У Маскве ў рэстаране адбыўся выбух. Ёсьць загінулыя і параненыя

Спачатку паведамлялі аб гібелі трох чалавек і аб 30 пацярпелых. Пазьней стала вядома аб пяці загінулых.

Паводле каналу Baza, выбух адбыўся ў рэстаране Balzi Rossi. Ён знаходзіцца на першым паверху шматпавярховага будынку. Пачаўся пажар. На месцы здарэньня шмат пажарных машын і машын хуткай дапамогі.

Адзначаецца, што ў рэстаране праходзіла прыватная вечарынка. Відавочцы паведамілі 112, што там праходзіла «вясельле на 50 чалавек». ASTRA, аднак, з спасылкай на сьведкаў напісала, што ў рэстаране сьвяткавалі «дзень нараджэньня генэрала».

Telegram-каналы адзначылі, што Balzi Rossi — дарагі рэстаран, які наведваюць прадстаўнікі так званай эліты.

Спачатку СМІ паведамлялі аб адным загінулым, але пазьней напісалі, што загінулі тры чалавекі і ад 7 да 20 чалавек атрымалі раненьні.

Як паведаміла Расейская служба Радыё Свабода з спасылкай на Міністэрства ўнутраных спраў Расеі, «тры чалавекі загінулі, 15 пацярпелі пры выбуху каля летняй кавярні ў раёне дому № 1 на Кудрынскай плошчы».

Спачатку агучвалі дзьве вэрсіі выбуху — газ і падрыў самаробнай выбуховай прылады так званым. Пазьней улады паведамілі, што прыладу ў рэстаран прынесла жанчына пад выглядам падарунка. Але ахоўнік яе не прапусьціў і выбух адбыўся на ўваходзе ў залю рэстарану.