«Կենգուրու» միջազգային մաթեմատիկական խաղ-մրցույթը Հայաստանում իրականացնում է «Այբ» կրթական հիմնադրամը: Մրցույթը միավորում է աշխարհի տարբեր ազգությունների աշակերտներին դպրոցական նստարանների առջեւ` լուծելու տրամաբանական, բանաձեւերի հատուկ իմացություն չպահանջող խնդիրներ:
Մարտի 18-ին 2 ժամվա ընթացքում տրամաբանել սիրող 39400 հայ աշակերտներ միաժամանակ կլուծեն նույն մաթեմատիկական խնդիրները: Նույն օրը շուրջ 50 երկրներում 5 մլն տարբեր ազգության դպրոցականներ կմտածեն նույն խնդիրների շուրջ:
