Паводле інфармацыі, праект закране тыя дамы, якім МГЖГ надае паслугі. Камэры плянуецца разьмясьціць на дваровай тэрыторыі, каля дзіцячых пляцовак, месцаў збору сьмецьця, пад’ездаў, праездаў і пешаходных зонаў — каб кантраляваць стан жыльлёвага фонду і догляду двароў, паведамляе Минск-Новости.
Ужо распачатыя агляды жылых дамоў, каб вызначыць аптымальныя пункты ўсталяваньня. Паводле кіраўніцтва МГЖГ, поўны запуск відэаназіраньня чакаецца ў 2026 годзе.
Прадстаўнікі ведамства кажуць, што сыстэма дапаможа апэратыўна выяўляць праблемы — напрыклад, разбураныя сьцежкі, няспраўныя сьмецьцепрыёмнікі, брудныя пад’езды ці хібы ў працы камунальных службаў.
Актуалізацыя шырокага відэаназіраньня ў жылых раёнах Менска адбываецца пасьля ўдасканаленьняў гарадзкой сыстэмы маніторынгу грамадзкай бясьпекі: раней ужо ўсталявалі дзясяткі тысяч «разумных» камэраў, здольных фіксаваць парушэньні, распазнаваць твары і нумары аўтамабіляў.
Форум