Яшчэ адзін пацярпелы пры выбуху на прадпрыемстве «Беларуськалій» выпісаны з рэанімацыі. Яго перавялі ў аддзяленьне апёкаў.
31 кастрычніка на адкрытай пляцоўцы цэха мэмбраннага электролізу «Беларуськалія» разарвалася пустая ёмістасьць. Ударная хваля пашкодзіла суседнюю ёмістасьць з салянай кіслатой. У выніку пацярпелі чатыры чалавекі.
Аднаго з пацыентаў выпісалі дадому яшчэ на пачатку лістапада.
Яшчэ адзін пацярпелы застаецца на лячэньні ў рэанімацыйным аддзяленьні на апараце штучнай вэнтыляцыі лёгкіх, паведамілі ў ведамстве.
У Міністэрстве аховы здароўя ўдакладнілі, што пацыентам надаюць усю неабходную дапамогу, адмыслоўцы выконваюць этапнае выдаленьне пашкоджаных тканак. Пры гэтым увесь час праводзяцца кансыліюмы, на якіх адмыслоўцы карэктуюць тактыку лячэньня.
6 лістапада ў Міністэрстве аховы здароўя Беларусі паведамілі, што аднаго з чатырох пацярпелых у інцыдэнце на прадпрыемстве «Беларуськалій» перавялі на амбуляторнае лекаваньне.
У час выбуху ад хімічных апёкаў і траўмаў пацярпелі чацьвёра работнікаў — адна жанчына і трое мужчын. Спачатку дваім зрабілі апэрацыі ў салігорскім шпіталі, потым усіх перавезьлі ў шпіталь у Менску. Тут дактары правялі кансыліюм, дзе вызначылі тактыку далейшага лекаваньня.
Форум