«Гопнікі» на вуліцах — гэта ня толькі для Майдану. Гэта для Кіева, — піша ВІталь Портнікаў, які сёньня пад пагрозай перасьледу пакінуў Украіну.
Не спрабуйце знайсьці палітычнай лёгікі ў вар’яцкім рашэньні вывесьці на вуліцы начнога горада атрады «гопнікаў» , гатовых за капейкі «дубасіць» першага сустрэчнага. Не вычэрчвайце складаныя схемы, паводле якіх атрады цітушак, як пераможная армія, павінны былі сустрэцца гэтай ноччу на вуліцах, якія вядуць да Майдану і ўзяць у кола лягер пратэсту. Не даказвайце у камэнтарах, што ўсё, што адбываецца — прэлюдыя да ўвядзеньня прэзыдэнтам Віктарам Януковічам надзвычайнага становішча ў краіне.
Ва ўсім гэтым так жа шмат палітыкі, як у сварцы зьняволеных з-за няправільнай «прад’явы». Калі ўлада сапраўды хоча разграміць лягер на Майдане, яна будзе дзейнічаць з дапамогай так званых «праваахоўнікаў» са зброяй — балазе, зараз у яе куды больш законных, выбачаюся за аксюмаран, падставаў, рушыць «Беркут» на плошчу ўкраінскай свабоды. Калі прэзыдэнт сапраўды хоча ўвесьці надзвычайнае становішча — то няўжо кругласутачнае супрацьстаяньне на Грушэўскага не магло б стаць для яго дастатковай падставай?
Былы міністар унутраных справаў Юры Луцэнка лічыць, што верагоднасьць мірнага вырашэньня канфлікту, які ўзьнік ва Ўкраіне, складае 5%.
«Я ня ведаю ніводнага грамадзяніна Украіны, які хоча пакласьці жыцьцё за гэтую кіроўную хунту. Я ня ведаю такога. Гэтыя крывасмокаў (прадстаўнікі ўлады) ніколі сваё жыцьцё за свайго галоўнага арганізатара не пакладуць. Няма грамадзянскай вайны, — сказаў Луцэнка. — Таму што ўласна мы ўжо ўсе ў турме. Якая розьніца — у меншай або ў вялікай, на ўсю краіну? Калі, прабачце, за ўдзел у дэманстрацыях даюць 15 гадоў і столькі ж даюць за спробу дзяржаўнага перавароту...»
«Трэба перастаць думаць, што мы будзем казаць сьледчаму, трэба думаць, што мы гаворым народу цяпер, які патрабуе свабоды. Адказ вельмі просты: у Вярхоўнай Радзе павінная засядаць Народная Рада Ўкраіны — 180 апазыцыйных дэпутатаў», — лічыць палітык.
Прэм’ер-міністар Украіны Мікалай Азараў лічыць, што лідэры апазыцыі павінны вызначыцца — падтрымліваюць яны ці не агрэсіўныя дзеяньні на вуліцы Грушэўскага ў Кіеве. Пра гэта ён напісаў на сваёй старонцы ў Facebook у аўторак вечарам.
«На працягу бліжэйшых дзён яны павінны выразна і ясна выказаць сваю пазіцыю. Калі яны падтрымліваюць гэтых грамілаў, гэтых экстрэмістаў, правакатараў, тады яны павінны сказаць: „Так, мы разам“. І несьці за гэта адказнасьць. Калі яны не падтрымліваюць, то яны павінны разам з уладай прыбраць гэтых бандытаў і правакатараў з вуліц сталіцы», — напісаў Азараў.
Прэм’ер лічыць, што адказнасьць за тое, што адбываецца ў цэнтры Кіева ляжыць, перш за ўсё, на тых лідэрах апазыцыйных партыяў, якія апошні час падбухторвалі Майдан да дзеяньняў супраць улады і ўсяляк спрабавалі дэстабілізаваць сытуацыю ў дзяржаве. Азараў падзякаваў праваахоўнікам за вытрымку пры сутыкненьнях на вуліцы Грушэўскага.
02:3722.1.2014
А вы бачылі фоткі Паўло Зуб’юка з Кіева сёньня? Гэта выглядае як «апакаліпсіс па-ўкраінску»
Фотагалерэя:
Кіеў ноч пратрымаўся і дзень прастаяў
22 студзеня ў пратэставым Кіеве. Фота — Паўло Зуб’юк.
02:3522.1.2014
Былы міністар унутраных справаў Юры Луцэнка прыйшоў да дэманстрантаў і прынёс ім цыгарэты «Прэзыдэнт».
«Будзем паліць прэзыдэнта» — сказаў палітык
02:3322.1.2014
Кажуць, што ўзялі ў палон некалькі "цітушак" якія білі аўто ў цэнтры Кіева #євромайдан
Раней сёньня зьявілася паведамленьне ў фэйсбуку ад імя самога Ігара Луцэнкі, але пацьвярджэньняў, што ён ужо на волі, спачатку не было, і тое паведамленьне выклікала сумневы.
Па словах гэтага паведамленьня, Ігара Луцэнка зь яшчэ адным чалавекам выкралі ноччу «дужыя маладзёны са шпіталя, дзе тыя знаходзіліся, і вывезьлі ў лес пад Кіевам, пасьля чаго трымалі больш 10 гадзінаў зачыненым у нейкім гаражы, а затым зноў вывезьлі ў лес і, імітуючы падрыхтоўку да расстрэлу, кінулі там. «Амаль 15- гадзіннае кантактаваньне з выкрадальнікамі было часам вельмі цяжкім маральна і фізычна», — гаворыцца ў паведамленьні.
Ігар Луцэнка зьяўляецца намесьнікам камэнданта Эўрамайдану, сябрам Рады УА «Майдан». Ён таксама зьяўляецца сябрам Галоўнай Рады Украінскага таварыства аховы помнікаў гісторыі і культуры, кантактнай асобай па грамадзкай лініі з ЮНЭСКА і ІКАМОС, актывістам абароны помнікаў архітэктуры, аб’ектаў сусьветнай спадчыны ЮНЭСКА, актывістам прыродаахоўнага руху, абаронцам Сафіі Кіеўскай, унесенай у ахоўны рэестар помнікаў гісторыі і культуры ЮНЭСКА, адным з кіраўнікоў грамадзкай ініцыятывы па барацьбе зь незаконнай забудовай «Захавай стары Кіеў». Чытаць далей...
02:0122.1.2014
Напярэдадні экс-міністар унутраных справаў Юры Луцэнка заклікаў усіх на Майдан
Людзі заяўляюць, што знаходзяць на вуліцы Грушэўскага, непасрэдна на месцы беспарадкаў, нявыкарыстаныя гільзы са сталёвым шротам.
Яны кажуць, што менавіта такімі патронамі страляюць у мітынгоўцаў праваахоўнікі. Кіраўнік аднаго з аддзелаў унутраных войскаў у камэнтары Радыё Свабода заявіў, што шрот выкарыстоўвалі толькі прадстаўнікі спэцаадзел «Беркут».
01:0322.1.2014
У інтэрнэце зьявілася відэа жорсткага зьбіцьця журналістаў Свабоды
Невядомы аўтар загрузіў на YouTube відэазапіс, на якім бачна, як байцы спэцаддзелу «Беркут» затрымліваюць і зьбіваюць двух журналістаў Радыё Свабода Дмытра Баркара і Ігара Ісхакава
У аб’ектыў трапілі кадры, дзе добра відаць, што журналістаў спачатку павалілі на зямлю, а потым пачалі біць. На відэа таксама чуваць галасы відавочцаў, якія назіралі за інцыдэнтам і камэнтуюць убачанае. Пацярпелыя сьцьвярджаюць, што на відэа менавіта яны.
Дмытро Баркар і Ігар Ісхакаў былі атакавыя спэцназам «Беркут» у той час, калі вялі наўпроставую відэатрансьляцыю падзеяў. На працягу пяці гадзін іх утрымлівалі асобна адзін ад аднаго, не даючы доступу да тэлефоннай сувязі і да юрыстаў. Яны таксама былі зьбітыя.
Абодва адпрэчваюць абвінавачваньні міліцыі, што яны бралі ўдзел у гвалтоўных дзеяньнях або правакавалі праваахоўнікаў нейкім чынам. Апошнія зьнятыя імі відэакадры перад момантам затрыманьня зь іх наўпроставага эфіру пацьвярджаюць іх словы.
