«Բարգավաճ Հայաստան» կուսակցությունը նախընտրական քարոզարշավի շրջանակներում հինգշաբթի օրը Լոռու մարզում էր:
Ալավերդի քաղաքում ԲՀԿ առաջնորդ Գագիկ Ծառուկյանը ընտրողներին հորդորեց մայիսի 6-ին գնալ ընտրություն եւ ձայնը տալ նրան, ում հավատում են, ում գործը տեսել են:
«Մեկ օր է, գնացեք մասնակցեք, ձեր ձայնը տվեք նրան, ում վստահում եք, ում հետ հույս եք կապում: Ճարտար խոսելուն մի նայեք, բոլորն էլ ճարտար, գեղեցիկ [խոսում են]… կյանքում հազար դոլար չեն աշխատել, բայց միլիարդներից են խոսում կամ ասում են` բոլոր թոշակները միանգամից կտան, ավանդները մի րոպեում կտան: Պետք է խոսենք բյուջեի սահմաններում, ինձ ճիշտ հասկացեք», - ասաց Ծառուկյանը:
ԲՀԿ առաջնորդն ասաց` ժողովրդից է կախված իր ապագան:
«Եթե դուք իրեն ձայն եք տալիս, նա պարտավորվածություն ունի ծառայելու ձեզ, ձեր քաղաքին, ձեր ժողովրդին, որովհետեւ դա իր հոր սեփականությունը չէ, չի կարելի այդպես: Դուք պետք է կարողանաք ձեր իրավունքներին տիրապետել եւ պահանջողի դերում լինել: Այնպես, որ նորից եմ ասում, ձեզնից է կախված, թե ձեր առաջիկա հինգ տարիները ինչպես եք ապրելու, ինչ կառավարություն եք ունենալու եւ ինչ հնարավորություններ են ձեզ տրվելու, ինչ ուշադրություն է դարձվելու», - ասաց նա:
Ինչպես Ալավերդիում, այնպես էլ Դիլիջանում Ծառուկյանը նշեց, որ ինքը անկեղծ է ժողովրդի հետ եւ ոսկե սարեր չի խոստանում:
«Ես խոսելու եմ անկեղծ, որ ձեզ համար համ հասկանալի լինի, համ ընկալելի լինի: Պարոն Ծառուկյանը քաղաքականության մեջ մտնել է ոչ թե իր անձնականի համար, պաշտոն ստանալու, գումար դիզելու համար, այլ իր երեխաների ապագայի համար, մեր երկրի, մեր ժողովրդի համար», - ասաց նա:
Ծառուկյանը նաեւ խոսեց ԲՀԿ-ի նախընտրական ծրագրի մասին` նշելով, որ այն անդրադառնում է բոլոր ոլորտներին, սակայն առաջնայինը մարդկանց զբաղվածության խնդիրը լուծելն է: Նա նաեւ վստահեցրեց, որ ԲՀԿ-ի թիմը ծանոթ-բարեկամով չի հավաքվել, նրանց միավորում են գաղափարները, եւ նրանք պատրաստակամ են աշխատել ժողովրդի ապագան բարեկեցիկ դարձնելու համար:
«Մեր ծրագիրը ոչ թե օդից է վերցված, այլ ժողովրդի վիճակից ելնելով է վերցված` սկսած թոշակից, ավանդներից, ուսանողից, աշխատողից, ծառայողից, թոշակառուից: Հնարավորության դեպքում առաջին երեք ամսվա ընթացքում դուք դա օր օրի կզգաք, որովհետեւ կա սկզբունք, կա ծրագիր», - ասաց Ծառուկյանը:
«Ազատություն» ռադիոկայանի հետ զրույցում հավաքվածներից ոմանք նշեցին, որ թեեւ չունեն ԲՀԿ-ի անդամատոմս, սակայն համակրում են հենց այս կուսակցությանը: Հանդիպմանը եկել էին ինչպես կուսակցականներ, այնպես էլ քաղաքականությամբ հետաքրքրվողներ:
«Ոչ մի կուսակցություն ոչ մեկին օգնություն ցույց չի տալիս, բայց Գագիկ Ծառուկյանը բոլորին էլ օգնում է», - ասաց տարեց մի մարդ:
Հանդիպման վերջում, ինչպես մյուս վայրերում, Ալավերդիում մի շարք քաղաքացիներ իրենց նամակները հանձնեցին ԲՀԿ առաջնորդին:
