստել՝ կապված Սուրեն Զոլյանին տրված նկատողությունների եւ նրա հեռացման հետ: Հանդիպումը նախատեսված էր բուհի դահլիճում, սակայն ուսանողները չափազանց շատ էին եւ բոլորը չէին տեղավորվում դահլիճում: Նրանք պահանջում էին, որ նախարարն իջնի եւ բակում պատրաստված խոսափողների մոտ պատասխանի բոլորի հարցերին:
Երբ նախարարը մտավ դահլիճ, ուսանողներից մի քանիսը խնդրեցին նրան իջնել եւ դրսում պատասխանել բոլորի հարցերին:
Նախարարը, սակայն, բարձրացավ բեմ եւ պատրաստվում էր պատասխանել դահլիճում գտնվող ուսանողների հարցերին «եւ մնալ բուհում մինչեւ նրանց վերջին հարցը»:
Հետո բուհի ռեկտորի ժամանակավոր պաշտոնակատար նշանակված Գաբրիել Բալայանն ասաց. - «Հասկանում եմ, որ բոլորի համար շատ հետաքրքիր հանդիպում է լինելու, սակայն խնդրում եմ այն ուսանողներին, ովքեր մեր ուսանողները չեն, իսկ ես տեսնում եմ, որ զգալի մասը մեր ուսանողները չեն, իրենց տեղը զիջեն մեր ուսանողներին»:
Ուսանողներից շատերը նույնպես նշում էին, որ դահլիճում գտնվողների մի մասը ԵՊԼՀ-ի ուսանողներ չեն:
Բազմաթիվ խնդրանքներից հետո նախարարը համաձայնեց ուսանողների հետ հանդիպել դրսում, բայց կարճ ժամանակ անց հանդիպումն ընդհատվեց, քանի որ ուսանողները հետեւեցին Նարեկ Սամսոնյանին ու նրան բաժանմունք տանող ոստիկաններին:
