Աշոտ Մելիքյան. «Ընտրությունները փորձություններ են լրատվամիջոցների համար»

Աշոտ Մելիքյանը անդրադարձավ դրանցից մեկին։ Ժամը 15-ին Մալաթիա-Սեբաստիա համայնքի 8/01 ընտրատեղամասում բռնություն է իրականացվել «Հայկական ժամանակ» օրաթերթի արտահաստիքային թղթակից Արթուր Հովակիմյանի նկատմամբ, երբ նա փորձել է նկարել լցոնման գործընթացը։

«Մենք տեսանք, թե ինչպես մի խումբ սափրագլուխներ շրջապատեցին «Հայկական ժամանակ» օրաթերթի արտահաստիքային թղթակցին եւ, պոկելով իր վրայից վկայականը, ձեռքից խլելով խցիկը, ասում էին՝ ի՞նչ ես անում, ո՞վ է քեզ թույլ տվել այստեղ նկարել: Իսկ լրագրողը փորձում էր նկարել լցոնման պրոցեսը», - ասաց Մելիքյանը՝ հավելելով, թե քանի դեռ Հայաստանում այս տիպի մարդիկ են վերահսկում իրավիճակը, դժվար թե մեր երկրում ազատ մամուլ, խոսքի ազատություն եւ ժողովրդավարություն լինի եւ մարդու իրավունքների պաշտպանության մեխանիզմներ ստեղծվեն։

Կոմիտեի փորձագետները նաեւ նկատեցին, որ արձանագրված 5 փաստերից 4-ը վերաբերում են կին լրագրողներին։

«Այս անգամ ավելի շատ այդ սափրագլուխները ծեծել են կանանց եւ աղջիկներին: Դա արդեն խոսում է դաստիարակության եւ տիրող բարքերի մասին», - ասաց Խոսքի ազատության պաշտպանության կոմիտեի նախագահ Աշոտ Մելիքյանը: