На 80 месцаў у Каардынацыйнай радзе чацьвёртага скліканьня прэтэндуюць 175 чалавек

За апошнія дні сакавіка ў спаборніцтва ўключыўся яшчэ 61 кандыдат з трох сьпісаў. У той жа час некаторыя ўдзельнікі КР трэцяга скліканьня заявілі пра свой няўдзел у выбарах. Гэта, напрыклад, фракцыя «Беларусы» (Блёк Пракоп’ева — Ягорава) і фракцыя «Наша справа».

Таксама ў выбарах у чацьвёрты склад Каардынацыйнай рады вырашыла ня ўдзельнічаць партыя «Разам», арганізаваньнем якой займаюцца прыхільнікі Віктара Бабарыкі.

ГЛЯДЗІЦЕ ТАКСАМА:

Яшчэ адзін блёк адмовіўся ад удзелу ў выбарах у Каардынацыйную раду. Там адрэагавалі

На месцы ў новым складзе КР прэтэндуюць наступныя сьпісы:

• «Кааліцыя Латушка і Рух „За Свабоду“» — 38 чалавек, лідэры Павал Латушка і Юрась Губарэвіч;
• Рух «Воля» — 28 чалавек, лідэр Мікіта Забуга;
• Аб’яднаная грамадзянская плятформа — 22 чалавекі, лідэр Мікалай Казлоў;
• «Ваш голас» — 20 чалавек, лідэр Андрэй Колас;
• «Эўрапейскі выбар» — 17 чалавек, лідэр Валер Мацкевіч;
• Блёк беларускіх палітычных зьняволеных «Беларус дзеяньня» — 12 чалавек, лідэр Юры Зянковіч;
• «Наступ» — 13 чалавек, лідэрка Лізавета Пракопчык;
• «Хопіць баяцца!» — 13 чалавек, лідэрка Тацяна Мартынава;
• «Закон і правапарадак» — 12 чалавек, лідэр Сяргей Макар.

Ужо зарэгістраваныя выбарчыя сьпісы «Эўрапейскі выбар» і «Закон і правапарадак» .

Выбары пройдуць 11–17 траўня 2026 году.