Дзень Волі − 2015: пад беларускімі, украінскімі і эўрапейскімі сьцягамі ЖЫВЫ БЛОГ

У калёне скандуюць «Пуцін – фашыст!».

Калёна дайшла да парку Дружбы народаў. Арганізатар акцыі Аляксей Янукевіч аб'явіў пра сканчэньне мерапрыемства і падзякаваў усім, хто прыйшоў на Дзень Волі.

Жывая трансьляцыя часова прыпыненая, няма сыгналу. Чакайце працягу.

Людзі спыніліся на ўваходзе ў парк Дружбы народаў. Ніхто не разыходзіцца, скандуюць «Жыве Беларусь!» і сьпяваюць песьні. Пляцоўка для мітынгу абгароджаная, стаяць мэталашукальнікі. Аднак на пляцоўку для мітынгу ніхто з арганізатараў і ўдзельнікаў ня ідзе.

Некаторыя ўдзельнікі шэсьця пачынаюць разыходзіцца. Тыя, хто застаецца, размаўляць, сьпяваюць песьні. За мэталашукальнікі, на пляцоўку для мітынгу, ніхто не пайшоў.

Адзін з удзельнікаў акцыі паведаміў карэспандэнту Радыё Свабода, што падслухаў, як міліцыянт сказаў у рацыю: «Запакавалі. Куды везьці?». Даішнікі спынілі аўто, на якім зьбіраліся зьехаць двое ўдзельнікаў акцыі. На люстэрку машыны завязаная бел-чырвона-белая стужка. Зараз ідзе разьбіральніцтва.

У затрыманай машыне знаходзяцца бабруйскія актывісты, якія бралі ўдзел у акцыі. Аўто з расейскімі нумарамі. Даішнікі не адпускаюць машыну, кажычу, што ў яе недапушчальная таніроўка. Працягваецца разьбіральніцтва.

У Менску адбылося традыцыйнае шэсьце з нагоды Дня Волі. Удзельнікі сабраліся а 15-й гадзіне каля кінатэатра «Кастрычнік», пасьля прайшлі шэсьцем да парку Дружбы Народаў. Першапачаткова збор удзельнікаў плянаваўся а 17:00, але Менскі гарвыканкам перанёс пачатак акцыі на дзьве гадзіны раней.​ Радыё Свабода вяло жывую трансьляцыю.

Янукевіч: Акцыя атрымалася параўнальная па сваёй энэргетыцы зь мінулагодняй