Госьць на Свабодзе

11:29, 19 ліпень 2005
“Хуліган” Уладзімер Букоўскі – госьць беларускай Свабоды

Аляксей Знаткевіч, Прага “Абмянялі хулігана на Луіса Карвалана. Дзе б знайсьці такую б.....дзь, каб на Лёню абмяняць”.
23:10, 01 ліпень 2005
Стэфан Скот, адзіны перакладчык Васіля Быкава на швэдзкую мову – на беларускай Свабодзе

Аляксей Дзікавіцкі, Прага На швэдзкую мову перакладзены толькі адзін твор Васіля Быкава “Кар’ер”, па-швэдзку “Grustaget”. Кніга, якую пераклаў вядомы швэдзкі пісьменьнік, навуковец-славіст і журналіст Стэфан Скот яшчэ ў савецкія часы, атрымала бліскучыя рэцэнзіі, але прадавалася ня вельмі добра, бо Быкаў ня быў добра вядомы ў тагачаснай Швэцыі. Сёньняшні госьць на Свабодзе – Стэфан Скот, зь якім ў Стакгольме пра творчасьць Быкава, пераклад ягонага твору і асаблівасьці ягонага пісьменьніцкага таленту размаўляў наш карэспандэнт.
23:20, 30 чэрвень 2005
Легендарны савецкі палітвязень Натан Шчаранскі – на беларускай Свабодзе

Аляксей Знаткевіч, Прага У Савецкім Саюзе ён правёў дзевяць гадоў у зьняволеньні з абвінавачваньня ў дзяржаўнай здрадзе. Ён стаў першым палітычным вязьнем, якога вызвалілі з прыходам да ўлады Міхаіла Гарбачова. Эміграваўшы ў Ізраіль, Шчаранскі з часам узначаліў палітычную партыю выхадцаў з былога Савецкага Саюзу і быў міністрам у некалькіх урадах. Ягоную апошнюю кнігу прэзыдэнт ЗША Джордж Буш назваў абавязковай чытанкай для дзяржаўных дзеячаў. Натан Шчаранскі – у чарговай перадачы з сэрыі “Госьць на “Свабодзе”.
22:07, 24 травень 2005
БГ, "Сплин" і "Lady Pank" – на беларускай Свабодзе (real audio)

Аляксей Знаткевіч, Прага, і Аляксей Дзікавіцкі, Варшава Новая перадача сэрыі “Госьць на Свабодзе”. Сёньня – другі выпуск, прысьвечаны адносінам паміж палітыкай і рок-музыкай. У перадачы гучаць меркаваньні Аляксандра Васільева і Барыса Грабеншчыкова з расейскіх гуртоў “Сплин” і “Аквариум”, ды Януша Панасэвіча з польскага гурту “Lady Pank”.
17:37, 10 травень 2005
Рок-музыка і палітыка

Аляксей Знаткевіч, Прага Тэма сёньняшняга выпуску – адносіны паміж палітыкай і рок-музыкай. Наш карэспандэнт гутарыў са Сьвятаславам Вакарчуком, сьпеваком украінскага гурту “Океан Эльзи”, і зь Лявонам Вольскім, лідэрам беларускага гурту NRM ды удзельнікам іншых музычных праектаў.
21:22, 26 сакавік 2005
Ноам Чомскі: “У любым грамадзтве інтэлектуал можа абраць для сябе ролю “дысыдэнта” альбо “камісара”

Найбольш вядомы лінгвіст 20-га стагодзьдзя, чые продкі жылі ў Беларусі, даў інтэрвію Радыё Свабода
21:35, 12 сакавік 2005
Юры Шаўчук: Мне не абыякава, якой будзе Беларусь

Аляксей Знаткевіч, Прага Новая перадача сэрыі “Госьць на Свабодзе”. Наш карэспандэнт Аляксей Знаткевіч гутарыў зь Юрыем Шаўчуком – лідэрам папулярнага расейскага рок-гурту “ДДТ”.
00:03, 04 сакавік 2005
Карла Дэль Понтэ ў гасьцях на беларускай Свабодзе

Аляксей Дзікавіцкі, Варшава Новая перадача сэрыі “Госьць на Свабодзе”
19:36, 05 люты 2005
Стыў Форбс: “Калі нехта абяцае пабудаваць “рай на зямлі”, трэба памятаць, што тут адзін крок да пекла”

