МЗС Расеі заклікаў замежных дыпляматаў ва Ўкраіне пакінуць Кіеў — Масква пагражае новымі ўдарамі з паветра

25 травень 2026, 19:43

Разбураны жылы дом у Кіеве пасьля расейскага ўдару

Наступствы разбуральных расейскіх удараў напярэдадні агледзелі дзясяткі замежных дыпляматаў, а Масква папярэдзіла іх пра новыя ракеты на Кіеў.

Масква пагражае новымі паветранымі атакамі на ўкраінскую сталіцу. Афіцыйная старонка Міністэрства замежных спраў Расеі ў Х паведаміла, што Ўзброеныя сілы Расеі пачынаюць сыстэматычныя ўдары па прадпрыемствах украінскага вайскова-прамысловага комплексу ў Кіеве.

«Папярэджваем замежных грамадзян, у тым ліку супрацоўнікаў дыпляматычных місіяў і міжнародных арганізацыяў, аб неабходнасьці пакінуць горад» — заявілі ў расескім МЗС.

Міністэрства замежных спраў Расеі заяўляе, што расейскія войскі ўдараць «па канкрэтных месцах праектаваньня, вытворчасьці, праграмаваньня і падрыхтоўкі да выкарыстаньня бесьпілётных лятальных апаратаў».

Якраз 25 траўня больш за 70 кіраўнікоў і прадстаўнікоў замежных дыпляматычных місій наведалі месцы нядаўніх расейскіх удараў у Кіеве і ўшанавалі памяць загінулых падчас абстрэлаў.

Сярод гасьцей Кіева ў гэтыя дні і Сьвятлана Ціханоўская з апазыцыйнай беларускай дэлегацыяй. Яна наведала Сьцяну памяці ў Кіеве, дзе разам зь міністрам замежных спраў Украіны Андрэем Сыбігам ушанавала памяць палеглых, у тым ліку сваіх землякоў-беларусаў, якія сталі на абарону Ўкраіны.

Сьвятлана Ціханоўская на могілках, дзе пахаваная беларуская добраахвотніца Марыя Зайцава, 25 траўня 2026

ГЛЯДЗІЦЕ ТАКСАМА:

Ціханоўская ў Кіеве ўшанавала беларускіх добраахвотнікаў, якія загінулі за за Ўкраіну, і правяла перамовы ў МЗС. ФОТА

У ноч на 24 траўня Ўкраіна зазнала масаванага паветранага нападу з боку Расеі. Паводле зьвестак Вайскова-паветраных сілаў Узброеных сілаў Украіны, Расея атакавала Ўкраіну з дапамогай 600 бесьпілётных лятальных апаратаў розных тыпаў і 90 ракет паветранага, марскога і наземнага базаваньня, асноўным напрамкам нападу быў Кіеў.

Агулам ва Ўкраіне загінулі чатыры чалавекі, каля ста атрымалі раненьні.

У Кіеве ў выніку нападу загінулі два чалавекі. Паводле апошніх зьвестак, 91 чалавек атрымаў раненьні.

Кіеў пасьля расейскага нападу: пажары і руйнаваньні ў 10 раёнах гораду, у тым ліку разбураны музэй Чарнобылю. ФОТА

1/14 Пажар на тэрыторыі рынку і гандлёвага цэнтру пасьля атакі РФ каля станцыі мэтро «Лук’янаўская» ў Кіеве

2/14 Выбуховая хваля пашкодзіла наземны вэстыбюль станцыі мэтро «Лук’янаўская», яе закрылі для пасажыраў

3/14 Наступствы расейскай атакі каля станцыі мэтро «Лук’янаўская» ў Кіеве

4/14 Ліквідацыя пажару на Лук’янаўскім рынку ў Кіеве

5/14 Разбураны расейскім абстрэлам шматпавярховы будынак у Шаўчэнкаўскім раёне Кіеву

6/14 Пажар у пяціпавярховіку ў Шаўчэнкаўскім раёне Кіеву. У доме цалкам разбураны пад’езд

Паранены ў выніку расейскай атакі Яўген трымае на руках свайго сабаку Вілку.</br><br></br>«Я быў у калідоры. А ён [сабака] не хацеў са мной быць. Ён быў у пакоі. Вось як бахнула – я за ім кінуўся. А тут яшчэ адзін выбух. І мяне зь ім, як трэсачку, панесла. Разумееце, мне 75 гадоў. Чаго мне баяцца? Я больш за яго баяўся, чым за сябе», – распавёў мужчына — 7/14 Паранены ў выніку расейскай атакі Яўген трымае на руках свайго сабаку Вілку.

«Я быў у калідоры. А ён [сабака] не хацеў са мной быць. Ён быў у пакоі. Вось як бахнула – я за ім кінуўся. А тут яшчэ адзін выбух. І мяне зь ім, як трэсачку, панесла. Разумееце, мне 75 гадоў. Чаго мне баяцца? Я больш за яго баяўся, чым за сябе», – распавёў мужчына

8/14 Людзі і ратавальнікі хаваюцца ў падвале і аказваюць параненай жанчыне дапамогу

9/14 Пашкоджаны ў выніку атакі РФ дзевяціпавярховы будынак у Шаўчэнкаўскім раёне Кіеву

10/14 Мужчына дапамагае пацярпелай жанчыне

11/14 Разбурэньні ў шматпавярховіку ў Шаўчэнкаўскім раёне Кіеву

12/14 Супрацоўнікі Чырвонага Крыжа эвакуююць параненых

14/14 Дым у небе над Кіевам пасьля расейскай атакі на горад

Тэмы гэтага артыкулу

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.