У Пхэньяне Аляксандар Лукашэнка сустрэўся з кіраўніком КНДР Кім Чэн Ынам. Месцам правядзеньня цырымоніі стала плошча імя Кім Ір Сэна, названая ў гонар заснавальніка КНДР і адкрытая ў 1954 годзе, піша прэс-служба Лукашэнкі.
Плошча зьмяшчае да 100 тысяч чалавек і зьяўляецца месцам правядзеньня вайсковых парадаў, дзяржаўных сьвятаў і іншых масавых мерапрыемстваў.
Лукашэнка, як і ягоны малодшы сын Мікалай, усклалі вянкі і кветкі да мэмарыялу «Вызваленьне» на плошчы.
Лукашэнка ўшанаваў памяць савецкіх ваяроў, якія загінулі пры вызваленьні Карэі ад японскіх захопнікаў, была аб’яўлена хвіліна цішыні.
Акрамя таго, беларускі бок усклаў букет кветак да манумэнту па просьбе прэзыдэнта Расеі Ўладзіміра Пуціна — на знак падзякі за дапамогу ў так званай СВА (Спэцыяльнай ваеннай апэрацыі, як Крэмль афіцыйна заве захопніцкую вайну супраць Украіны).
На афіцыйнай цырымоніі выканалі дзяржаўныя гімны дзьвюх краінаў, прысутнічалі паўночнакарэйскія Ганаровая варта і кавалерыя.
Форум