Аляксей Дзікавіцкі, Варшава Госьць Свабоды – Стыў Форбс: мільярдэр, дырэктар выдавецкай карпарацыі “Форбс” і галоўны рэдактар прэстыжнага амэрыканскага часопісу “Форбс”, які часам называюць “Бібліяй амэрыканскіх бізнэсоўцаў”.
01:10, 31 студзень 2005
Шатляндзкі рок-гурт Nazareth – на беларускай Свабодзе

Аляксей Дзікавіцкі, Варшава Шатляндзкі рок-гурт Nazareth адсьвяткаваў 35-годзьдзе свайго існаваньня. І хаця музыкам-заснавальнікам гэтага гурту ўжо пад шэсьцьдзесят, Nazareth працягвае пасьпяхова гастраляваць – нярэдка на іх канцэрты прыходзяць цэлыя сем’і – нават дзяды з унукамі. Зь лідэрам Nazareth, Дэнам Маккафэрці размаўляў наш карэспандэнт. Сярод іншых пытаньняў: ці памятае Маккафэрці пра канцэрт у палацы спорту на праспэкце Машэрава?
15:19, 17 студзень 2005
Кандыдат на прэзыдэнта ЗША Ральф Нэйдэр – на беларускай Свабодзе

Аляксей Знаткевіч, Прага Аналітыкі гавораць, што ён дапамог Джорджу Бушу абрацца прэзыдэнтам ЗША ў 2000 годзе. Сам ён кажа, што ня бачыць асаблівай розьніцы паміж дзьвюма асноўнымі партыямі ЗША. Кампанія “Джэнэрал мотарс” наймала прыватных дэтэктываў, каб знайсьці на яго кампрамат. У выніку прэзыдэнту “Джэнэрал мотарс” давялося публічна прасіць прабачэньня. Ён – мільянэр, які прынцыпова не карыстаецца крэдытнымі карткамі і трыццаць гадоў хадзіў у ботах з часоў сваёй службы ў войску. Амэрыканскі юрыст і палітык Ральф Нэйдэр – у гасьцях беларускай Свабоды.
00:16, 04 студзень 2005
Былая міністарка дэмакратыі: “У нас – швэдаў і беларусаў – супольная будучыня”

Аляксей Дзікавіцкі, Стакгольм У часе візыту ў Швэцыю нечаканасьцю для мяне было тое, што ў гэтай краіне існуе Міністэрства дэмакратыі. Поўны назоў – Міністэрства дэмакратыі, інтэграцыі і гендэрнай роўнасьці. Яшчэ большай нечаканасьцю было тое, што заснаванае гэтае міністэрства было зусім не на пачатку швэдзкага шляху да дэмакратыі, але ў 1996 годзе. Здавалася б, Швэцыя ў гэтым сэнсе – прыклад для дзясяткаў краінаў. Тут кожны грамадзянін мае права патрабаваць тлумачэньняў, чаму тое ці іншае міністэрства зрабіла так а не іначай, ва ўрадзе палова жанчынаў, а ў парлямэнце каля ўваходу ляжаць брашуры дзе паведамляецца, колькі зарабляе дэпутат, як яго можна кантраляваць і гэтак далей. Навошта ў гэтай краіне 8 гадоў таму было створанае міністэрства дэмакратыі? Чым яно займаецца?
00:27, 23 сьнежань 2004
Леанід Краўчук на Свабодзе

Вольга Караткевіч, Прага Першы прэзыдэнт Украіны (1991-1994), адзін з трох “белавескіх зуброў”, цяпер паплечнік кандыдата на пасаду прэзыдэнта Ўкраіны Віктара Януковіча Леанід Краўчук. Ён адказаў на пытаньні аб важнасьці незалежнасьці й непадзельнасьці Ўкраіны, пра сваю трансфармацыю ад партыйнага ідэоляга да незалежніка, аб ролі Расеі й вобразе беларускіх уладаў, выказаў сваю апінію пра Пуціна, Лукашэнку, беларускую сытуацыю.
00:23, 04 сьнежань 2004
Лех Валэнса – на беларускай Свабодзе (частка другая)

Аляксей Дзікавіцкі, Варшава Лех Валэнса – легендарны лідэр “Салідарнасьці”, сымбаль дэмакратычных пераменаў у Эўропе, ляўрэат Нобэлеўскай узнагароды міру і першы дэмакратычна абраны прэзыдэнт Польшчы. Чалавек, які прадстаўляў у часе апошняй алімпіяды ўвесь эўрапейскі кантынэнт, а ў часе пашырэньня Эўразьвязу сёлета ў траўні – усе 10 новых краінаў-сябраў. Пра свой шлях да палітычнай дзейнасьці, пра ўласныя памылкі і перамогі, пра сваё стаўленьне да цяперашняга беларускага кіраўніка, Лех Валэнса гаворыць у эксклюзіўным інтэрвію для Радыё Свабода. Новая перадача сэрыі “Госьць на Свабодзе”.
00:21, 20 лістапад 2004
Лех Валэнса – на беларускай Свабодзе

Аляксей Дзікавіцкі, Варшава Лех Валэнса – легендарны лідэр “Салідарнасьці”, сымбаль дэмакратычных пераменаў у Эўропе, ляўрэат Нобэлеўскай узнагароды міру і першы дэмакратычна абраны прэзыдэнт Польшчы. Чалавек, які прадстаўляў у часе апошняй алімпіяды ўвесь эўрапейскі кантынэнт, а ў часе пашырэньня Эўразьвязу сёлета ў траўні – усе 10 новых краінаў-сябраў. Пра свой шлях да палітычнай дзейнасьці, пра ўласныя памылкі і перамогі, пра сваё стаўленьне да цяперашняга беларускага кіраўніка, Лех Валэнса гаворыць у эксклюзіўным інтэрвію для Радыё Свабода.
00:20, 11 лістапад 2004
Прагнозы Фрэнсыса Фукуямы (частка другая)

Аляксей Знаткевіч, Прага Фрэнсыс Фукуяма – адзін з найбольш вядомых сучасных палітолягаў і філёзафаў. Два тыдні таму на нашых хвалях гучалі прагнозы гэтага амэрыканскага дасьледчыка наконт магчымага ўплыву біятэхналёгіяў на прыроду чалавека. Сёньня у перадачы якую падрыхтаваў Аляксей Знаткевіч гучыць працяг інтэрвію Фрэнсыса Фукуямы беларускай “Свабодзе”.
00:14, 30 кастрычнік 2004
Будучыня біятэхналёгіяў – трывожныя прагнозы Фрэнсыса Фукуямы

Аляксей Знаткевіч, Прага Фрэнсыс Фукуяма стаўся адным з найбольш вядомых палітолягаў і філёзафаў канца 20-га стагодзьдзя пасьля публікацыі кнігі “Канец гісторыі і апошні чалавек”. Ад часу публікацыі шмат хто крытыкаваў галоўную тэзу гэтай кнігі – пра тое, што лібэральнай дэмакратыі ў сучасным сьвеце не засталося альтэрнатываў. На пачатку 21-га стагодзьдзя Фукуяма сам паставіў пад сумнеў свае ранейшыя цьверджаньні. Аднак, на ягоную думку, галоўныя выклікі найбольш прасунутым грамадзтвам хутка кінуць не старыя радыкальныя ідэалёгіі, такія як камунізм ці фашызм, і нават не ісламскі фундамэнталізм. Ён папярэджвае, што сучасныя біятэхналёгіі могуць зьмяніць прыроду чалавека і прывесьці да нечаканых і небясьпечных зьменаў у грамадзтве. Пра трывожныя прагнозы амэрыканскага дасьледчыка – у перадачы, якую падрыхтаваў Аляксей Знаткевіч. У перадачы гучаць фрагмэнты інтэрвію Фрэнсыса Фукуямы беларускай “Свабодзе” і ўрыўкі зь ягонай кнігі “Наша пост-чалавечая будучыня”.
23:10, 31 травень 2004
Форум зь Зянонам Пазьняком

