Վերջին տարիներին առարկայի նկատմամբ պետական վերաբերմունքը կարծես փոխվել է, սակայն դա էլ բավարար չէ տարիների բացթողումը վերականգնելու համար:
Երեւանի թիվ 48 դպրոցի ֆիզկուլտուրայի ուսուցիչ Արամ Բաղդասարյանը «Մաքսլիբերթի»-ի հետ զրույցում պատմեց, որ դպրոցի մարզադահլիճը հիմնական վերանորոգման կարիք ունի. - «Դահլիճը շատ փոքր է, երկրորդ դահլիճի անհրաժեշտություն կա, գարնանն ու աշնանը աշխատում ենք պարապմունքներն անցկացնել դրսում, սակայն այնտեղ էլ վիճակը բարվոք չէ», - ասաց ուսուցիչը:
Մարզերի մի շարք դպրոցներում ձմռան ամիսներին ընդհանրապես ֆիզկուլտուրայի դասեր չեն անցկացնում ջեռուցման բացակայության պատճառով:
Երեւանի թիվ 48 դպրոցի դահլիճը ջեռուցվում է, սակայն, միեւնույն է, նման պայմաններում աշխատելը շատ դժվար է:
«Պետք է հատակը փոխվի, լուսավորության համակարգը, ապակիները, օդափոխության համակարգ տեղադրվի, իսկ մարզագույքի մասին չեմ խոսում: Պետությունը գույք չի տրամադրում, իսկ դպրոցի միջոցներով այդ ամենը անելը շատ դժվար է», - ասաց Բաղդասարյանը:
Դահլիճի փոքր լինելու պատճառով երեխաները եւս նախընտրում են դասերն անցկացնել դրսում:
Թիվ 19 դպրոցի մարզադահլիճը սեպտեմբերին վերանորոգվել է: Ֆիզկուլտուրայի ուսուցիչ Աշոտ Պապյանը նշեց, որ մոտ 15-20 միլիոն դրամ է ծախսվել դահլիճը վերանորոգելու համար: Փոխվել է հատակը, մարզագույքը, լուսավորությունը եւ այլն, այժմ ոչ միայն լիարժեք պարապմունքներ են անցկացնում, այլեւ միջդասարանային մրցումներ կազմակերպում:
Ե'վ մարզչները, ե'ւ աշակերտները նշում են, որ հատկապես ձմռան ամիսներին, երբ երեխաները իրենց օրը հիմնականում անցկացնում են հեռուստացույցի կամ համակարգչի առջեւ, առարկան շատ կարեւոր է եւ, կարելի է ասել, որ դասաժամերը բավարար չեն:
Երեւանի թիվ 48 դպրոցի ֆիզկուլտուրայի ուսուցիչ Արամ Բաղդասարյանը «Մաքսլիբերթի»-ի հետ զրույցում պատմեց, որ դպրոցի մարզադահլիճը հիմնական վերանորոգման կարիք ունի. - «Դահլիճը շատ փոքր է, երկրորդ դահլիճի անհրաժեշտություն կա, գարնանն ու աշնանը աշխատում ենք պարապմունքներն անցկացնել դրսում, սակայն այնտեղ էլ վիճակը բարվոք չէ», - ասաց ուսուցիչը:
Մարզերի մի շարք դպրոցներում ձմռան ամիսներին ընդհանրապես ֆիզկուլտուրայի դասեր չեն անցկացնում ջեռուցման բացակայության պատճառով:
Երեւանի թիվ 48 դպրոցի դահլիճը ջեռուցվում է, սակայն, միեւնույն է, նման պայմաններում աշխատելը շատ դժվար է:
«Պետք է հատակը փոխվի, լուսավորության համակարգը, ապակիները, օդափոխության համակարգ տեղադրվի, իսկ մարզագույքի մասին չեմ խոսում: Պետությունը գույք չի տրամադրում, իսկ դպրոցի միջոցներով այդ ամենը անելը շատ դժվար է», - ասաց Բաղդասարյանը:
Դահլիճի փոքր լինելու պատճառով երեխաները եւս նախընտրում են դասերն անցկացնել դրսում:
Թիվ 19 դպրոցի մարզադահլիճը սեպտեմբերին վերանորոգվել է: Ֆիզկուլտուրայի ուսուցիչ Աշոտ Պապյանը նշեց, որ մոտ 15-20 միլիոն դրամ է ծախսվել դահլիճը վերանորոգելու համար: Փոխվել է հատակը, մարզագույքը, լուսավորությունը եւ այլն, այժմ ոչ միայն լիարժեք պարապմունքներ են անցկացնում, այլեւ միջդասարանային մրցումներ կազմակերպում:
Ե'վ մարզչները, ե'ւ աշակերտները նշում են, որ հատկապես ձմռան ամիսներին, երբ երեխաները իրենց օրը հիմնականում անցկացնում են հեռուստացույցի կամ համակարգչի առջեւ, առարկան շատ կարեւոր է եւ, կարելի է ասել, որ դասաժամերը բավարար չեն: