19 студзеня ў Гомелі адзначылі апошняе сьвята каляднага цыклю — Вадохрышча. Многія гараджане ў гэты дзень ішлі да бажніц набраць сьвятой вады, іншыя акуналіся ў раку Сож, найбольш каля Кіеўскага спуску, дзе рачную ваду асьвяціў архіяпіскап Гомельскі і Жлобінскі Стэфан. Вадохрышчанскія купелі былі і на некаторых іншых вадаёмах гораду.
Асабліва шмат людзей прыйшло ў цэнтар гораду, да сабору Сьвятых Пятра і Паўла. Тут да стацыянарнай сьвідравіны падключылі часовае разгалінаваньне трубаў з кранамі, каб людзі маглі набраць сьвянцонай вады.
Палонку сёлета высякаць не давялося, бо пры набярэжнай, дзе ўлетку швартуюцца катэры, ладны кавалак Сажа не пасьпеў замерзнуць.
А так адзначалі Вадохрышча ў Менску
Вадохрышча ў Менску
Фотарэпартаж з вадохрышча ля храма Ўсіх Сьвятых.