RFE/RL Зянон Пазьняк Зянон Пазьняк нарадзіўся 24 красавіка 1944 г. у мястэчку Суботнікі Іўеўскага раёну Гарадзенскай вобласьці. У 1967 годзе скончыў Беларускую мастацкую акадэмію, кандыдат мастацтвазнаўства. У 1969 годзе надрукаваў артыкул у абарону забудовы гістарычнага цэнтру Менску. Падвяргаўся перасьледу камуністычных уладаў. У 1988 годзе адкрыў Курапаты – месца масавых расстрэлаў сотняў тысячаў ахвяраў камуністычнага генацыду 1937-1941 гг. У кастрычніку 1988 – заснавальнік мэмарыяльнага таварыства “Мартыралёг Беларусі” і Беларускага Народнага Фронту. З 1989 года – старшыня Беларускага Народнага Фронту “Адраджэньне” (з 1999 – старшыня грамадзкай арганізацыі “Беларускі Народны Фронт “Адраджэньне” і Кансэрватыўна-Хрысьціянскай партыі – БНФ). З сакавіка 1990 года па студзень 1996 – дэпутат Вярхоўнага Савету Беларусі 12-ага скліканьня, старшыня парлямэнцкай апазыцыі БНФ. У 1994 года быў кандыдатам у прэзыдэнты Рэспублікі Беларусь. У жніўні 1996 г. атрымаў палітычны прытулак у ЗША.
23:07, 31 травень 2004
Форум з Уладзімерам Арловым

RFE/RL Уладзімер Арлоў Нарадзіўся 25 жніўня 1953 у Полацку. Скончыў гістарычны факультэт Беларускага дзяржаўнага ўнівэрсытэту, удзельнічаў у самвыдатаўскіх альманахах "Мілавіца" і "Блакітны ліхтар". Першая кніга выйшла ў 1986 годзе. Аўтар больш як дваццаці кніг прозы, паэзіі, эсэ і гістарычных нарысаў. Узнагароджаны мэдалём Францішка Скарыны (1991) , ляўрэат Літаратурнай прэміі імя Францішка Багушэвіча Беларускага ПЭH-цэнтру. З 1988 году сябра Рады "Мартыралёгу Беларусі". Пасьля ўтварэньня БНФ, 30 кастрычніка 1988 году, разам зь Зянонам Пазьняком выступіў падчас мітынгу ў Курапатах, які быў жорстка разагнаны міліцыяй. Творы перакладзеныя на дваццаць пяць моваў. Любімыя заняткі: езьдзіць у Полацак і па ўсім сьвеце, гутарыць зь сябрамі за шклянкай чырвонага віна, сьмяяцца з таго, што сьмеху варта. Увага: Аўтары трох найцікавейшых пытаньняў атрымаюць кнігі з аўтографам. Не забывайце пазначаць свой адрас электроннай пошты, каб мы змаглі паведаміць вам, калі вы выйграеце кнігу з аўтографам.

Лінкі ўнівэрсальнага доступу

Сачыце за абнаўленьнямі

Госьць на Свабодзе

“Хуліган” Уладзімер Букоўскі – госьць беларускай Свабоды

Стэфан Скот, адзіны перакладчык Васіля Быкава на швэдзкую мову – на беларускай Свабодзе

Легендарны савецкі палітвязень Натан Шчаранскі – на беларускай Свабодзе

БГ, "Сплин" і "Lady Pank" – на беларускай Свабодзе (real audio)

Рок-музыка і палітыка

Ноам Чомскі: “У любым грамадзтве інтэлектуал можа абраць для сябе ролю “дысыдэнта” альбо “камісара”

Юры Шаўчук: Мне не абыякава, якой будзе Беларусь

Карла Дэль Понтэ ў гасьцях на беларускай Свабодзе

Стыў Форбс: “Калі нехта абяцае пабудаваць “рай на зямлі”, трэба памятаць, што тут адзін крок да пекла”

Шатляндзкі рок-гурт Nazareth – на беларускай Свабодзе

Кандыдат на прэзыдэнта ЗША Ральф Нэйдэр – на беларускай Свабодзе

Былая міністарка дэмакратыі: “У нас – швэдаў і беларусаў – супольная будучыня”

Леанід Краўчук на Свабодзе

Лех Валэнса – на беларускай Свабодзе (частка другая)

Лех Валэнса – на беларускай Свабодзе

Прагнозы Фрэнсыса Фукуямы (частка другая)

Будучыня біятэхналёгіяў – трывожныя прагнозы Фрэнсыса Фукуямы

Форум зь Зянонам Пазьняком

Форум з Уладзімерам Арловым