Як вынікае з адпаведнага рашэньня раённых уладаў, якое набыло моц 22 сьнежня, два батанічныя помнікі прыроды «Зьдзітаўскі сквэр» і «Зьдзітаўскія дубы» аб’ядналі ў адзін — «Зьдзітаўскія дубы» ў сувязі з зьменай іх межаў, рэжыму аховы і выкарыстаньня.
«Зьдзітаўскага сквэру», які атрымаў ахоўны статус у 2019 годзе і, як адзначаецца на сайце Міністэрства прыродных рэсурсаў і аховы навакольнага асяродзьдзя, уяўляў «унікальны куточак жывой прыроды на правым беразе ракі Мухавец з узроставымі экзэмплярамі дубу, алешыны і елі» больш няма.
Агульная плошча батанічнага помніку цяпер складае 0,1952 га. Пры стварэньні ў 2019 годзе плошча «Зьдзітаўскага сквэру» была 5,973 гектара, а «Зьдзітаўскіх дубоў» (ствараўся ў 2016 годзе. — РС) — 0,3529 гектара.
У прыродны помнік «Зьдзітаўскія дубы» ўваходзілі 10 векавых чарэшчатых дубоў. У рашэньні не ўдакладняецца, якая іх колькасьць засталася.
Сёлета ў сьнежні Савет міністраў Беларусі пераўтварыў біялягічны заказьнік «Спораўскі» рэспубліканскага значэньня (таксама ў Берасьцейскай вобласьці. — РС)і зацьвердзіў яго новыя межы, што прывяло да скарачэньня яго плошчы з 19 384 да 19 202,54 гектара.
У ліпені стала вядома аб зьмяншэньні плошчы ельніку «Калінкавіцкія» на 63,21 га — да 108,29 га, бо там ад засухі пацярпела 41,1% плошчы ельнікаў.
У лістападзе Міністэрства прыродных рэсурсаў і аховы навакольля Беларусі ўхваліла пастанову аб спыненьні функцыянаваньня батанічнага помніка прыроды рэспубліканскага значэньня «Астраўныя ельнікі Добрускія» ў Добрускім раёне Гомельскай вобласьці.
Форум