Ըստ Հայաստանի երիտասարդական հիմնադրամի անցկացրած ուսումնասիրությունների, «Մաքսլիբերթի»-ն ամենաբարձ վարկանիշն ունեցող երիտասարդական ռադիոհաղորդումն է:
Պարզ դարձան Հայաստանի երիտասարդական հիմնադրամի կողմից սահմանված Հայկյան մրցանակի 12 անվանակարգերի հաղթողների անունները: Մրցանակի արժանացան 2011թ. երիտասարդական տարբեր ոլորտներում իրենց լավագույնս դրսեւորած երիտասարդական եւ ուսանողական կառույցները։ Մրցանակակիրներին հանձնեցին խորհրդանշական արձանիկներ եւ հավաստագրեր։
Հայաստանի երիտասարդական հիմնադրամը ուսումնասիրել է 3 երիտասարդական ռադիոհաղորդումներ: Հարցումներ են կատարվել տարբեր բուհերի ուսանողների եւ առհասարակ երիտասարդների շրջանում, որոնց արդյունքում պարզվել է, որ «Մաքլիբերթի»-ն երիտասարդական ամենաբարձ վարկանիշ ունեցող ռադիոծրագիրն է:
Այսօր վարչապետ Տիգրան Սարգսյանը «Լավագույն երիտասարդական ծրագիր» անվանակարգի մրցանակը հանձնեց «Մաքլիբերթի»-ն՝ որպես երիտասարդական հարցերը լուսաբանած լավագույն ծրագիր: Հիշեցնենք, որ նույն մրցանակին «Մաքսլիբերթի» երիտասարդականն արժանացել էր նաեւ 2004 թվականին:
Նշեմ, որ իր գործունեության 10 տարիների ընթացքում «Մաքսլիբերթի»-ն մշտապես ուշադիր է եղել երիտասարդական խնդիրների նկատմամբ եւ հանդես է եկել դրանց առողջ քննադատությամբ, որի համար էլ արժանացել է բազմաթիվ մրցանակների, միջազգային՝ այդ թվում British Council-ի, UNICEF-ի եւ տեղական կազմակերպություններ կողմից:
Մրցանակակիրներից ԵՊՀ ուսանողական խորհրդի նախագահ Ցոլակ Ակոբյանը նշում է, որ Հայկյան մրցանակաբաշխության մասին իմացել է 2 ամիս առաջ:
Մրցանակակիրների մեծ մասը հարում էին Հայաստանի հանրապետական կուսակցությանը: Ցոլակը նշեց, որ դրա հիմնական պատճառներից մեկն այն է, որ ուսանողական խորհուրդները կուսակցական են:
Առաջին անգամ մրցանակ հանձնվեց նաեւ «Լավագույն երիտասարդական գիտական նվաճում» անվանակարգում: Մրցանակի արժանացավ ֆիզիկոս Արտյոմ Հովհանիսյանը: Նա մրցանակ ստացած սակավաթիվ անկուսակցականներից էր:
