Հունգարիայի վարչապետ Վիկտոր Օրբանը ժամանել է Մոսկվա` Ռուսաստանի նախագահ Վլադիմիր Պուտինի հետ քննարկելու Ուկրաինայում հակամարտության կարգավորումը։ Այս մասին հայտնել է Հունգարիայի վարչապետի մամուլի խոսնակը, նշելով, որ Օրբանի այցը կատարվում է «խաղարարար առաքելության» շրջանակում։
Ռուսաստանի նախագահի խոսնակ Դմիտրի Պեսկովը հաստատեց, որ Կրեմլում շուտով կսկսվի Պուտինի հանդիպումը Օրբանի հետ, և բանակցությունների թեմաներից մեկը կլինի իրավիճակը Ուկրաինայում։
Հուլիսի 2-ին Օրբանը նախապես չհայտարարված այց էր կատարել Կիև, որտեղ Ուկրաինայի նախագահին առաջարկել էր դիտարկել հրադադար հաստատելու և Մոսկվայի հետ բանակցություններ սկսելու հնարավորությունը։
Այս տարվա երկրորդ կիսամյակում Հունգարիան նախագահում է Եվրոպական խորհուրդը։ Շառլ Միշելը երեկ ասել է, որ ռոտացիոն կարգով Եվրոպական խորհրդում Հունգարիայի նախագահությունը մանդատ չի տալիս Ռուսաստանի հետ շփվելու Եվրամիության անունից։
