Այսօր կարդինալ Կամիլո Ռուինիի հանդիսապետությամբ Տրապիզոնում հիշատակի պատարագ է մատուցվել՝ նվիրված կաթոլիկ քահանա Անդրեա Սանտորոյի սպանության մեկամյա տարելիցին:
Սանտորոյի մոր եւ երկու քույրերի հետ ժամանելով Տրապիզոն՝ կարդինալ Ռուինին, մասնավորապես, ասել է. - «Հուսով եմ, այս պատարագը կնպաստի բարեկամության ամրապնդմանը եւ կմոտեցնի մեզ Աստծուն»:
«Ֆրանսպրես» գործակալության վկայությամբ, կաթոլիկ քահանային սպանած դեռահասի ծնողները պատարագի ժամանակ մտել են եկեղեցի եւ հանդիպել Սանտորոյի հարազատների հետ՝ իրենց ցավակցությունները փոխանցելով նրանց:
«Սանտորոյի ընտանիքի անդամները ասացին նրանց, որ կաղոթեն ինչպես Սանտորոյի, այնպես էլ տղայի համար», - պատմել է Տրապիզոնի քաղաքապետ Վոլքան Չանալիօղուն:
Անցյալ տարվա փետրվարի 5-ին 16-ամյա թուրք դեռահասը սպանեց Անդրեա Սանտորոյին, երբ քահանան ծնկաչոք աղոթում էր: Սպանության համար դեռահասը դատապարտվեց 18 տարվա ազատազրկման:
Կաթոլիկ քահանան սպանվեց այն օրերին, երբ մահմեդական աշխարհը վրդովված էր եվրոպական մի շարք թերթերում Մուհամեդ մարգարեի ծաղրանկարների տպագրության կապակցությամբ:
«Ասոշիեյթեդ փրես» գործակալությունը նշում է, որ Տրապիզոնը սեռեւուն ուշադրության կենտրոնում հայտնվեց այս տարվա հունվարի 19-ին «Ակոս» թերթի գլխավոր խմբագիր Հրանտ Դինքի սպանությունից հետո, երբ պարզվեց, որ սպանությունն իրականացրած 17-ամյա Օգյուն Սամասթը եւ իր գործակիցները սեւծովյան այդ քաղաքից են:
Դինքի սպանության գործով մինչ օրս կալանված է 8 մարդ, որոնք բոլորն էլ տրապիզոնցի ազգայնականներ են:
Սանտորոյի մոր եւ երկու քույրերի հետ ժամանելով Տրապիզոն՝ կարդինալ Ռուինին, մասնավորապես, ասել է. - «Հուսով եմ, այս պատարագը կնպաստի բարեկամության ամրապնդմանը եւ կմոտեցնի մեզ Աստծուն»:
«Ֆրանսպրես» գործակալության վկայությամբ, կաթոլիկ քահանային սպանած դեռահասի ծնողները պատարագի ժամանակ մտել են եկեղեցի եւ հանդիպել Սանտորոյի հարազատների հետ՝ իրենց ցավակցությունները փոխանցելով նրանց:
«Սանտորոյի ընտանիքի անդամները ասացին նրանց, որ կաղոթեն ինչպես Սանտորոյի, այնպես էլ տղայի համար», - պատմել է Տրապիզոնի քաղաքապետ Վոլքան Չանալիօղուն:
Անցյալ տարվա փետրվարի 5-ին 16-ամյա թուրք դեռահասը սպանեց Անդրեա Սանտորոյին, երբ քահանան ծնկաչոք աղոթում էր: Սպանության համար դեռահասը դատապարտվեց 18 տարվա ազատազրկման:
Կաթոլիկ քահանան սպանվեց այն օրերին, երբ մահմեդական աշխարհը վրդովված էր եվրոպական մի շարք թերթերում Մուհամեդ մարգարեի ծաղրանկարների տպագրության կապակցությամբ:
«Ասոշիեյթեդ փրես» գործակալությունը նշում է, որ Տրապիզոնը սեռեւուն ուշադրության կենտրոնում հայտնվեց այս տարվա հունվարի 19-ին «Ակոս» թերթի գլխավոր խմբագիր Հրանտ Դինքի սպանությունից հետո, երբ պարզվեց, որ սպանությունն իրականացրած 17-ամյա Օգյուն Սամասթը եւ իր գործակիցները սեւծովյան այդ քաղաքից են:
Դինքի սպանության գործով մինչ օրս կալանված է 8 մարդ, որոնք բոլորն էլ տրապիզոնցի ազգայնականներ են: