Дзень у гісторыі
1265 — Сымон дэ Манфор, граф Лестэр, склікаў першы прадстаўнічы парлямэнт Ангельшчыны — у яго ўпершыню запрасілі ня толькі баронаў і духоўных асобаў, але і па два рыцары ад кожнага графства і па два прадстаўнікі буйных гарадоў.
1513 — у Браславе загінула Алена Іванаўна (Алена Маскоўская), дачка вялікага князя маскоўскага Івана ІІІ і жонка вялікага князя літоўскага Аляксандра. Паводле адной з вэрсіяў, была атручаная.
1532 — Жыгімонт I Стары надаў Слоніму магдэбурскае права.
1569 — Жыгімонт Аўгуст надаў Дзісьне магдэбурскае права і новы герб.
1937 — загад кіраўніка НКВД Яжова ня ўказваць месца пахаваньня расстраляных «ворагаў народу».
1960 — у Беларусі скасавалі Маладачанскую вобласьць і вызначылі абласны падзел, які існуе да сёньня.
1980 — прэзыдэнт ЗША Джымі Картэр заявіў, што амэрыканскія спартоўцы не паедуць на Алімпійскія гульні ў Маскву, калі Савецкі Саюз ня выведзе войскі з Афганістану да 20 лютага. Праз два месяцы ЗША афіцыйна аб’явілі пра байкот Алімпіяды.
1990 — увод савецкіх войскаў у сталіцу Азэрбайджану Баку (Чорны студзень).
1992 — Беларусь устанавіла дыпляматычныя дачыненьні з Кітайскай Народнай Рэспублікай.
2001 — 43-м прэзыдэнтам ЗША стаў Джордж Буш-малодшы.
2009 — 44-м прэзыдэнтам ЗША стаў Барак Абама.
2017 — 45-м прэзыдэнтам ЗША стаў Дональд Трамп.
2021 — 46-м прэзыдэнтам ЗША стаў Джо Байдэн.
2025 — 47-м прэзыдэнтам ЗША стаў Дональд Трамп.
У гэты дзень нарадзіліся
1801 — Канут Русецкі, клясык беларускага жывапісу.
1886 — Фабіян Акінчыц, грамадзка-палітычны дзяяч.
1891 — Фабіян Ярэміч, беларускі грамадзка-палітычны дзяяч, вязень ГУЛАГу.
1892 — Рыгор Шырма, дырыгент і фальклярыст, дзяяч нацыянальна-вызвольнага руху 1920–1930-х у Заходняй Беларусі, вязень польскіх і савецкіх турмаў.
1905 — Ян Пятроўскі, беларускі дзяяч у Заходняй Беларусі і ў эміграцыі, пісьменьнік, перакладнік, лексыкограф.
1907 — Iван Лушчыцкi, беларускі філёзаф.
1913 — Ларыса Алексютовіч, танцорка, балетмайстар, заслужаная дзяячка мастацтваў Беларусі.
1920 — Фэдэрыка Фэліні, італьянскі кінарэжысэр, сцэнарыст, ляўрэат пяці прэміяў «Оскар».
1955 — Уладзіслаў Пятрайціс, сьвятар, удзельнік нацыянальна-дэмакратычнага руху 1980-х — пач. ХХІ ст. Каталіцкі сьвятар у Мёрах.
1961 — Сяргей Тарасаў, археоляг, гісторык, пісьменьнік.
У памяці
1922 — Еўдакім Раманаў, археоляг, гісторык, этнограф, фальклярыст.
1955 — Лукаш Дзекуць-Малей, беларускі рэлігійны й грамадзкі дзяяч. Баптыст-прапаведнік, перакладнік. Памёр у польскім Гданьску.
2005 — Ян Новак-Езяранскі, польскі журналіст, публіцыст, палітычны актывіст, стваральнік польскай службы Радыё Свабода.
2013 — Міхась Чарняўскі, гісторык, пісьменьнік, удзельнік нацыянальна-культурніцкага руху 1960–1980-х і нацыянальна-дэмакратычнага руху 1980-х — пач. ХХІ ст.
2015 — Анатоль Грыцкевіч, гісторык, грамадзкі дзяяч, удзельнік нацыянальна-дэмакратычнага руху 1980-х — пач. ХХІ ст.
2021 — Барыс Забораў, жывапісец і графік.