Гадавіна путчу сёлета засталася амаль незаўважанай як у Беларусі, гэтак і ў Расеі, і ў іншых дзяржавах былога СССР. Што да Расеі, дык нядаўняе апытаньне, праведзенае маскоўскімі сацыёлягамі Левада-цэнтру, паказвае, што 48 адсоткаў расіянаў лічаць путч ўсяго толькі эпізодам ў барацьбе за ўладу тагачаснай кіруючай эліты.
Генадзь Бурбуліс, які ў 1991 годзе быў палітычным дарадцам Барыса Ельцына, у інтэрвію расейскай службе Свабоды выказаў шкадаваньне, што вынікам путчу быў распад СССР:
Бурбуліс: “З аднаго боку, радуюся таму, што нічога падобнага шаснаццаць гадоў з намі не адбываецца. З другога боку, я пастаянна пераконваюся, што ўрокі 1991 году і ацэнка путчу не атрымлівае чалавечай і гістарычнай адэкватнасьці. Людзі ўсё менш і менш усьведамляюць, што путчысты на нашу агульную калектыўную бяду зрабілі незваротным распад нашай радзімы".
Іншую ацэнку выказаў Зянон Пазьняк, тагачасны лідэр парлямэнцкай апазыцыі БНФ, якая ў жніўні 1991 году дамаглася скліканьня пазачарговай сэсіі ВС і наданьня Дэклярацыі аб сувэрэнітэце статусу канстытуцыйнай сілы.
Пазьняк: “Гэты путч, які рыхтаваўся з мэтай выратаваць КПСС і Савецкі Саюз, аказаўся цьвіком у труну СССР і КПСС. 19-га пачаўся путч, праз тры дні ён пацярпеў крах, а 25 жніўня мы ўжо абвясьцілі Незалежнасьць Беларусі. Так што гэты путч і гэты крах паспрыяў нашай Незалежнасьці. І гэта для нас вельмі істотна. Фактычна, ён прысьпешыў распад Савецкага Саюза і вызваленьне з-пад акупацыі. У парадку гумару магу дадаць, што гэты путч паўплываў на ўспрыманьне расейскага мастацтва: цяпер дастаткова толькі пачуць "Танец маленькіх лебедзяў" Чайкоўскага і -- і ўспамінаецца путч".
Генадзь Бурбуліс, які ў 1991 годзе быў палітычным дарадцам Барыса Ельцына, у інтэрвію расейскай службе Свабоды выказаў шкадаваньне, што вынікам путчу быў распад СССР:
Бурбуліс: “З аднаго боку, радуюся таму, што нічога падобнага шаснаццаць гадоў з намі не адбываецца. З другога боку, я пастаянна пераконваюся, што ўрокі 1991 году і ацэнка путчу не атрымлівае чалавечай і гістарычнай адэкватнасьці. Людзі ўсё менш і менш усьведамляюць, што путчысты на нашу агульную калектыўную бяду зрабілі незваротным распад нашай радзімы".
Іншую ацэнку выказаў Зянон Пазьняк, тагачасны лідэр парлямэнцкай апазыцыі БНФ, якая ў жніўні 1991 году дамаглася скліканьня пазачарговай сэсіі ВС і наданьня Дэклярацыі аб сувэрэнітэце статусу канстытуцыйнай сілы.
Пазьняк: “Гэты путч, які рыхтаваўся з мэтай выратаваць КПСС і Савецкі Саюз, аказаўся цьвіком у труну СССР і КПСС. 19-га пачаўся путч, праз тры дні ён пацярпеў крах, а 25 жніўня мы ўжо абвясьцілі Незалежнасьць Беларусі. Так што гэты путч і гэты крах паспрыяў нашай Незалежнасьці. І гэта для нас вельмі істотна. Фактычна, ён прысьпешыў распад Савецкага Саюза і вызваленьне з-пад акупацыі. У парадку гумару магу дадаць, што гэты путч паўплываў на ўспрыманьне расейскага мастацтва: цяпер дастаткова толькі пачуць "Танец маленькіх лебедзяў" Чайкоўскага і -- і ўспамінаецца путч".
