Նախագահ Սերժ Սարգսյանը անցան ամիս կոչ էր արել քաղաքական ու հասարակական կազմակերպություններին առաջարկություններ ներկայացնել համաներման վերաբերյալ, ինչին արդեն արձագանքել են մի շարք կազմակերպություններ: Ազգային ժողովի պատգամավորները «Ազատություն» ռադիոկայանի հետ զրույցներում տարբեր կարծիքներ են հնչեցնում ակնկալվող համաներման վերաբերյալ:
Մարտի 1-2-ի իրադարձություններն ուսումնասիրող ժամանակավոր խորհրդարանական հանձնաժողովի նախագահ, Ազգային ժողովի փոխնախագահ (ՀՀԿ) Սամվել Նիկոյանն ասաց, որ համաներումը, իր պատկերացմամբ, «կոնկրետ իրադարձությունների մատնանշումով չի լինելու», այլ «վերաբերելու է կոնկրետ հոդվածների»:
Հարցին, թե ինչո՞ւ է իշխանությունը հիմա դիմում համաներմանը միտված քայլերի, ՀՀԿ-ի փոխնախագահ, Ազգային ժողովի պատգամավոր Ռազմիկ Զոհրաբյանը պատասխանեց. - «Հանրապետական կուսակցությունը կոալիցիոն անդամների հետ միասին հաղթել են Ազգային ժողովի, նախագահական ընտրություններում, հաղթել են քաղաքապետարանի տեղական ընտրություններում: Համաներումը հենց նրա համար է, որ ժամանակ առ ժամանակ այն իշխանությունը, որը ինքն իրեն վստահ է զգում, պարտավոր է հասարակության վերաբերմունք ցույց տալ»:
Ազգային ժողովի նախկին խոսնակ, այժմ անկախ պատգամավոր Տիգրան Թորոսյանը, սակայն, բոլորովին այլ կերպ է մտածում. - «Ուղղակի վիրավորական կարող է լինել երկրում որեւէ կարեւոր որոշման ընդունումը կապել ավագանու ընտրություններից առաջ, հետո, քաղաքական լարվածություն թուլացնել եւ այլն… Այս ձեւակերպումները, չեմ կարծում, որ որեւէ կապ պիտի ունենան համաներման հետ»:
Թորոսյանը անընդունելի համարեց նաեւ Եվրախորհրդի խորհրդարանական վեհաժողովի նիստում Հայաստանի վերաբերյալ քննարմանն ընդառաջ համաներում հայտարարելը:
«Բարգավաճ Հայաստան» խմբակցության անդամ, Եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը այս կապակցությամբ ասաց. - «Ես չեմ ցանկանում որեւէ անմիջական կապ տեսնել, թե դա կհամընկնի ԵԽԽՎ-ի նստաշրջանի նախօրեին կամ կլինի նախօրեից հետո»:
Հարցին, թե համաներումը ինչ դերակատարություն կունենա ԵԽԽՎ-ում Հայաստանի հարցի քննարկման ժամանակ, Ռազմիկ Զոհրաբյանը արձագանքեց. - «Շատ դրական, որովհետեւ դա բխում է նաեւ ժողովրդավարության սկզբունքներից… Մենք գնում ենք դեպի բարեփոխումներ, դեպի մարդու իրավունքների հարգում, եւ համաներումը դրանցից մեկն է»:
Նախագահի վերջին ընտրություններին հաջորդած ընդդիմադիրների նկատմամբ դատավարությունները, ըստ «Ժառանգության» պատգամավոր Զարուհի Փոստանջյանի, ցույց տվեցին, թե Հայաստանը որքանով է հարգում մարդու իրավունքները. - «Արդար դատաքննություն՝ Եվրոպական կոնվենցիայի 6-րդ հոդվածի համատեքստում, Հայաստանում տեղի չունեցավ: Ազգային դատարանները, ընդհակառակը, հաշվեհարդար էին իրականացնում այս քաղաքացիների նկատմամբ, ովքեր ունեին այլ կարծիքներ, այլախոհ էին: Այս զգշացումս ես նաեւ հայտնել եմ Հովիկ Աբրահամյանին: Զգուշացնում եմ նաեւ Սերժ Սարգսյանին, որ համաներումը այս 50 անձի վրա պարտադիր պետք է տարածվի»:
Երեկ Հանրային խորհրդի անդամ Սոս Սարգսյանը «հանցագործ» որակումն օգտագործեց հետընտրական շրջանում ազատազրկված ընդդիմադիրների վերաբերյալ: Տիգրան Թորոսյանի բնութագրմամբ՝ համաներում հայտարարելու կապակցությամբ Սահմանադրությամբ համապատասխան լիազորություններ չունեցողների հետ քննարկումներն անտեղի են. - «Համատարած քննարկումները հիշեցնում են խորհրդային ժամանակները»:
Հայ հեղափոխական դաշնակցության խորհրդարանական խմբակցության ղեկավար Վահան Հովհաննիսյանի խոսքով, մինչդեռ, համաներումը «պետք է թուլացնի քաղաքական լարվածությունը». - «Համաներումը թեեւ իրավական ակտ է, բայց անպայման ունի նաեւ քաղաքական ենթատեքստ: Թե դա ինչպես կարտահայտվի, ես հիմա չգիտեմ»:
Հարցին, թե ինչու է Սերժ Սարգսյանը համաներում հայտարարելու կապակցությամբ դիմում հասարակական կազմակերպություններին, Ռազմիկ Զոհրաբյանը արձագանքեց. - «Նախագահ Սերժ Սարգսյանը հենց ինքը ժողովրդավար է, դրա համար էլ դիմում է ժողովրդին»:
«Ժառանգություն» խմբակցության պատգամավոր Զարուհի Փոստանջյանի համոզմամբ, համաներումը պետք է անպայման տարածվի նախագահական վերջին ընտրությունների կապակցությամբ ազատազրկված բոլոր անձանց վրա:
«Ես կարծում եմ, որ սա [համաներման հարցով հասարակությանը դիմելը] իր [նախագահ Սարգսյանի] կողմից դերասանություն է: Որեւիցե մի նախագահ կարիքը չունի նման ինչ-որ Հանրային խորհրդի կարծիքի», - ասաց Փոստանջյանը:
Մարտի 1-2-ի իրադարձություններն ուսումնասիրող ժամանակավոր խորհրդարանական հանձնաժողովի նախագահ, Ազգային ժողովի փոխնախագահ (ՀՀԿ) Սամվել Նիկոյանն ասաց, որ համաներումը, իր պատկերացմամբ, «կոնկրետ իրադարձությունների մատնանշումով չի լինելու», այլ «վերաբերելու է կոնկրետ հոդվածների»:
Հարցին, թե ինչո՞ւ է իշխանությունը հիմա դիմում համաներմանը միտված քայլերի, ՀՀԿ-ի փոխնախագահ, Ազգային ժողովի պատգամավոր Ռազմիկ Զոհրաբյանը պատասխանեց. - «Հանրապետական կուսակցությունը կոալիցիոն անդամների հետ միասին հաղթել են Ազգային ժողովի, նախագահական ընտրություններում, հաղթել են քաղաքապետարանի տեղական ընտրություններում: Համաներումը հենց նրա համար է, որ ժամանակ առ ժամանակ այն իշխանությունը, որը ինքն իրեն վստահ է զգում, պարտավոր է հասարակության վերաբերմունք ցույց տալ»:
Ազգային ժողովի նախկին խոսնակ, այժմ անկախ պատգամավոր Տիգրան Թորոսյանը, սակայն, բոլորովին այլ կերպ է մտածում. - «Ուղղակի վիրավորական կարող է լինել երկրում որեւէ կարեւոր որոշման ընդունումը կապել ավագանու ընտրություններից առաջ, հետո, քաղաքական լարվածություն թուլացնել եւ այլն… Այս ձեւակերպումները, չեմ կարծում, որ որեւէ կապ պիտի ունենան համաներման հետ»:
Թորոսյանը անընդունելի համարեց նաեւ Եվրախորհրդի խորհրդարանական վեհաժողովի նիստում Հայաստանի վերաբերյալ քննարմանն ընդառաջ համաներում հայտարարելը:
«Բարգավաճ Հայաստան» խմբակցության անդամ, Եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը այս կապակցությամբ ասաց. - «Ես չեմ ցանկանում որեւէ անմիջական կապ տեսնել, թե դա կհամընկնի ԵԽԽՎ-ի նստաշրջանի նախօրեին կամ կլինի նախօրեից հետո»:
Հարցին, թե համաներումը ինչ դերակատարություն կունենա ԵԽԽՎ-ում Հայաստանի հարցի քննարկման ժամանակ, Ռազմիկ Զոհրաբյանը արձագանքեց. - «Շատ դրական, որովհետեւ դա բխում է նաեւ ժողովրդավարության սկզբունքներից… Մենք գնում ենք դեպի բարեփոխումներ, դեպի մարդու իրավունքների հարգում, եւ համաներումը դրանցից մեկն է»:
Նախագահի վերջին ընտրություններին հաջորդած ընդդիմադիրների նկատմամբ դատավարությունները, ըստ «Ժառանգության» պատգամավոր Զարուհի Փոստանջյանի, ցույց տվեցին, թե Հայաստանը որքանով է հարգում մարդու իրավունքները. - «Արդար դատաքննություն՝ Եվրոպական կոնվենցիայի 6-րդ հոդվածի համատեքստում, Հայաստանում տեղի չունեցավ: Ազգային դատարանները, ընդհակառակը, հաշվեհարդար էին իրականացնում այս քաղաքացիների նկատմամբ, ովքեր ունեին այլ կարծիքներ, այլախոհ էին: Այս զգշացումս ես նաեւ հայտնել եմ Հովիկ Աբրահամյանին: Զգուշացնում եմ նաեւ Սերժ Սարգսյանին, որ համաներումը այս 50 անձի վրա պարտադիր պետք է տարածվի»:
Երեկ Հանրային խորհրդի անդամ Սոս Սարգսյանը «հանցագործ» որակումն օգտագործեց հետընտրական շրջանում ազատազրկված ընդդիմադիրների վերաբերյալ: Տիգրան Թորոսյանի բնութագրմամբ՝ համաներում հայտարարելու կապակցությամբ Սահմանադրությամբ համապատասխան լիազորություններ չունեցողների հետ քննարկումներն անտեղի են. - «Համատարած քննարկումները հիշեցնում են խորհրդային ժամանակները»:
Հայ հեղափոխական դաշնակցության խորհրդարանական խմբակցության ղեկավար Վահան Հովհաննիսյանի խոսքով, մինչդեռ, համաներումը «պետք է թուլացնի քաղաքական լարվածությունը». - «Համաներումը թեեւ իրավական ակտ է, բայց անպայման ունի նաեւ քաղաքական ենթատեքստ: Թե դա ինչպես կարտահայտվի, ես հիմա չգիտեմ»:
Հարցին, թե ինչու է Սերժ Սարգսյանը համաներում հայտարարելու կապակցությամբ դիմում հասարակական կազմակերպություններին, Ռազմիկ Զոհրաբյանը արձագանքեց. - «Նախագահ Սերժ Սարգսյանը հենց ինքը ժողովրդավար է, դրա համար էլ դիմում է ժողովրդին»:
«Ժառանգություն» խմբակցության պատգամավոր Զարուհի Փոստանջյանի համոզմամբ, համաներումը պետք է անպայման տարածվի նախագահական վերջին ընտրությունների կապակցությամբ ազատազրկված բոլոր անձանց վրա:
«Ես կարծում եմ, որ սա [համաներման հարցով հասարակությանը դիմելը] իր [նախագահ Սարգսյանի] կողմից դերասանություն է: Որեւիցե մի նախագահ կարիքը չունի նման ինչ-որ Հանրային խորհրդի կարծիքի», - ասաց Փոստանջյանը:
