Як паведаміла рэгіянальнае выданьне bvn.by, у лякарню ў Берасьці зьвярнуўся падлетак 2010 году нараджэньня. Ён патлумачыў, што выпадкова прастрэліў сабе палец. Лекары паінфармалі аб інцыдэнце міліцыю.
Бацькі падлетка сказалі, што набылі пісталет на інтэрнэт-пляцоўцы і падарылі яго сыну, а таго, што пісталет можа нанесьці шкоду, ня ведалі.
Міліцыянты забралі пісталет і перадалі яго на экспэртызу. Экспэрты высьветлілі, што пнэўматычны газабалённы пісталет выраблены на заводзе. Сярэдняя рульная энэргія гэтага пісталета ў экспэрымэнтальнай стральбе склала 2,22 Дж.
Экспэрты падкрэсьлілі, што, нягледзячы на ўзровень рульнай энэргіі (зброю з рульнай энэргіяй да 3 Дж ня трэба рэгістраваць), аніводны від зброі няможна лічыць цалкам бясьпечным.
Форум