Гэты дзень у гісторыі
1097 — упершыню згадваецца Пінск (Аповесьць мінулых часоў).
1794 — расейскія войскі пад кіраўніцтвам Аляксандра Суворава ўзялі штурмам Варшаву і ўчынілі там расправу над паўстанцамі. Такім чынам вызвольнае паўстаньне пад кіраўніцтвам Тадэвуша Касьцюшкі, якое адбывалася і на тэрыторыі сучаснай Беларусі, было канчаткова здушанае.
1922 — выбары ў Сэйм Польшчы, створаны Беларускі пасольскі клюб.
1939 — створаны Нацыянальны мастацкі музэй Рэспублікі Беларусь.
1957 — урачыстае адкрыцьцё новага будынку Мастацкага
музэю ў Менску.
У гэты дзень нарадзіліся
1893 — Кастусь Езавітаў, беларускі палітык, гісторык і публіцыст, удзельнік абвяшчэньня незалежнасьці Беларускай Народнай Рэспублікі 25 сакавіка 1918 году, сябра Рады БНР, міністар вайсковых спраў БНР (расстраляны НКВД у 1946 годзе).
1907 — Міхал Вітушка, вайсковы дзеяч, палітык, кіраўнік паваеннага збройнага антысавецкага Супраціву 1944–1950-х.
1956 — Андрэй Грабаў, паэт, аўтар непадцэнзурных тэкстаў, удзельнік нацыянальна-культурніцкага руху 1970-х, перасьледаваны спэцслужбамі.
У памяці
1954 — Міхась Клімковіч, беларускі паэт і перакладчык, аўтар гімну БССР.
1997 — Сьвятаслаў Коўш, праваслаўны сьвятар.