Ալավերդի քաղաքում ԲՀԿ առաջնորդ Գագիկ Ծառուկյանը ընտրողներին հորդորեց մայիսի 6-ին գնալ ընտրություն եւ ձայնը տալ նրան, ում հավատում են, ում գործը տեսել են:
«Մեկ օր է, գնացեք մասնակցեք, ձեր ձայնը տվեք նրան, ում վստահում եք, ում հետ հույս եք կապում: Ճարտար խոսելուն մի նայեք, բոլորն էլ ճարտար, գեղեցիկ [խոսում են]… կյանքում հազար դոլար չեն աշխատել, բայց միլիարդներից են խոսում կամ ասում են` բոլոր թոշակները միանգամից կտան, ավանդները մի րոպեում կտան: Պետք է խոսենք բյուջեի սահմաններում, ինձ ճիշտ հասկացեք», - ասաց Ծառուկյանը:
ԲՀԿ առաջնորդն ասաց` ժողովրդից է կախված իր ապագան:
«Եթե դուք իրեն ձայն եք տալիս, նա պարտավորվածություն ունի ծառայելու ձեզ, ձեր քաղաքին, ձեր ժողովրդին, որովհետեւ դա իր հոր սեփականությունը չէ, չի կարելի այդպես: Դուք պետք է կարողանաք ձեր իրավունքներին տիրապետել եւ պահանջողի դերում լինել: Այնպես, որ նորից եմ ասում, ձեզնից է կախված, թե ձեր առաջիկա հինգ տարիները ինչպես եք ապրելու, ինչ կառավարություն եք ունենալու եւ ինչ հնարավորություններ են ձեզ տրվելու, ինչ ուշադրություն է դարձվելու», - ասաց նա:
Ինչպես Ալավերդիում, այնպես էլ Դիլիջանում Ծառուկյանը նշեց, որ ինքը անկեղծ է ժողովրդի հետ եւ ոսկե սարեր չի խոստանում:
«Ես խոսելու եմ անկեղծ, որ ձեզ համար համ հասկանալի լինի, համ ընկալելի լինի: Պարոն Ծառուկյանը քաղաքականության մեջ մտնել է ոչ թե իր անձնականի համար, պաշտոն ստանալու, գումար դիզելու համար, այլ իր երեխաների ապագայի համար, մեր երկրի, մեր ժողովրդի համար», - ասաց նա:
Ծառուկյանը նաեւ խոսեց ԲՀԿ-ի նախընտրական ծրագրի մասին` նշելով, որ այն անդրադառնում է բոլոր ոլորտներին, սակայն առաջնայինը մարդկանց զբաղվածության խնդիրը լուծելն է: Նա նաեւ վստահեցրեց, որ ԲՀԿ-ի թիմը ծանոթ-բարեկամով չի հավաքվել, նրանց միավորում են գաղափարները, եւ նրանք պատրաստակամ են աշխատել ժողովրդի ապագան բարեկեցիկ դարձնելու համար:
«Մեր ծրագիրը ոչ թե օդից է վերցված, այլ ժողովրդի վիճակից ելնելով է վերցված` սկսած թոշակից, ավանդներից, ուսանողից, աշխատողից, ծառայողից, թոշակառուից: Հնարավորության դեպքում առաջին երեք ամսվա ընթացքում դուք դա օր օրի կզգաք, որովհետեւ կա սկզբունք, կա ծրագիր», - ասաց Ծառուկյանը:
«Ազատություն» ռադիոկայանի հետ զրույցում հավաքվածներից ոմանք նշեցին, որ թեեւ չունեն ԲՀԿ-ի անդամատոմս, սակայն համակրում են հենց այս կուսակցությանը: Հանդիպմանը եկել էին ինչպես կուսակցականներ, այնպես էլ քաղաքականությամբ հետաքրքրվողներ:
«Ոչ մի կուսակցություն ոչ մեկին օգնություն ցույց չի տալիս, բայց Գագիկ Ծառուկյանը բոլորին էլ օգնում է», - ասաց տարեց մի մարդ:
Հանդիպման վերջում, ինչպես մյուս վայրերում, Ալավերդիում մի շարք քաղաքացիներ իրենց նամակները հանձնեցին ԲՀԿ առաջնորդին:
