Гэтую гібель "Свабодзе" пракамэнтаваў Станіслаў Шушкевіч:
“Я ў вялікай роспачы. Мне вельмі падабалася гэтая жанчына. Гэта жудасна. Аўтарытарная краіна. Такую прыгожую, сумленную, прыстойную жанчыну загубіць маглі толькі нелюдзі. Яна рабіла добрае ўражаньне.
З такой жанчынай з мусульманскага сьвету можна было спадзявацца, што можна з гэтым сьветам знаходзіць добрую гаворку. Вось яны і зьнішчаюць такіх людзей. І відавочна ідуць у іншым кірунку.
Я б сказаў, у нас падобны варыянт. Бо тое, што ў нас зьніклі людзі — гэта цемрашальскі варыянт, таго самага пляну. Гэта бывае ў аўтарытарных краінах, дзе аўтарытарызм спрыяе разьвіцьцю такіх працэсаў”.
