Відэа

Ці рэальна вярнуць беларусам цягнік на Вільню

25 траўня пачнуцца выбары ў Каардынацыйную раду. Сёньня з намі Яўген Дудкін, сьпіс нумар 1, ён называецца «Салідарнасьць» і аб’ядноўвае шэраг актывістаў з Народнай Грамады і Беларускай Хрысціянскай Дэмакратыі. А таксама Ліза Пракопчык, сьпіс нумар 12, «Моладзевы наступ».

Чаго хоча моладзь, якая ідзе ў Каардынацыйную Раду

25 траўня пачнуцца выбары ў Каардынацыйную раду. Да ўдзелу ў іх дапусьцілі 12 сьпісаў, якія налічваюць 265 кандыдатаў. Сёньня дыскутуюць Яўген Дудкін са сьпісу «Салідарнасьць», які аб’ядноўвае шэраг актывістаў з Народнай Грамады і БХД. А таксама Ліза Пракопчык са сьпісу «Моладзевы наступ».

Што насамрэч сьвяткуе Лукашэнка ў Маскве

Лукашэнка адзначаў 9 траўня ў Маскве на парадзе, дзе маршам прайшлі ў тым ліку ўдзельнікі расейскага ўварваньня ва Ўкраіну. Тым часам прарасейскія сілы Беларусі правялі шэсьці «Несьмяротны полк» у абласных гарадах.

Як Каардынацыйная рада хоча вырашаць праблемы беларусаў?

25 траўня пачнуцца выбары ў Каардынацыйную раду. Сёньня з намі Роза Турарбекава, сьпіс нумар 4 — «Наша справа». А таксама Аляксандар Ракіцкі, сьпіс нумар 5 — «Закон і правапарадак».

Хто перапісвае гісторыю вайны

У Беларусі Дзень Перамогі – гэта або разборкі Лукашэнкі са сваімі непрыяцелямі, або пляскі як на вясельлі. Або крыўды і абвінавачваньні ў перапісваньні гісторыі. Дзьмітры Груневіч тлумачыць, ці ёсьць падстава ў гэтых крыўдаў і хто насамрэч перапісвае гісторыю?

«Сытуацыя ў Беларусі ня мае ваеннага рашэньня», — Валер Сахашчык

Ці сапраўды Беларусь рыхтуюць як пляцоўку для нападу на Літву? Ці могуць быць сілавыя сцэнары для зьмены ўлады ў Беларусі? Разважае Валеры Сахашчык, прадстаўнік Аб’яднанага пераходнага кабінэту ў абароне і нацыянальнай бясьпецы.

«Архіпэляг БЕЛАГ». ШЫЗА, ПКТ, катаваньні і сьмерці за кратамі

Новы падкаст Радыё Свабода пра тое, як Беларусь паступова ператвараюць у турму. Гэтая частка — пра восьмы круг пекла, куды сьвядома кідаюць палітвязьняў: штрафныя ізалятары, перавод у памяшканьне камэрнага тыпу, катаваньні за кратамі, сьвядомае неаказаньне мэдычнай дапамогі, сьмерці палітвязьняў.

Судзьдзя Шмыт: здраднік ці палітуцякач?

Польскі судзьдзя Томаш Шмыт зьбег у Беларусь і выступіў з заявамі ў падтрымку беларускіх уладаў. Што стаіць за гэтай гісторыяй? Пра гэта разважае журналіст тэлеканалу «Белсат» Міхал Кацэвіч.

Вынікі тыдня з Карбалевічам. Чаму беларусы пішуць даносы

Чаму людзі пішуць даносы адно на аднаго і як на гэтую зьяву ўплывае аўтарытарны рэжым? Навошта Лукашэнка наведвае пацярпелыя ад Чарнобылю рэгіёны? Якія паўнамоцтвы будуць мець абраныя чальцы Каардынацыйнай рады? Над гэтымі пытаньнямі разважае палітычны аглядальнік Радыё Свабода Валер Карбалевіч.

Выбары ў КР: Дабравольскі vs Губарэвіч

25 траўня пачнуцца выбары ў Каардынацыйную раду. Яны працягнуцца тры дні. Да ўдзелу ў выбарах у КР дапусьцілі 12 сьпісаў, зь іх будуць выбраныя 80 дэлегатаў. Да 25 траўня ў эфіры Свабоды вы пабачыце і пачуеце прадстаўнікоў усіх 12 сьпісаў.

Патэлефанавалі тым, хто даносіў у КДБ

«Кібэрпартызаны» узламалі сайт КДБ і выклалі базу зваротаў. Мы патэлефанавалі даносчыкам і пагаварылі зь імі пра тое, чаму ім не падабаецца бел-чырвона-белы сьцяг і ці не шкадуюць пра свае звароты.

Беларускім ІП не даюць жыцьця — эканамістка камэнтуе новыя абмежаваньні на прадпрымальніцтва

Да чаго прывядуць зьмены ў законах аб прадпрымальніцкай дзейнасьці? Ці шмат людзей могуць у выніку гэтых зьменаў страціць працу і як гэта паўплывае на эканоміку? Пра гэта разважае эканамістка з дасьледчага цэнтру BEROC Анастасія Лузгіна.

Юлія Міцкевіч пра тое, чаму жанчыны неахвотна ідуць у палітыку і праз што сыходзяць зь яе

Ці адкрыла лідэрства Сьвятланы Ціханоўскай дарогу жанчынам на пазыцыі, дзе прымаюць рашэньні? Адказвае сябра Кантактнай групы па Беларусі ў Радзе Эўропы, лідэрка фэмфракцыі 2-га складу Каардынацыйнай рады, гендэрная экспэртка Юлія Міцкевіч

Тлумачым з Гурневічам. Лукашэнка хоча замяніць беларусаў мігрантамі

На Беларусь ідзе катастрофа – у краіне неўзабавее ня будзе хапаць рабочых рук. Краіна штодзённа страчвае ня толькі рукі для працы і грошы, якія маглі б працаваць на беларусаў, але і мазгі. Дзьмітры Гурневіч тлумачыць, што адбываецца на рынку працы Беларусі.

«Архіпэляг БЕЛАГ». Жодзінская, магілёўская і горадзенская турмы

«Архіпэляг БЕЛАГ». Новы падкаст Радыё Свабода пра тое, як Беларусь паступова ператвараюць у турму. Гэтая частка прысьвечаная тром турмам Беларусі — у Горадні, Магілёве і Жодзіне, дзе ў надзвычай жорсткіх умовах трымаюць палітычных зьняволеных.

Гісторыі 90-гадовых беларусаў Аўстраліі, якія не забыліся на свае карані

Расказваем гісторыі Яўгеніі з-пад Слоніма, Мікалая і Галіны з Падляшша. Яны пражылі на зялёным кантынэнце больш, чым на радзіме, і ведаюць, як празь дзясяткі гадоў захаваць сваю мову і карані.

Пра тытулы і культ асобы Лукашэнкі на УНС, — Карбалевіч

24-25 красавіка ў Менску прайшоў «Усебеларускі народны сход». Лукашэнка быў абраны ягоным старшынём. Ён падводзіў вынікі свайго 30-гадовага кіраваньня і слухаў хваласьпеў дэлегатаў. Палітычны аглядальнік Свабода Валер Карбалевіч – пра атмасфэру і рашэньні сходу.

Рыгор Астапеня пра найбольшы выклік для дэмакратычных сіл

Якая новая палітычная сіла патрэбная беларусам? Хто у сыстэме ўлады супрацьстаіць прапагандыстам кшталту Азаронка і Мукавозчыка? Ці вартае вызваленьне аднаго палітвязьня скасаваньня ўсіх санкцыяў?

Як хвалілі Лукашэнку на УНС

Намэнклятура стварае культ асобы Лукашэнкі. Такога „хваласьпеву“, як на „Ўсебеларускім народным сходзе“, што адбыўся 25 красавіка, не было за ўсе папярэднія гады кіраваньня Лукашэнкі.

Навошта Лукашэнка пагражае сваякам палітэмігрантаў?

І больш пра вынікі першага пасяджэньня новага УНС.

Чаму «Ўсебеларускі народны сход» – унікальная для Эўропы гісторыя

У Менску прайшоў першы дзень так званага «Ўсебеларускага народнага сходу». Ён завершыцца 25 красавіка. Гэты орган, у які няма прамых выбараў, атрымаў пашыраныя паўнамоцтвы. І можа нават зьняць з пасады Лукашэнку. Але дзеля чаго сход насамрэч яму патрэбны?

Этапы і папраўчыя калёніі, прымусовая праца за кратамі

Свабода запускае чацьвёрты эпізод падкаст-сэрыялу «Архіпэляг БЕЛАГ», які расказвае пра карную сыстэму рэжыму Лукашэнкі. Гэтая частка — пра тое, як катуюць падчас этапаў, а таксама пра найбольш вядомыя калёніі Беларусі: гомельскую жаночую, наваполацкую і шклоўскую.

«Каардынацыйная рада нас можа зьдзівіць»

Ці выпадкова так званы «Ўсебеларускі народны сход» супадае з пачаткам выбараў у Каардынацыйную раду? Пра гэта гаворым з папулярнай блогеркай, віцэ-сьпікеркай 2-га складу Каардынацыйнай рады Вольгай Павук.

«За кратамі ва ўсім бачыш знакі, людзі за кратамі вераць у цуды»

Пра веру і вернікаў за кратамі расказвае прадстаўніца аб’яднаньня «Хрысьціянская візія» Натальля Васілевіч.

Офіс Ціханоўскай адказвае хэйтэрам

Чым займалася Ціханоўская на востраве Капры. І за чые грошы

Вольга Філатчанкава – пра калёнію, разлуку зь дзецьмі і вызваленьне

Чаму пры Лукашэнку раскрадаюць Беларусь

Паплечнік Бабарыкі: «Я на 100% згодны з Пазьняком»

У чым Іван Краўцоў згодны з Пазьняком і ў чым разыходзіцца з офісам Ціханоўскай?

Унікальныя сьведчаньні, як катуюць хатнім арыштам. Пекла «хіміі»

Свабода запускае трэці эпізод падкаст-сэрыялу «Архіпэляг БЕЛАГ», які расказвае пра карную сыстэму рэжыму Лукашэнкі. Гэтая частка прысьвечаная такім формам зьняволеньня, як хатні арышт і так званая «хімія» — «хатняя» і з накіраваньнем у папраўчую ўстанову адкрытага тыпу.

Украінскі відэаблогер BalaganOFF пра стаўленьне да беларусаў ва Ўкраіне

Як за адзін дзень атрымалася сабраць грошы на 100 дронаў для палка Каліноўскага, як ва Ўкраіне мянялася і мяняецца стаўленьне да беларусаў і да Лукашэнкі.

Хто пацярпеў ад санкцый больш: беларусы ці Лукашэнка? Дыскусія Лойкі і Кірылюка

Ці павялічваюць санкцыі залежнасьць Беларусі ад Расеі? Як яны могуць прывесьці да зьмены паводзінаў рэжыму Лукашэнкі? Як санкцыі могуць вызваліць палітвязьняў?

Як былы менчук ваюе добраахвотнікам у ізраільскай арміі

Ізраільцянін Аляксандар Фруман — ураджэнец Беларусі, які пайшоў добраахвотнікам у ізраільскае войска пасьля нападу ХАМАС, цяпер ён знаходзіцца на мяжы Ізраіля з Сырыяй.

Новыя дэталі ад Шклярава і Салея пра сустрэчу Лукашэнкі з палітвязьнямі ў «Амэрыканцы»

Пра знаходжаньне ў сьледчым ізалятары КДБ і сустрэчу з Лукашэнкам расказваюць паліттэхноляг Віталь Шкляраў і адвакат Ільля Салей.

Дзеля чаго Аляксандар Лукашэнка гэтым разам паехаў у Маскву?

Дзень касманаўтыкі, палёт беларускі Марыны Васілеўскай не выглядаюць важкімі нагодамі. Аднак цяперашняя сустрэча не выглядае плянавай, пра яе загадзя не паведамлялася. Што ж магло быць пільнай нагодай для ягонай цяперашняй сустрэчы з Уладзімірам Пуціным?

«Лукашэнка дзякаваў Пуціну за вайну»

Лукашэнка падчас візыту ў Маскву два дні заклікаў Украіну да перамоваў. Пуцін пагаджаецца з прапановамі Лукашэнкі. Ці сапраўды ў Крамлі гатовыя да перамоваў і якая роля ў іх адведзена Беларусі? Госьць Свабоды палітычны аналітык, выкладчык Карлавага ўнівэрсытэту (Прага) Аляксандар Марозаў.

Ці вераць літоўцы і палякі ў напад Расеі

Прэм'ер-міністар Польшчы Дональд Туск заявіў, што Эўропа ўваходзіць у «перадваенную эру». Аляксандар Лукашэнка кажа, што Беларусь рыхтуецца да вайны. Запыталіся ў жыхароў Вільні і Варшавы, што яны думаюць пра імавернасьць нападу Расеі.

Каго і чаму крытыкуе беларускі сапёр ва Ўкраіне

Госьць Ганны Соўсь – беларускі добраахвотнік з пазыўным «Пан Зубр», які змагаецца на баку Ўкраіны ад 2015 году, быў у складзе батальёну «Азоў», байцом тактычнай групы «Беларусь», палка Каліноўскага, а цяпер – у складзе Ўзброеных сілаў Украіны ў інжынэрных войсках сапёрам.

Моладзь уцякае за мяжу. Што робіць Лукашэнка

Сёлета 55 з паловай тысяч беларускіх адзінаццацікласьнікаў скончаць школы. Для іх ужо стартавала ўступная кампанія. З году ў год сярод маладых беларусаў расьце папулярнасьць замежных унівэрсытэтаў. Журналіст Дзьмітры Гурневіч паглядзеў, як беларускія ўлады спрабуюць затрымліваць маладых у Беларусі.

Навошта рэжым ваюе з усім беларускім?

Дэпутат Вадзім Гігін заявіў, што атрымлівае шмат зваротаў грамадзян, якія просяць зьмяніць назву вуліцы Кастуся Каліноўскага ў Менску. Як далёка могуць зайсьці ўлады сваімі антыбеларускімі акцыямі і якім будзе рэальны вынік іх дзейнасьці. Пра гэта разважае пісьменьнік і публіцыст Сяргей Дубавец.

Чым адрозьніваюцца сьледчыя ізалятары «Валадарка» і «Амэрыканка»

Гэта «Архіпэляг БЕЛАГ». Новы падкаст Радыё Свабода пра тое, як Беларусь паступова ператвараюць у турму. Гэтая частка прысьвечаная найбольш вядомым сьледчым ізалятарам у Менску, так званым «Валадарцы» і «Амэрыканцы».

Палёт у космас беларускі Васілеўскай – посьпех краіны, народу ці піяр Лукашэнкі?

Ці аб'яднае космас беларусаў? Гутарка зь пісьменьніцай Сьвятланай Курс

Кубілюс: каму выгадна пасварыць беларусаў і літоўцаў

Ці баяцца ў Літве нападу зь Беларусі і ці лічаць пагрозай беларусаў, якія прыехалі ў краіну? Ці можна нешта зрабіць, каб паміж дзьвюма краінамі не зьявілася «жалезная заслона»?

25 гадоў таму раптоўна памёр палітык Генадзь Карпенка

6 красавіка спаўняецца 25 гадоў з дня сьмерці палітыка і навукоўцы.

Лукашэнка заяўляе: «Мы рыхтуемся да вайны». Што зь ягоным іміджам як гаранта міру?

Лукашэнка заяўляе: «Мы рыхтуемся да вайны, я пра гэта кажу шчыра». Здавалася б, у такім разе слоган «Лукашэнка — гэта вайна» павінен быў трывала прычапіцца да яго. Аднак насамрэч усё больш складана і супярэчліва.

Закон, які не разьядноўвае беларусаў - пра што ён

Аляксандар Лукашэнка падпісаў закон «Аб адказным абыходжаньні з жывёламі». Ці зробіць гэты закон лепшым жыцьцё жывёлаў і людзей – разважае зоаактывістка Ганна Гурына, якая доўгі час займаецца абаронай жывёлаў.

Чым беларуская турэмная сыстэма падобная да савецкага ГУЛАГу

2 красавіка на ўсіх плятформах Радыё Свабода стартаваў падкаст «Архіпэляг БЕЛАГ», пра тое, як Беларусь ператвараюць у турму. Гутарка з аўтаркай падкасту Ганнай Соўсь.

Ці этычна апазыцыянэру быць багатым?

Дарадца Сьвятланы Ціханоўскай Франак Вячорка расказаў пра свой гадзіньнік, які ацанілі ў 5 тысяч даляраў. Паводле Вячоркі, гэты гадзіньнік яму даўно падарыў беларускі бізнэсовец. Якія стасункі дапушчальныя паміж дэмакратычнымі палітыкамі і бізнэсам?

Што засталося ад незалежнасьці Беларусі?

2 красавіка 1996 году Ельцын і Лукашэнка падпісалі дамову аб стварэньні супольнасьці Расеі і Беларусі. Што засталося ад незалежнасьці Беларусі і ці існуе насамрэч так званая саюзная дзяржава?

Затрыманьне і гвалт у кабінэтах ГУБАЗіКу і КДБ. Катавальня Акрэсьціна

«Архіпэляг БЕЛАГ». Новы падкаст Радыё Свабода пра тое, як Беларусь паступова ператвараюць у турму. У гэтай частцы мы правядзем вас празь першы і другі кругі пекла: затрыманьне, гвалт у кабінэтах ГУБАЗіКу і КДБ, катавальня на Акрэсьціна.